ମରିନି ମାନବିକତା , କାନ୍ଧରେ ବୋହି ଗର୍ଭବତୀଙ୍କୁ ଡାକ୍ତରଖାନାରେ ପହଞ୍ଚାଇଲେ ଏହି ପୋଲିସ୍ କର୍ମୀ
ନିଜର ଖରାପ ବ୍ୟବହର ଏବଂ ଦାଦାଗିରି ପାଇଁ ଅନେକ ସମୟରେ ନିନ୍ଦିତ ଉତ୍ତର ପ୍ରଦେଶ ପୋଲିସ୍ । ରକ୍ଷକ ବେଶରେ ଥିବା ଭକ୍ଷକଙ୍କ ଚେହେରାର ଭିଡିଓ ମଧ୍ୟ ବହୁ ସମୟରେ ଭାଇରାଲ୍ ହୋଇଛି । କିନ୍ତୁ ସେହି ୟୁପି ପୋଲିସର ମଣିଷ ପଣିଆର ଚେହେରା ମଥୁରାରେ ଦେଖିବାକୁ ମିଳିଛି । ଦେବଦୂତ ସାଜି ଜଣେ ଗର୍ଭବତୀ ମହିଳାଙ୍କୁ କାନ୍ଧରେ ବୋହି ହସ୍ପିଟାଲରେ ପହଂଚାଇଥିବା ଏହି ଅଫିସର୍ ଏବେ ପାଲଟିଯାଇଛନ୍ତି ସୋସିଆଲ୍ ମିଡିଆର ନୂଆ ହିରୋ । ଏହା ସହ ଅନ୍ୟ ପୋଲିସ୍ କର୍ମୀଙ୍କ ପାଇଁ ସାଜିଛନ୍ତି ଉଦାହରଣ ।
स्ट्रेचर नहीं तो कंधे ही सही..
एसओ हाथरस सिटी सोनू कुमार मा०न्यायालय मथुरा आ रहे थे।ट्रेन से मथुरा Jn.जैसे ही उतरे,तभी इस प्रसव पीड़ित महिला पर नजर पड़ी..
उसे उठाया और गाड़ी से जिला अस्पताल ले भागे,वहाँ से महिला चिकित्सालय ले गए,जहाँ महिला ने बच्चे को जन्म दिया।
दोनों स्वस्थ हैं। pic.twitter.com/8NQJ4WXqrP— SP GRP AGRA (@spgrpagra) 14 September 2018
ସୂଚନା ଅନୁସାରେ, ମଥୁରା ରେଲୱେ ଜଙ୍କସନରେ ଜଣେ ମହିଳା ପ୍ରସବ ବେଦନାରେ ଛଟପଟ ହେଉଥିଲେ । ଏବଂ ମହିଳାଙ୍କ ସ୍ବାମୀ ସାହାଯ୍ୟ ପାଇଁ ଲୋକମାନଙ୍କୁ ଗୁହାରୀ କରୁଥିଲେ । ହେଲେ ସାହାଯ୍ୟ ତ ଦୂରର କଥା କେହି ଦର୍ଶକ ସାଜି ଦେଖୁଥିଲେ । ଠିକ୍ ସେହି ସମୟରେ ଦେବଦୂତ ସାଜି ପହଂଚିଥିଲେ ଏସଓ ହାଥରସ ସିଟି ସୋନୁ କୁମାର । ସୋନୁ କୁମାର ପ୍ରଥମେ ଆମ୍ବୁଲାନ୍ସକୁ କଲ୍ କରିଥିଲେ । କିନ୍ତୁ କୌଣସି କାରଣବସତଃ ଆମ୍ବୁଲାନ୍ସ ପହଂଚିପାରିନଥିଲା । ଏହା ପରେ ଏକ କାର୍ ଯୋଗେ ହସ୍ପିଟାଲରେ ପହଂଚିଥିଲେ ।
କିନ୍ତୁ ହସ୍ପିଟାଲରେ ପହଂଚିବା ପରେ ଷ୍ଟ୍ରେଚର୍ ମିଳିନଥିଲା । ଏହା ପରେ ବିଳମ୍ବ ନକରି ମହିଳାଙ୍କୁ ହସ୍ପିଟାଲ ନେଇ ଚିକିତ୍ସା ପାଇଁ ଭର୍ତ୍ତି କରିଥିଲେ। ମହିଳାଜଣକ ସେଠାରେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ। ମା’ ଓ ଶିଶୁଙ୍କ ଅବସ୍ଥା ଏବେ ସ୍ଥିର ଅଛି ବୋଲି ଡାକ୍ତରଙ୍କ ପକ୍ଷରୁ ପ୍ରକାଶ।