ରାସ୍ତାରେ ଚାଲୁଥିବା ବେଳେ କେବେ ଯଦି ଆମକୁ ତଳେ ପଡ଼ିଥିବା କୌଣସି ଟଙ୍କା କିମ୍ବା ପଇସା ମିଳିଯାଏ, ତ ଆମ ମନ ବହୁତ ଖୁସି ହୋଇଯାଏ। କିନ୍ତୁ କ’ଣ ଆପଣ ଜାଣିଛନ୍ତି କି, ଜ୍ୟୋତିଷଙ୍କ ଅନୁସାରେ ଏହାର ବହୁତ ବଡ଼ ମହତ୍ତ୍ୱ ରହିଥାଏ। ରାସ୍ତାରେ କେହି ଟଙ୍କା, ପଇସା ପାଇଲେ ଏହା ଶୁଭ ସଙ୍କେତ ହୋଇଥାଏ। ଏହା ଆପଣଙ୍କ କାମର ସଫଳତାକୁ ଦର୍ଶାଇଥାଏ। ଆଜି ଆମେ ଆପଣଙ୍କୁ ଏହି ଶୁଭ ସଙ୍କେତ ଏବଂ ମିଳିଥିବା ପଇସାକୁ କିଭଳି ଭାବେ ବ୍ୟବହାର କରାଯିବ, ସେ ବିଷୟରେ କହିବୁ।
୧. ରାସ୍ତାରୁ ନୋଟ କିମ୍ବା କଏନ ମିଳିଲେ ଆପଣଙ୍କ ମନରେ କ’ଣ ବିଚାର ଚାଲୁଛି, ଏହି କଥା ମଧ୍ୟ ମହତ୍ତ୍ୱ ରଖିଥାଏ। ଯେତେବେଳେ ବି ଆପଣଙ୍କୁ ରାସ୍ତାରେ ପଡ଼ିଥିବା ପଇସା ମିଳେ, ସେହି ସମୟରେ ସମୟ ଏବଂ ଦିଗର ନିଶ୍ଚୟ ଧ୍ୟାନ ରଖନ୍ତୁ। ଏହିପରି ରାସ୍ତାରୁ ଧନ ରାଶି ମିଳିବା ଇସାରା କରିଥାଏ କି, ଆପଣଙ୍କୁ କେଉଁ ଦିଗରେ ଆଗକୁ ବଢ଼ିବା ଜରୁରୀ ଅଟେ।
୨. ରାସ୍ତାରୁ ପଇସା ମିଳିବା ଏହା ମଧ୍ୟ ଇସାରା କରିଥାଏ କି, ଆପଣ ନିଜ ଜୀବନରେ ସଫଳତା, ଉନ୍ନତି ଏବଂ ନୂଆ ଉପଲବ୍ଧି ଆଡ଼କୁ ବଢ଼ୁଛନ୍ତି।
୩. ଫେଙ୍ଗଶୁଇରେ ପଇସାକୁ କେବଳ ଲେଣଦେଣ ରୂପରେ ଦେଖାଯାଇ ନ ଥାଏ, ବରଂ ଏହାକୁ ଭଲ ଭାଗ୍ୟର ପ୍ରତୀକ ବୋଲି ମଧ୍ୟ ବିଶ୍ୱାସ କରାଯାଏ। ଏହି କାରଣରୁ ଯେଉଁ ଲୋକଙ୍କୁ ରାସ୍ତାରୁ ପଇସା ମିଳିଥାଏ, ସେମାନଙ୍କୁ ବହୁତ ଭାଗ୍ୟଶାଳୀ ବୋଲି କୁହାଯାଏ।
ରାସ୍ତାରେ ପଡ଼ିଥିବା ପଇସାର କ’ଣ କରାଯିବ
କିଛି ଲୋକ ଅଛନ୍ତି, ଯେଉଁମାନେ ରାସ୍ତାରୁ ପଇସା ମିଳିଲେ ତାହାକୁ ମନ୍ଦିରରେ ଭଗବାନଙ୍କୁ ଚଢାଇ ଦେଇଥାନ୍ତି। ନଚେତ ନିଜ ପର୍ସରେ ରଖି ଦିଅନ୍ତି। ସେହିପରି କିଛି ଜଣ ନିଜର ଅଟକି ଯାଇଥିବା କାମରେ ଏହାକୁ ବ୍ୟବହାର କରିଥାନ୍ତି। କିନ୍ତୁ ଏହି ପଇସାର ଉପଯୋଗ ଆପଣଙ୍କୁ ସମୟ ଏବଂ ଜାଗା ହିସାବରେ କରିବା ଉଚିତ। ଧ୍ୟାନ ରଖିବେ, ଏହି ପଇସାକୁ କେବେ ବି ଖର୍ଚ୍ଚ କରିବେ ନାହିଁ କି କାହାକୁ ଦାନ ଦେବେ ନାହିଁ। ରାସ୍ତାରେ ପଡ଼ିଥିବା ପଇସାକୁ ନିଜର ଗୁଡଲକ ବୋଲି ଭାବନ୍ତୁ ଏବଂ ଏହାକୁ ନିଜ ପାଖରେ ରଖନ୍ତୁ।