ବଢୁଥିବା ପ୍ରଦୂଷଣ କାରଣରୁ ଦୁର୍ବଳ ହେଉଛି ଶରୀରର ଅସ୍ଥି, ବଢୁଛି କ୍ୟାନ୍ସର ଓ ଷ୍ଟ୍ରୋକର ସମସ୍ୟା ଜାଣନ୍ତୁ ଏନେଇ କଣ କହିଲେ ଗବେଷକ
ନୂଆଦିଲ୍ଲୀ: ପ୍ରଦୂଷଣ କାରଣରୁ ଦିନକୁ ଦିନ ଦେଶବାସୀଙ୍କ ଅସ୍ଥି ଦୁର୍ବଳ ହେବାରେ ଲାଗିଛି ଏହାସହିତ ଫୁସଫୁସ କ୍ୟାନ୍ସର, ଷ୍ଟ୍ରୋକ, ନିଶ୍ୱାସପ୍ରଶ୍ୱାସରେ କଷ୍ଟ ଇତ୍ୟାଦି ସମସ୍ୟା ଦେଖିବାକୁ ମିଳୁଛି । ଗବେଷକଙ୍କ ଅନୁଯାୟୀ ବାୟୁ ପ୍ରଦୂଷଣ ଦେହର ମାଂସପେଶୀ ଓ ଅସ୍ଥି ଉପରେ କେଉଁ ପ୍ରକାର ପ୍ରଭାବ ପକାଉଛି ସେଥିପାଇଁ ସେମାନେ ହାଇଦ୍ରାବାଦ ନିକଟସ୍ଥ ୨୮ଟି ଗ୍ରାମର ୭୮୦୦ ଲୋକଙ୍କ ଉପରେ ଗବେଷଣା କରିଥିଲେ ।
ସୂଚନା ଅନୁଯାୟୀ ଯଦି ଆଖପାଖର ବାୟୁରେ ପ୍ରଦୂଷଣ ସୃଷ୍ଟି କରୁଥିବା ଧୂଳିକଣା ରହିଥାଏ ତାହେଲେ ଏହାର ପ୍ରଭାବ ସିଧାସଳଖ ଲୋକମାନଙ୍କ ଅସ୍ଥି ଉପରେ ପଡିଥାଏ । ତେବେ ଜଣେ ଗବେଷକ କହିଥିଲେ ଯେ ଆମର ଅଧ୍ୟୟନ ପ୍ରଦୂଷଣ ଏବଂ ଅସ୍ଥି ସମ୍ବନ୍ଧକୁ ନେଇ ସୀମିତ ଏବଂ ଏପରି କିଛି ନିଷ୍କର୍ସ ମିଳିଛି ଯାହାକି ଅନ୍ତିମ ନୁହେଁ । ଏହା ବ୍ୟତୀତ ସେ କହିଛନ୍ତି ଯେ ପ୍ରଦୂଷଣ କଣିକା ମଣିଷର ନିଶ୍ୱାସ ସହିତ ଶରୀର ଭିତରକୁ ଯାଇ ଅକ୍ସିଡେଟିଭ ଷ୍ଟ୍ରେସ ସୃଷ୍ଟି କରାଇଥାଏ ଏବଂ ଇନଫ୍ଲେମେସନ କାରଣରୁ ହାଡ଼ ମଧ୍ୟରେ ଥିବା ସାନ୍ଦ୍ରତା କମ ହୋଇଯାଇଥାଏ ।
ଅଧ୍ୟୟନ ପାଇଁ ଗବେଷକମାନେ ସ୍ଥାନୀୟ ଆବଶ୍ୟକତା ଅନୁସାରେ ବିକଶିତ ମଡେଲ ଆପଣେଇଥିଲେ ଯାହାଦ୍ୱାରା ଜଣାପଡିଥିଲା ଯେ ନିଜଘର ରହୁଥିବା କୌଣସି ବ୍ୟକ୍ତି ଉପରେ ପ୍ରଦୂଷିତ କଣିକା ଗୁଡିକର କେତେ ମାତ୍ରାରେ ପ୍ରଭାବ ପଡିଥାଏ ଏବଂ କଳା କାର୍ବନର କେତେ ପ୍ରଭାବ ପଡିଥାଏ । ଏହାବ୍ୟତୀତ ଗବେଷକମାନେ ଲୋକମାନଙ୍କୁ ଅନେକ ପ୍ରଶ୍ନ ମଧ୍ୟ ପଚାରିଥିଲେ ଯେପରିକି ରୋଷେଇଘରେ ଆପଣ କେଉଁ ପ୍ରକାର ଇନ୍ଧନ ବ୍ୟବହାର କରୁଛନ୍ତି ଇତ୍ୟାଦି ।
ଗବେଷକମାନେ ମିଳିଥିବା ସୂଚନା ସମ୍ବନ୍ଧରେ ଅସ୍ଥିକୁ ଯୋଡିବା ପାଇଁ ଏକ ବିଶେଷ ପ୍ରକାରର ରେଡିଓଗ୍ରାଫିର ପ୍ରୟୋଗ କରିବା ପାଇଁ ମେରୁଦଣ୍ଡର ହାଡ଼ ଏବଂ ବାମ ପଟ ପିଚାର ସାନ୍ଦ୍ରତା ମାପିଥିଲେ । ଏହିସବୁରୁ ଜଣା ପଡିଥିଲା ଯେ ଆଖପାଖର ବାୟୁରେ ପିଏମର ମାତ୍ରା ୨,୫ ବଦଳରେ ୩୨.୮ ମାଇକ୍ରୋଗ୍ରାମ ପ୍ରତି କ୍ୟୁବିକ ମିଟର ବାୟୁ ରହିଛି ଯାହାକି ବିଶ୍ଵ ସ୍ୱାସ୍ଥ୍ୟ ସଂଗଠନ ତରଫରୁ ନିର୍ଦ୍ଧାରିତ ସ୍ତରରୁ ବହୁତ ଅଧିକ । ତେବେ ଏହି ଅଧ୍ୟୟନରେ ବାୟୁ ପ୍ରଦୂଷଣ ଏବଂ ଶରୀରର ହାଡ ଦୁର୍ବଳ ହେବାରେ ଏକ ପ୍ରକାର ସମ୍ବନ୍ଧ ଦେଖାଯାଇଥିଲା ।