ସତରେ ଥାଏ କି ଟାଇମ୍ ଟ୍ରାଭେଲ୍ ? ଅନେକ ରହସ୍ୟମୟୀ ଘଟଣାରେ ମିଳିଛି ପ୍ରମାଣ
ଅନେକ ଲୋକଙ୍କ ଦ୍ୱାରା ଦାବି କରାଯାଇଛି ଟାଇମ୍ ଟ୍ରାଭେଲ୍ ଭଳି ଜିନିଷ ସତରେ ହୋଇଛି । ତେବେ ଆସନ୍ତୁ ଏହି ଘଟଣା ବିଷୟରେ ଜାଣିବା ।
ଟାଇମ୍ ଟ୍ରାଭେଲକୁ ନେଇ ଅନେକ ଦାବି କରାଯାଇଛି । କିନ୍ତୁ ଏପରି କିଛି ପ୍ରକୃତରେ ଘଟିଛି କି ନାହିଁ ତାହା ଆଜି ପର୍ଯ୍ୟନ୍ତ ଜଣା ପଡ଼ିନାହିଁ । ଅନେକ ଲୋକଙ୍କ ଦ୍ୱାରା ଦାବି କରାଯାଇଛି ଟାଇମ୍ ଟ୍ରାଭେଲ୍ ଭଳି ଜିନିଷ ସତରେ ହୋଇଛି । ତେବେ ଆସନ୍ତୁ ଏହି ଘଟଣା ବିଷୟରେ ଜାଣିବା ।
ପ୍ରଥମ ଘଟଣା ଚାର୍ଲି ଚାପଲିନଙ୍କ ୧୯୨୮ ମସିହା ଚଳଚ୍ଚିତ୍ର ‘ସର୍କସ୍’ରେ ଦେଖାଯାଇଥିଲା । ଦାବି କରାଯାଇଥିଲା ଯେ ଏହି ସର୍କସର ବ୍ୟାକଗ୍ରାଉଣ୍ଡରେ ଜଣେ ମହିଳା ତାଙ୍କ କାନରେ ମୋବାଇଲ୍ ଫୋନ୍ ଧରିଥିଲେ। କିନ୍ତୁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଏହି ଫିଲ୍ମ ରିଲିଜ୍ ହେବାର ୫୦ ବର୍ଷ ପରେ ମୋବାଇଲ୍ ଆବିଷ୍କାର କରାଯାଇଥିଲା ।
ଜୁଲାଇ ୧୯୫୪ ରେ ଟୋକିଓ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚୁଥିବା ଜଣେ ବ୍ୟକ୍ତିଙ୍କୁ କୁହାଯାଇଥିଲା ଯେ ଯେଉଁ ଦେଶ ପାଇଁ ସେ ପାସପୋର୍ଟ ରଖିଥିଲେ ସେହି ନାମରେ କୌଣସି ଦେଶ ନାହିଁ। ବ୍ୟକ୍ତି ଜଣକ ଦାବି କରିଥିଲେ ଯେ ତାଙ୍କ ଘର ଟୌରେଡ ଅଛି । ସେହି ବ୍ୟକ୍ତିଙ୍କୁ ପୋଲିସ ମଧ୍ୟ ଗିରଫ କରିଥିଲା । ମାନଚିତ୍ରରେ ସେ ଦେଖାଇଥିବା ସ୍ଥାନ ଅଣ୍ଡୋରା ଥିଲା । ଆଶ୍ଚର୍ଯ୍ୟଜନକ କଥା ହେଉଛି ପରଦିନ ବ୍ୟକ୍ତି ଜଣକ ହୋଟେଲ ରୁମରୁ ଅଦୃଶ୍ୟ ହୋଇଯାଇଥିଲେ ।
ଅନ୍ୟ ଏକ ଘଟଣାରେ ସ୍କଟଲ୍ୟାଣ୍ଡର ଜଣେ ପାଇଲଟ୍ ଦାବି କରିଛନ୍ତି ଯେ ସେ ୨୦୩୦ ମସିହାରେ ଯାତ୍ରା କରିଛନ୍ତି । ୧୯୩୯ ମସିହାର ଦ୍ୱିତୀୟ ବିଶ୍ୱଯୁଦ୍ଧ ସମୟରେ ତାଙ୍କ ସହ ଏହି ଘଟଣା ଘଟିଥିଲା। ଯେତେବେଳେ ସେ ଫ୍ଲାଇଙ୍ଗ୍ ମିଶନ ସମୟରେ ଏକ ଅଞ୍ଚଳ ଉପରେ ବିମାନ ଉଡାଉଥିଲେ, ସେତେବେଳେ ସେ ଏୟାର ବେସ୍ ଚେଞ୍ଜ ହେଉଥିବା ଦେଖିଥିଲେ। ଏହା ବ୍ୟତୀତ ଟାଇମ୍ ଟ୍ରାଭେଲର ଅନେକ ଘଟଣା ସାମ୍ନାକୁ ଆସିଛି, ଯାହା ସମସ୍ତଙ୍କୁ ଚିନ୍ତା କରିବାକୁ ବାଧ୍ୟ କରେ ।
