ଘରୁ ଚୋରି କରି ବୃଦ୍ଧାଙ୍କ ପାଇଁ ଛାଡ଼ିଗଲେ ଚିଠି: ‘ଆପଣଙ୍କ ହାଣ୍ଡି ଆମକୁ ପସନ୍ଦ ଆସିଲା, ତେଣୁ ନେଇଗଲୁ; ଏହାର ମୂଲ୍ୟ ଆମେ ରଖି ଦେଇଛୁ’!
ବ୍ରିଟେନର କର୍ଣ୍ଣୱାଲ କାଉଣ୍ଟିରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ଚୋରମାନେ ୮୦ ବର୍ଷୀୟା ଜଣେ ମହିଳାଙ୍କ ପାଇଁ ଏକ ସ୍ୱତନ୍ତ୍ର ଚିଠି ଛାଡ଼ି ଦେଇଛନ୍ତି, ଯେଉଁଥିରେ ଲେଖା ହୋଇଛି କି, ‘ତୁମେ ସବୁବେଳେ ଖୁସି ଏବଂ ନିରାପଦରେ ରୁହ’ | ନୋଟ୍ ସହିତ ଚୋରମାନେ ଘରେ ଟଙ୍କା ମଧ୍ୟ ରଖିଥିଲେ। ଏକ ରିପୋର୍ଟ ଅନୁଯାୟୀ, ଚୋରମାନେ ଘରୁ ଲୁଟିବା ବେଳେ ବୃଦ୍ଧ ମହିଳା ଟିଭି ଦେଖୁଥିଲେ। ଚୋରମାନେ ଚୋରି କରିବା ପରେ ଏକ ଚିଠି ଛାଡ଼ିଥିଲେ, ଯେଉଁଥିରେ ଲେଖା ଯାଇଥିଲା ଯେ ‘ଆପଣ ଯିଏ ବି ହୁଅନ୍ତୁ, ନମସ୍କାର। ଆମେ ଏହି ହାଣ୍ଡିକୁ ଏଥିପାଇଁ ଚୋରାଇଛୁ, କାରଣ ଆମର ବହୁତ ଆବଶ୍ୟକତା ଅଛି’ |
ଚୋରମାନେ ଘରେ ଏତେ ଟଙ୍କା ଛାଡିଥିଲେ
ନୋଟରେ ଆହୁରି ଲେଖା ଯାଇଥିଲା ଯେ ‘ଆମକୁ ଆପଣଙ୍କ ହାଣ୍ଡି ଏତେ ପସନ୍ଦ ଆସିଥିଲା କି, ଆମେ ରହିପାରି ନ ଥିଲୁ। ଆମେ ହାଣ୍ଡିର ମୂଲ୍ୟ ଭାବରେ ୧୫ ୟୁରୋ ଅର୍ଥାତ୍ ୧ ହଜାର ୨୮୯ ଟଙ୍କା ରଖୁଛୁ। ଆଶା କରୁଛୁ କି, ଏହି ହାଣ୍ଡି ପାଖାପାଖି ଏତିକି ହିଁ ଟଙ୍କା ହୋଇଥିବ। ଆପଣଙ୍କୁ ହୋଇଥିବା ଅସୁବିଧା ପାଇଁ ଆମେ ଦୁଃଖିତ’।
ଚୋରି ଘଟଣାରେ ମହିଳା କ’ଣ କହିଥିଲେ?
ବୃଦ୍ଧ ମହିଳା ହୋଲି କହିଛନ୍ତି ଯେ ଚୋରି କରିବା ପରେ ଚୋର ଟଙ୍କା ରଖିବ ବୋଲି ମୁଁ ବିଶ୍ୱାସ କରିପାରୁ ନାହିଁ। ପୂର୍ବରୁ ଏମିତି କାହା ସହିତ ଘଟିଥିବାର ମୁଁ କେବେ ଦେଖି ନାହିଁ | ଚୋରମାନେ ଚିଠି ମୋ ଘର କବାଟ ତଳେ ରଖିଥିଲେ। ମହିଳା ଜଣକ କହିଛନ୍ତି, ରାତି ପ୍ରାୟ ୯ଟା ୧୫ରେ ତାଙ୍କ ଘରୁ ଏକ ହାଣ୍ଡି ଚୋରି ହୋଇଥିଲା। ଏହି ହାଣ୍ଡି ତାଙ୍କ ଲିଭିଂ ରୁମ୍ରେ ରଖାଯାଇଥିଲା, ଯାହାକୁ ସେ ବହୁତ ଭଲ ପାଉଥିଲେ। ଚୋରମାନେ ହାଣ୍ଡି ଚୋରି କରି ଠିକ୍ କରି ନାହାନ୍ତି। ସେ କୌଣସି ବି ମୂଲ୍ୟରେ ଏହାକୁ ବିକ୍ରି କରିବାକୁ ଚାହୁଁ ନ ଥିଲେ।