ଘରେ ଗୋଟିଏ ପଙ୍ଖା ଆଉ ଗୋଟିଏ ବଲ୍ବ, ହେଲେ ବିଲ୍ ଆସିଛି ୧୨୮ କୋଟି
ଘରେ ଗୋଟିଏ ପଙ୍ଖା ଆଉ ଗୋଟିଏ ବଲ୍ବ । ହେଲେ ବିଲ୍ ୧୨୮ କୋଟି । ବିଜୁଳିର ଏହି ଶକ୍ତ ଝଟକା ଲାଗିଛି ଉତ୍ତରପ୍ରଦେଶର ଗୋଟିଏ ଗରିବ ପରିବାରକୁ । ବିଜୁଳି ବିଭାଗର ଏହି ବେପରୱା ମନୋଭାବ ଏବେ ସାରା ଦେଶକୁ ସ୍ତବ୍ଧ କରିଛି । ଜଣେ ଗରିବ ବୃଦ୍ଧଙ୍କୁ ୟୁପି ବିଜୁଳି ବିଭାଗ ଧରାଇଦେଇଛି ୧,୨୮,୪୫,୯୫,୪୪୪. ଟଙ୍କାର ବିଜୁଳି ବିଲ୍ । ବ୍ୟକ୍ତି ଜଣକ ହେଉଛନ୍ତି ହାପୁଡ ଜିଲ୍ଲାର ଶମିମ୍ ।
ବିଲ୍ ଧରି ସାହାଯ୍ୟ ପାଇଁ ବିଜୁଳି ବିଭାଗର ଅଧିକାରୀଙ୍କ କାର୍ଯ୍ୟାଳୟର ଚକ୍କର କାଟୁଛନ୍ତି ଶମିମ୍ । କିନ୍ତୁ କେହି ତାଙ୍କ ଗୁହାରୀ ଶୁଣୁ ନାହାନ୍ତି । ଏପରିକି ବିଲ୍ ଦେଇନଥିବାରୁ ଶମିମଙ୍କ ଘରର ବିଜୁଳି କନେକ୍ସନ୍ କାଟି ଦିଆଯାଇଛି । କୌଣସି ବି ଅଧିକାରୀ ଶମିମଙ୍କ ଅଭିଯୋଗକୁ ଧ୍ୟାନ ଦେଉ ନାହାନ୍ତି । ବରଂ କହୁଛନ୍ତି ଯେ ପର୍ଯ୍ୟନ୍ତ ବିଲ୍ ନଦେବ ସେ ପର୍ଯ୍ୟନ୍ତ ଘରକୁ କନେକ୍ସନ୍ ଦିଆଯିବ ନାହିଁ ।
ଅନ୍ୟପଟେ ନିଜ ଭୁଲ୍ ମାନିବାକୁ ନାରାଜ ବିଜୁଳି ଭାଗ । ବାରମ୍ବାର ପଚରିବାରୁ ଅତି ସହଜରେ ଏହା ଟେକନିକାଲ୍ ସମସ୍ୟା ହୋଇଥାଇ ପାରେ କହି ନିଜ ଉପରୁ ଦୋଷ ଛଡାଇ ଦେଇଛି ୟୁପି ବିଜୁଳି ବିଭାଗ ।
Hapur: A resident of Chamri has received an electricity bill of Rs 1,28,45,95,444. He says “No one listens to our pleas, how will we submit that amount? When we went to complain about it,we were told that they won’t resume our electricity connection unless we pay the bill.”(20.7) pic.twitter.com/2kOQT8ho36
— ANI UP (@ANINewsUP) 20 July 2019
