ଓଡ଼ିଶା ଏମ୍ଏଲ୍ଏ କୋଭିଡ୍ ପଜେଟିଭ୍ ବାହାରିବା ପରେ ସଂଘ ରୋଧରେ ରହିବାକୁ ଘୋଷଣା କଲେ କେନ୍ଦ୍ର ମନ୍ତ୍ରୀ ପ୍ରତାପ ଷଡ଼ଙ୍ଗୀ
ଭୁବନେଶ୍ୱର(କେନ୍ୟୁଜ୍) : କେନ୍ଦ୍ର ମନ୍ତ୍ରୀ ପ୍ରତାପ ଷଡଙ୍ଗୀ ତାଙ୍କ ନୂଆଦିଲ୍ଲୀ ସ୍ଥିତ ସରକାରୀ ବାସଭବନରେ ସଂଘରୋଧରେ ରହିବେ ବୋଲି ସୋମବାର ପ୍ରକାଶ କରିଛନ୍ତି । ନିକଟରେ ସେ ଓଡ଼ିଶା ଆସିଥିବା ବେଳେ ଜଣେ ଏମ୍ଏଲ୍ଏଙ୍କୁ ଭେଟି ବିଭିନ୍ନ ସରକାରୀ କାର୍ଯ୍ୟକ୍ରମ ବିଷୟରେ ଆଲୋଚନା କରିଥିଲେ ।
ଏବେ ଉକ୍ତ ଏମ୍ଏଲ୍ଏଙ୍କ କୋଭିଡ଼୍ ଟେଷ୍ଟ ପଜେଟିଭ୍ ଆସିଥିବାରୁ ଶ୍ରୀ ଷଡ଼ଙ୍ଗୀ ନିଜ ଘରେ ସଂଘରୋଧରେ ରହିବେ ବୋଲି ପ୍ରକାଶ କରିଛନ୍ତି । ଗତ ୨ଓ ୩ ତାରିଖରେ ଶ୍ରୀ ଷଡ଼ଙ୍ଗୀ ଏକ ସରକାରୀ କାର୍ଯ୍ୟକ୍ରମ ଓ ଶୋକ ସଭାରେ ଯୋଗ ଦେବାକୁ ଆସି ନୀଳଗିରି ଏମ୍ଏଲ୍ଏଙ୍କ ସହ ବୈଠକ କରିଥିଲେ ।
ତେବେ ନୀଳଗିରି ଏମ୍ଏଲ୍ଏ କୋଭିଡ୍ ପଜେଟିଭ୍ ସମ୍ବାଦ ପାଇବା ପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଗାଇଡ୍ ଲାଇନ୍ ଅନୁଯାୟୀ ଶ୍ରୀ ଷଡ଼ଙ୍ଗୀ ତାଙ୍କ ଦିଲ୍ଲୀ ସ୍ଥିତ ବାସ ଭବନରେ ସଂଘ ରୋଧରେ ରହିବେ ବୋଲି ଏକ ଟ୍ଵିଟର ମାଧ୍ୟମରେ ଜଣାଇଛନ୍ତି ।
ନୀଳଗିରି ଏମ୍ଏଲ୍ଏ(ବିଜେପି) ଓଡ଼ିଶାର ପ୍ରଥମ ବିଧାୟକ ଯେ କି କୋଭିଡ଼୍ ପଜେଟିଭ ଥିବା ଜଣାପଡ଼ିଛନ୍ତି । ନୀଳଗିରି ଏମ୍ଏଲ୍ଏ ତାଙ୍କ ବକ୍ତବ୍ୟରେ କହିଛନ୍ତି ଯେ ସେ ଗତ କିଛି ଦିନ ଧରି ଭୁବନେଶ୍ୱର ଓ ତାଙ୍କ ନିର୍ବାଚନ ମଣ୍ଡଳୀରେ କେତେକ ମିଟିଂରେ ଯୋଗ ଦେଇଥିଲେ ।
ଓଡ଼ିଶାରେ ଏବେ ମୋଟ୍ କୋଭିଡ଼ କେସ୍ ୯,୫୨୬ରେ ପହଞ୍ଚିଛି ।
