ଶରୀରରେ ଏହିସବୁ ଲକ୍ଷଣ ଥିଲେ ଜାଣନ୍ତୁ ଆପଣଙ୍କର ରହିଛି ଭିଟାମିନ ‘C’ ର ଅଭାବ
ଶରୀର ପାଇଁ ଭିଟାମିନ C ଅତ୍ୟନ୍ତ ଗୁରୁତ୍ଵପୂର୍ଣ୍ଣ | ମହିଳା ମାନଙ୍କୁ ଦିନକୁ ୭୫ ମିଲିଗ୍ରାମ ଆବଶ୍ୟକ ହେଉଥିବା ବେଳେ ପୁରୁଷ ମାନେ ୯୦ ମିଲିଗ୍ରାମ ଭିଟାମିନ ସି ଆବଶ୍ୟକ କରନ୍ତି | ଆମ ଶରୀର ଭିଟାମିନ ସି କୁ ତିଆରି କରିପାରେ ନାହିଁ, କି ଏହାକୁ ସଂଗ୍ରହ କରି ରଖିବାରେ ସକ୍ଷମ ହୁଏ ନାହିଁ |
କେଉଁ ଲୋକ ମାନଙ୍କ ଠାରେ ଭିଟାମିନ ସି ର ଅଭାବ ଦେଖା ଦେଇଥାଏ
ଯେଉଁମାନେ ଖରାପ ଖାଦ୍ୟ ଗ୍ରହଣ କରିଥାନ୍ତି , କିଡ଼ନୀ ରୋଗରେ ଆକ୍ରାନ୍ତ ହୋଇଥାନ୍ତି ଓ ଅଧିକ ଧୂମପାନ କରୁଥିବା ବ୍ୟକ୍ତିଙ୍କ ନିକଟରେ ଭିଟାମିନ ସି ର ଅଭାବ ଦେଖା ଦେଇଥାଏ | ଶରୀରରେ ଭିଟାମିନ ସି ର ଅଭାବ ହେବା ଦ୍ୱାରା କିଛି ଲକ୍ଷଣ ଦେଖା ଦେଇଥାଏ | ସେଗୁଡିକ ହେଉଛି –
କ୍ଷତ ସ୍ଥାନ ନ ଶୁଖିବା :
ଶରୀରରେ କୌଣସି ସ୍ଥାନରେ ଆଘାତ ଲାଗିବା ହେତୁ ରକ୍ତ ଏବଂ ଟିସୁରେ ଥିବା ଭିଟାମିନ ସି ର ସ୍ତର କମିଯାଇଥାଏ | ଭିଟାମିନ ସି ଶରୀରରେ କୋଲେଜନ ତିଆରି କରିବାରେ ସାହାଯ୍ୟ କରିଥାଏ | କୋଲେଜନ ହେଉଛି ଏକ ପ୍ରକାର ପ୍ରୋଟିନ | ଯାହା ଚର୍ମ ଗଠନ ପାଇଁ ଆବଶ୍ୟକ ହୋଇଥାଏ | ଏହି ଭିଟାମିନ ର ଅଭାବ ହେବା ଦ୍ୱାରା ଶରୀରକୁ ଏହି ସବୁ ଜରୁରୀ ପଦାର୍ଥ ଗୁଡିକ ଠିକ ଭାବେ ମିଳି ପରେ ନାହିଁ | ଯାହା ଦ୍ୱାରା ଶରୀରରେ ହୋଇଥିବା କ୍ଷତ ସ୍ଥାନ ଭଲ ହେବାକୁ ସମୟ ଲାଗିଥାଏ |
ଦାନ୍ତ ଓ ନାକରୁ ରକ୍ତ ସ୍ରାବ ହେବା :
ଏହି ଭିଟାମିନ ସି ରକ୍ତ ନଳୀ ଗୁଡିକୁ ସୁସ୍ଥ ରଖି ଥାଏ | ଏହା ଛଡା ଦାନ୍ତ ଓ ମାଢି କୁ ମଜବୁତ କରିବାରେ କୋଲେଜନ ମଧ୍ୟ ସାହାଯ୍ୟ କରିଥାଏ | ଏହା ଛଡା ଯଦି ନାକରୁ ବାରମ୍ବାର ରକ୍ତ ସ୍ରାବ ହୁଏ ତେବେ ଏହା ଭିଟାମିନ ସି ର ଅଭାବ ହେତୁ ହୋଇଥାଏ |
ଓଜନ ବୃଦ୍ଧି :
ଅନେକ ଗବେଷଣାରୁ ଜଣାପଡିଛି ଯେ ଶରୀରରେ ଭିଟାମିନ ସି ର ନିମ୍ନ ସ୍ତର ହେତୁ ବ୍ୟକ୍ତିର ଓଜନ ବୃଦ୍ଧି ହୋଇଥାଏ | ବିଶେଷ କରି ପର୍ଯ୍ୟପ୍ତ ମାତ୍ରାରେ ଭିଟାମିନ ସି ମିଳିବା ପରେ ଶରୀରରେ ଥିବା ଚର୍ବି ଅଂଶରେ ପରିବର୍ତନ ଆସିଥାଏ |
ଶୁଷ୍କ ଓ କୁଞ୍ଚିତ ତ୍ୱଚା :
ଭିଟାମିନ ସି ର ଅଭାବ ହେତୁ ଚର୍ମ ଶୁଷ୍କ ହୋଇଯାଇ | ଏହା ବ୍ୟତୀତ ଚର୍ମରେ କୁଞ୍ଚନ ମଧ୍ୟ ପଡ଼ିଯାଏ | ଯେଉଁ ବ୍ୟକ୍ତି ମାନେ ଆବଶ୍ୟକ ପରିମାଣରେ ଭିଟାମିନ ସି ଗ୍ରହଣ କରିଥାନ୍ତି ସେମାନଙ୍କର ତ୍ୱଚା ଉଜ୍ୱଳ ଓ ଚିକଣ ଦେଖା ଯାଇଥାଏ |
