ମୋଦିଙ୍କୁ ଖଣ୍ଡାରେ ହତ୍ୟା କରିବାକୁ ଧମକ, ଯୁବକକୁ ଖୋଜୁଛି ପୋଲିସ
ହାଇଦ୍ରାବାଦର ୟାଦଗିରି ଜିଲ୍ଲାର ରଙ୍ଗାପେଟରେ ରହୁଥିବା ଜଣେ ଯୁବକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହତ୍ୟା କରିବା ପାଇଁ ସୋସିଆଲ ମିଡିଆରେ ଧମକ ଦେଇଛି । ଯେଉଁଥିରେ ସେ କହୁଛନ୍ତି କି, ଯଦି ଏଥର କଂଗ୍ରେସ କ୍ଷମତାକୁ ଆସେ ତା’ ହେଲେ ସେ ମୋଦିଙ୍କୁ ହତ୍ୟା କରିବେ । ପୋଲିସ ଧମକ ଦେଇଥିବା ଯୁବକଙ୍କୁ ଖୋଜୁଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହତ୍ୟା ଧମକ ମିଳିଛି । ହାଇଦ୍ରାବାଦର ୟାଦଗିରି ଜିଲ୍ଲାର ରଙ୍ଗାପେଟରେ ରହୁଥିବା ଜଣେ ଯୁବକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ହତ୍ୟା କରିବା ପାଇଁ ସୋସିଆଲ ମିଡିଆରେ ଧମକ ଦେଇଛି । ଏହି ଯୁବକଙ୍କ ନାମ ମୋହମ୍ମଦ ରସୁଲ ବୋଲି ଜଣାଯାଇଛି । କର୍ଣ୍ଣାଟକର ୟାଦଗିରି ଥାନାରେ ଏକ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଆରମ୍ଭ କରିଛି । ପୋଲିସ ଧମକ ଦେଇଥିବା ଯୁବକଙ୍କୁ ଖୋଜୁଛି ।
ଖବର ମୁତାବକ, ମୋହମ୍ମୁଦ ରସୁଲ କଦାରେ ନାମକ ଜଣେ ଯୁବକ ହାତରେ ଏକ ଖଣ୍ଡା ଧରି ଭିଡିଓ ପୋଷ୍ଟ କରିଛନ୍ତି । ଯେଉଁଥିରେ ସେ କହୁଛନ୍ତି କି, ଯଦି ଏଥର କଂଗ୍ରେସ କ୍ଷମତାକୁ ଆସେ ତା’ ହେଲେ ସେ ମୋଦିଙ୍କୁ ହତ୍ୟା କରିବେ ।
ଯୁବକଙ୍କ ଏଭଳି ପୋଷ୍ଟ ପରେ ସ୍ଥାନୀୟ ବିଜେପି ନେତାଙ୍କ ଅଭିଯୋଗରେ ରସୁଲଙ୍କ ବିରୋଧରେ ଆଇପିସି ଧାରା ୫୦୫(୧)(ବି), ୨୫(୧) ଏବଂ ଆର୍ମ୍ସ ଆକ୍ଟ ଅଧିନରେ ମାମଲାରେ ରୁଜୁ କରାଯାଇଛି । ହାଇଦ୍ରାବାଦ ସମେତ ବିଭିନ୍ନ ସ୍ଥାନରେ ଧମକ ଦେଇଥିବା ଯୁବକକୁ ଖୋଜୁଛି ପୋଲିସ । ହାଇଦ୍ରାବାଦର ଏକାଧିକ ସ୍ଥାନରେ ଚଢ଼ାଉ ଆରମ୍ଭ ହୋଇଛି ।
Karnataka | An FIR has been registered against Mohammed Rasool Kaddare at Yadgiri’s Surpur police station. He shared a video on social media where he threatened to kill PM Modi if the Congress government came to power at the Centre. FIR has been registered under section…
— ANI (@ANI) March 5, 2024
ଏହା ପୂର୍ବରୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥକୁ ବୋମାରେ ଉଡାଇବାକୁ ଧମକ ମିଳିଥିଲା । ପୋଲିସ ସର୍ଭିଲାନ୍ସ ସେଲ ସହାୟତାରେ ଧମକ ଦେଇଥିବା ଲୋକର ମୋବାଇଲ ଟ୍ରେସ କରୁଛି ।