ଆପଣ ଜାଣିଛନ୍ତି, ସ୍ମାର୍ଟଫୋନରୁ ମଧ୍ୟ ଅଧିକ ଶସ୍ତା ଏଠାରେ ଏକେ-୪୭ ବନ୍ଧୁକ
ଆପଣ ଜାଣି ଆଶ୍ଚର୍ଯ୍ୟ ହେବେ, କିନ୍ତୁ ବିଶ୍ୱରେ ଏପରି ଏକ ଦେଶ ରହିଛି ଯେଉଁଠାରେ ଏକେ-୪୭ର ମୂଲ୍ୟ ମୋବାଇଲ ଫୋନର ମୂଲ୍ୟ ଠାରୁ ଖୁବ୍ କମ୍ ରହିଛି। ସାଧାରଣତଃ ଲୋକମାନେ ନିଜର ସୁରକ୍ଷା ପାଇଁ ପାଖରେ ଏକ ବନ୍ଧୁକ ରଖିଥାନ୍ତି। ତେବେ ବନ୍ଧୁକ କିଣିବାକୁ ହେଲେ ତା ପାଇଁ ଲାଇସେନ୍ସ ବାଦ୍ ୨ ଲକ୍ଷରୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡିଥାଏ । କିନ୍ତୁ ବିଶ୍ୱରେ ଏପରି ଏକ ଦେଶ ଅଛି ଯେଉଁଠାରେ ଆପଣଙ୍କ ସ୍ମାର୍ଟଫୋନରୁ ମଧ୍ୟ ଖୁବ କମ୍ ମୂଲ୍ୟରେ ଏକେ-୪୭ ଭଳି ମାରାତ୍ମକ ବନ୍ଧୁକ ମିଳିଥାଏ। ଆସନ୍ତୁ ଜାଣିବା କେଉଁଠାରେ ସେହି ଦେଶ ଏବଂ କଣ ରହିଛି ଶସ୍ତା ବନ୍ଧୁକ ପଛର କାରଣ।
ସୂଚନା ଅନୁଯାୟୀ, ପାକିସ୍ତାନରେ ‘ଦଶ ଆଦମଖେଲ’ ନାମକ ଏକ ସହର ରହିଛି। ସେଠାରେ ଏକେ-୪୭ ଠାରୁ ଆରମ୍ଭ କରି ଅନ୍ୟାନ୍ୟ ମାରାତ୍ମକ ବନ୍ଧୁକ ଯେପରିକି, ମେସିନ ଗନ୍, ଅଟୋମେଟିକ ଗନ୍ ଆଦି ଖୁଲମଖୁଲା ବିକ୍ରି କରାଯାଇଥାଏ ।
ଦଶ ଆଦମଖେଲ ସହରଟି ପାକିସ୍ତାନର ମୂଖ୍ୟ ସହରରୁ ୩୫ କିଲୋମିଟର ଦୂରରେ ଏକ ପାହାଡ ମଝିରେ ଅବସ୍ଥିତ। ଏଠାରେ ସମସ୍ତ ପ୍ରକାର ମାରାଣାସ୍ତ୍ର ହତିଆର ମିଳିଯାଇଥାଏ । କେବଳ ସେତିକି ନୁହେଁ ଏଠାରେ ବନ୍ଧୁକର ବଜାର ବସିବା ସହ ତାହା ଖୁବ୍ ଶସ୍ତାରେ ମିଳିଥାଏ । ଗୋଟେ ବନ୍ଧୁକର ମୂଲ୍ୟ ଅଧିକରୁ ଅଧିକ ୫-୭ ହଜାର ଟଙ୍କାରେ ମିଳିଥାଏ।
ସେଠାକାର ଜଣେ ବନ୍ଧୁକ ବ୍ୟବସାୟିଙ୍କ କହିବା ଅନୁଯାୟୀ, ସେ ପ୍ରାୟ ୧୦ ବର୍ଷ ମଧ୍ୟରେ ୧୦ ହଜାରୁ ଅଧିକ ବନ୍ଧୁକ ବିକ୍ରି କରିଛନ୍ତି । ବିକ୍ରି ହୋଇଥିବା ବନ୍ଧୁକର କୌଣସି ଅସୁବିଧା ଥିବା ନେଇ ଆଜି ପର୍ଯ୍ୟନ୍ତ କୌଣସି ଅଭିଯୋଗ ଆସିନାହିଁ ।
କିପରି ଆରମ୍ଭ ହେଲା ଏଠାରେ ବନ୍ଧୁକ
ବହୁ ବର୍ଷ ପୂର୍ବରୁ ପାକିସ୍ତାନର ଏହି ଅଞ୍ଚଳରେ ବନ୍ଧୁକ ବ୍ୟାପାର ହୋଇ ଆସୁଛି । ୧୯୮୦ ମସିହା ପର ଠାରୁ ଏଠାରେ ହତିଆର ବେପାର ଧିରେ ଧିରେ ବଢିବାକୁ ଲାଗିଲା । ଯାହା ଫଳରେ ଏବେ ଏହା ଏକ ଭୟଙ୍କର ସହରରେ ପରିଣତ ହୋଇଛି । ସବୁଠାରୁ ବଡ କଥା ହେଲା ଏଠାକୁ ପୋଲିସ ମଧ୍ୟ ଯାଇପାରନ୍ତି ନାହିଁ । ପୂର୍ବରୁ ପାକିସ୍ତାନରେ ନବାଜ ଶରିଫ କ୍ଷମତାକୁ ଆସିବା ପରେ ଏହି ହତିଆର ବ୍ୟବସାୟ ଉପରେ କିଛି ମାତ୍ରାରେ ପ୍ରଭାବ ପଡିଥିଲା ବୋଲି ସୂଚନାରୁ ଜଣାପଡିଛି ।
