ମଙ୍ଗଳ ଗ୍ରହରେ ବାସ କରିବେ ଦେଢ଼ ଲକ୍ଷ ଲୋକ, ଡିଜାଇନ୍ ଷ୍ଟୁଡିଓ ସେୟାର କଲା ଘରର ଫଟୋ
ଲାଲ୍ ଗ୍ରହ ଅର୍ଥାତ୍ ମଙ୍ଗଳରେ କେମିତି ଘର ନିର୍ମାଣ ହେବ ଓ ପ୍ରାୟ ଦେଢ଼ ଲକ୍ଷ ଲୋକ କେମିତି ସେଠାରେ ବାସ କରିବେ, ସେ ନେଇ ଅଧିକ ରିସର୍ଚ୍ଚ କରିବାରେ ଲାଗିପଡ଼ିଛନ୍ତି ବୈଜ୍ଞାନିକ। ଆମେରିକାର ଆର୍କିଟେକ୍ଚର ଷ୍ଟୁଡିଓ ABIBOO ଏବେ ମଙ୍ଗଳରେ କିଭଳି ଘର ତିଆରି ହେବ ତାହାର ଡିଜାଇନ୍ ବନାଇଛି।
ABIBOO ମୁତାବକ, ମଙ୍ଗଳରେ ଥିବା କାର୍ବନ ଡାଇଅକ୍ସାଇଡ୍ ଓ ପାଣି ବ୍ୟବହାର କରି ଏହି ଘର ତିଆରି କରାଯିବ। କମ୍ପାନୀର କହିବାନୁସାରେ, ମଙ୍ଗଳରେ ଘରଗୁଡ଼ିକ ଭର୍ଟିକାଲି ହେବ। ଫଳରେ ବାୟୁମଣ୍ଡଳୀୟ ଚାପ ଓ ରେଡିଏସନ୍ର ପ୍ରଭାବ ଘର ଉପରେ ପଡ଼ିବ ନାହିଁ।
ବର୍ତ୍ତମାନର ଯୋଜନା ମୁତାବକ, ମଙ୍ଗଳରେ ୨୦୫୪ ପୂର୍ବରୁ ନିର୍ମାଣ କାର୍ଯ୍ୟ ଆରମ୍ଭ ହେବା ସମ୍ଭବପର ନୁହେଁ। ସେହିପରି ୨୧୦୦ ମସିହା ପରେ ହିଁ ଲୋକମାନେ ମଙ୍ଗଳରେ ରହିବା ଆରମ୍ଭ କରିପାରିବେ। ABIBOO ର ଡିଜାଇନ୍ରେ ଦେଖାଯାଇଛି ଯେ ନୋଭା ହିଁ ମଙ୍ଗଳର ମୁଖ୍ୟ ସହର ହେବ। ଏଠାରେ ପ୍ରାୟ ଦେଢ଼ ଲକ୍ଷ ଲୋକ ରହିପାରିବେ। ମଙ୍ଗଳ ଗ୍ରହରେ ଥିବା ଜିନିଷକୁ ନେଇ ହିଁ ଘର ତିଆରି କରିବାକୁ କମ୍ପାନୀ ଯୋଜନା କରୁଥିବା କହିଛି।
Video Credit: abibooarchs
ABIBOO ର କହିବାନୁସାରେ ଦ ମାର୍ସ ସୋସାଇଟି ଓ SONet ନେଟ୍ଓ୍ଵାର୍କ ତରଫରୁ କରାଯାଇଥିବା ରିସର୍ଚ୍ଚ ଆଧାରରେ ସେ ଏହି ଡିଜାଇନ୍ ତିଆରି କରିଛନ୍ତି।