ୟୁଜିସିର ନୂଆ ନିୟମ, ବିନା ପିଏଚଡିରେ ହୋଇପାରିବେ ଆସିଷ୍ଟାଣ୍ଟ ପ୍ରଫେସର
ନିୟମ ପରିବର୍ତ୍ତନ କରିଛି ୟୁଜିସି । ୟୁଜିସି ଅର୍ଥାତ୍ ୟୁନିଭରସିଟି ଗ୍ରାଣ୍ଟ କମିଶନ ପ୍ରଫେସର ନିଯୁକ୍ତି ପାଇଁ ନିୟମ ବଦଳାଇଛି । କଲେଜରେ ପ୍ରଫେସର ହେବା ପାଇଁ ଆଉ ଏବେ ପିଏଚଡି କରିବାର ଆବଶ୍ୟକ ନାହିଁ । ନୂଆ ନିୟମ ୧ ଜୁଲାଇ ୨୦୨୩ରୁ ଲାଗୁ ହୋଇଯାଇଛି ।
ୟୁନିଭରସିଟି କିମ୍ବା କଲେଜରେ ପ୍ରଫେସର ହେବା ପାଇଁ ଆଉ ଏବେ ପିଏଚଡି କରିବାର ଆବଶ୍ୟକ ନାହିଁ । ୟୁଜିସି ଅର୍ଥାତ୍ ୟୁନିଭରସିଟି ଗ୍ରାଣ୍ଟ କମିଶନ ପ୍ରଫେସର ନିଯୁକ୍ତି ପାଇଁ ନିୟମ ବଦଳାଇଛି । ଏଥିପାଇଁ କୌଣସି ପ୍ରାର୍ଥୀଙ୍କୁ ପିଏଚଡି କରିବା ଜରୁରୀ ନୁହେଁ । ସମସ୍ତ ଉଚ୍ଚଶିକ୍ଷା ଅନୁଷ୍ଠାନରେ ଆସିଷ୍ଟାଣ୍ଟ ପ୍ରଫେସର ପଦବୀରେ ନିଯୁକ୍ତି ଲାଗି ନେଟ୍, ସେଟ୍, ଏସଏଲଇଟି ହିଁ ସର୍ବନିମ୍ନ ମାନଦଣ୍ଡ ଭାବରେ ବିବେଚନା କରାଯିବ । ନୂଆ ନିୟମ ୧ ଜୁଲାଇ ୨୦୨୩ରୁ ଲାଗୁ ହୋଇଯାଇଛି ।
ୟୁନିଭରସିଟି ଗ୍ରାଣ୍ଟସ କମିଶନ(ୟୁଜିସି) ଏକ ବଡ ନିଷ୍ପତ୍ତି ନେଇଛି । ଆସିଷ୍ଟାଣ୍ଟ ପ୍ରଫେସର ନିଯୁକ୍ତି ଲାଗି ପିଏଚଡି କରିବାକୁ ଉଠାଇ ଦେଇଛନ୍ତି । ୟୁଜିସି ଅଧ୍ୟକ୍ଷ ପ୍ରଫେସର ଏମ୍ ଜଗଦୀଶ କୁମାର ଟୁଇଟ୍ କରି ଏ ବିଷୟରେ ସୂଚନା ପ୍ରଦାନ କରିଛନ୍ତି ।
ଆସିଷ୍ଟାଣ୍ଟ ପ୍ରଫେସର ଭାବରେ ନିଯୁକ୍ତି ପାଇବାକୁ ପିଏଚଡି ଯୋଗ୍ୟତା ୧ ଜୁଲାଇ ୨୦୨୩ରୁ କେବଳ ଏକ ବିକଳ୍ପ ଭାବରେ ବିଚାର କରାଯିବ । ପ୍ରକାଶ ପାଇଥିବା ବିଜ୍ଞପ୍ତି ଅନୁସାରେ ୟୁନିଭରସିଟି ଗ୍ରାଣ୍ଟ କମିଶନ ମିନିମମ୍ କ୍ୱାଲିଫିକେସନ ଫର୍ ଆପଏଣ୍ଟମେଣ୍ଟ ଅଫ୍ ଟିଚର୍ସ ଆଣ୍ଡ ଅଦର ଏକାଡେମିକ୍ ଷ୍ଟାଫ ରେଗୁଲେସନ ୨୦୧୮ରେ ସଂଶୋଧନ କରିଛନ୍ତି । ଏବେ ନେଟ୍, ସେଟ୍, ଏସଏଲ୍ଏଟି ପରି ଯୋଗ୍ୟତା ଉଚ୍ଚଶିକ୍ଷା ଅନୁଷ୍ଠାନରେ ଆସିଷ୍ଟାଣ୍ଟ ପ୍ରଫେସର ଭାବରେ ନିଯୁକ୍ତି ପାଇବାର ସର୍ବନିମ୍ନ ଯୋଗ୍ୟତା ରହିବ ।
UGC Gazette Notification:
Ph.D. qualification for appointment as an Assistant Professor would be optional from 01 July 2023.
NET/SET/SLET shall be the minimum criteria for the direct recruitment to the post of Assistant Professor for all Higher Education Institutions. pic.twitter.com/dnpHlnfgo2
— UGC INDIA (@ugc_india) July 5, 2023
ୟୁଜିସିର ମୁଖ୍ୟ ଆସିଷ୍ଟାଣ୍ଟ ପ୍ରଫେସର ପଦବୀ ପାଇଁ ଗାଇଡ ଲାଇନ୍ସ ମୌଖିକ ଭାବେ ମାର୍ଚ୍ଚ ମାସରେ ଘୋଷଣା କରିଥିଲେ । ଏହାକୁ ନେଇ ଲକ୍ଷ ଲକ୍ଷ ପ୍ରାର୍ଥୀ ଅଫିସିଆଲ ନୋଟିଫିକେସନକୁ ଚାହିଁ ବସିଥିଲେ । ଯାହାକୁ ଏବେ ୟୁଜିସି ଅଫିସିଆଲ ଭାବେ ଘୋଷଣା କରିଛି । ନୂଆ ନିୟମ ୧ ଜୁଲାଇ ୨୦୨୩ରୁ ଲାଗୁ ହୋଇଯାଇଛି ।
