ସାଧାରଣତଃ ଚା ଅନେକ ଲୋକଙ୍କୁ ପସନ୍ଦ । ମଣିଷକୁ ଚା ପିଇବାର ଅଭ୍ୟାସ ଥିବା କଥା ତ ଆପଣ ନିଶ୍ଚୟ ଶୁଣିଥିବେ ତେବେ ଯଦି କେବେ ଘୋଡ଼ାକୁ ଚା ପିଇବାର ଅଭ୍ୟାସ ହୋଇଯାଏ ତାହେଲେ ? ଆଜ୍ଞା ହଁ ଇଂଲଣ୍ଡର ମର୍ସିସାଇଡ ପୋଲିସ ପାଖରେ ରହିଛି ଏପରି ଏକ ଘୋଡା ଯାହାକୁ ହୋଇଯାଇଛି ଚା ପିଇବାର ଅଭ୍ୟାସ ଏବଂ ଚା ନଦେଲା ପର୍ଯ୍ୟନ୍ତ ସେ କୌଣସି କାମ କରେ ନାହିଁ । ପ୍ରତିଦିନ ସକାଳୁ ତାକୁ ଏକ କପ ଚା ଦେବା ପରେ ହିଁ ସେ କାମ କରିଥାଏ।
We have a new episode of #wintermorningwakeups featuring Jake. Jake refuses to get out of bed until he is brought a warm cup of @tetleyuk tea. Once he has drank this he is ready for the day. #StandTall #PHJake #NotStandingAtAll #BrewInBed #TeaTaster pic.twitter.com/iJXm32hlad
— Mer Pol Mounted (@MerPolMounted) November 20, 2019
୨୦ ବର୍ଷୀୟ ଏହି ଘୋଡାର ନାମ ହେଉଛି ଜ୍ୟାକ । ଏହାର ଚା ପିଇବାର ଆଦତ ବିଷୟରେ ମର୍ସିସାଇଡ ପୋଲିସର ମାଉଣ୍ଟ ସେକ୍ସନରେ କାମ କରୁଥିବା ସମସ୍ତ କର୍ମଚାରୀମାନେ ଜାଣନ୍ତି । ସେଥିପାଇଁ ତାକୁ ସକାଳର ଚା ଦେବାକୁ କେବେ ଭୁଲନ୍ତି ନାହିଁ । ଦୀର୍ଘ ୧୫ ବର୍ଷ ପୂର୍ବରୁ ଜ୍ୟାକକୁ ଏହି ଅଭ୍ୟାସ ରହିଛି । ସୂଚନା ଅନୁଯାୟୀ ଜ୍ୟାକର ମାଲିକ ଚା ପିଇବା ପରେ କପକୁ ତା ପାଖରେ ଛାଡି ଦେଇଥିଲେ ଯେଉଁଥିରେ ଅଳ୍ପ କିଛି ଚା ରହିଯାଇଥିଲା ଏବଂ ସେହି ଚା’ କୁ ଜ୍ୟାକ ଚାଖିଦେଇଥିଲା । ତେବେ ସେହିଦିନଠାରୁ ଜ୍ୟାକକୁ ଚା’ର ଅଭ୍ୟାସ ହୋଇଯାଇଛି ।
ଏହାସହ ପଢନ୍ତୁ ସାଇକେଲ ମରାମତି କରିବାରେ ବିଳମ୍ବ, ପୋଲିସରେ ଅଭିଯୋଗ କଲେ ପଞ୍ଚମ ଶ୍ରେଣୀ ଛାତ୍ର, ଆଉ ତାପରେ..
ମାଉଣ୍ଟ ସେକ୍ସନର ମ୍ୟାନେଜରଙ୍କ କହିବା ଅନୁଯାୟୀ ଜ୍ୟାକକୁ ବହୁତ ଗରମ କିମ୍ବା ମଲାଈ ଚା’ ପସନ୍ଦ ନୁହେଁ । ସେ କେବଳ କ୍ଷୀରରେ ସାଧାରଣ ଭାବେ ପ୍ରସ୍ତୁତ ହୋଇଥିବା ଚା ଯେଉଁଥିରେ ୧/୨ ଚାମଚ ଚିନି ଏବଂ ଥଣ୍ଡା ପାଣି ମିଶାଯାଇଥିବ ତାକୁ ପିଏ । ଜ୍ୟାକର ଚା ପିଉଥିବା ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି ଯାହାକୁ ଲୋକମାନେ ଖୁବ ପସନ୍ଦ କରୁଛନ୍ତି । କୁହାଯାଉଛି ଆସନ୍ତା ବର୍ଷ ଜ୍ୟାକ ସେବାନିବୃତ ହୋଇପାରେ ।