ଏହି ବ୍ୟକ୍ତି ଝଡ଼କୁ ଦେଖି ନିଜ ଘରକୁ ନେଇଆସିଲେ ରାସ୍ତାରେ ବୁଲୁଥିବା ସମସ୍ତ ପଶୁଙ୍କୁ, ଦେଖନ୍ତୁ କିପରି ତାଙ୍କ ଘରେ ରହୁଛନ୍ତି ୩୦୦ରୁ ଅଧିକ ବୁଲା କୁକୁର
2020 ବର୍ଷ ସମସ୍ତଙ୍କ ପାଇଁ ଏକ ଅଶୁଭ ବର୍ଷ ପାଲଟି ଯାଇଛି । କେଉଁଠି ବନ୍ୟା ତ କେଉଁଠି ତୁଫାନ ଆଉ କେଉଁଠି ବିସ୍ଫୋରଣ । କରୋନାର ତ ଆଉ ଏକ ଅଲଗା ପ୍ରକାର ପ୍ରଭାବ ରହିଛି । ଆଜିକାଲି ଆମେରିକାରେ Hurricane Delta ନାମକ ଏକ ଝଡ଼ ସୃଷ୍ଟି ହୋଇଛି ଯାହାକି 160 କିମି ପ୍ରତି ଘଣ୍ଟାରେ ଅତିକ୍ରମ କରି ଘର, ବିଜୁଳି ଏବଂ ବିରାଟ ବିରାଟ ଗଛକୁ ଉପାଡି ପକାଇଛି । ତେବେ ଏହା ମଧ୍ୟରେ ଜଣେ ବ୍ୟକ୍ତି ମାନବିକତାର ଏକ ଉଦାହରଣ ସୃଷ୍ଟି କରିଛନ୍ତି । ଏହି ବ୍ୟକ୍ତିଙ୍କ ନାମ ହେଉଛି Ricardo Pimentel ଯିଏକି ମେକ୍ସିକୋର ଆନିମଲ ରାଇଟ୍ସ ଏକ୍ଟିଭିଷ୍ଟ । ତେବେ ଏହି ଭୟଙ୍କର ଝଡ଼ ସମୟରେ ସେ ରାସ୍ତାରେ ବୁଲୁଥିବା ଅନେକ ପଶୁଙ୍କୁ ନିଜ ଘରେ ସ୍ଥାନ ଦେଇଛନ୍ତି ।
ସୂଚନା ଅନୁଯାୟୀ Ricardo ଯେତେବେଳେ ଏହି ଝଡ଼ ବିଷୟରେ ଶୁଣିଥିଲେ ସେ ପ୍ରଥମେ ସମସ୍ତ ରାସ୍ତାରେ ବୁଲୁଥିବା ପଶୁ ମାନଙ୍କ ପାଇଁ ଏକ ସୁରକ୍ଷିତ ସ୍ଥାନ ବନାଇବା ପାଇଁ ନିଷ୍ପତ୍ତି ନେଇଥିଲେ । ତେବେ ସୁରକ୍ଷିତ ସ୍ଥାନ ତ ମିଳିଗଲା କିନ୍ତୁ ଜାଗା କମ ପଡିଗଲା । ତେବେ ଏହାପରେ ସେ 300ରୁ ଅଧିକ ପଶୁଙ୍କ ପାଇଁ ନିଜ ଘରର ଦୁଆର ଖୋଲିଦେଇଥିଲେ । ଆଉ ତାପରେ ତାଙ୍କ ଘର ପୁରା କୁକୁରମୟ ହୋଇଯାଇଥିଲା ଯାହାକୁ ନେଇ ସେ ଫେସବୁକରେ ଏକ ପୋଷ୍ଟ ମଧ୍ୟ କରିଥିଲେ ।
ସେ କହିଥିଲେ ଯେ ଏହିଭଳି ବିପଦ ସମୟରେ ସେ ନା କେବଳ କୁକୁରଙ୍କୁ ବରଂ କୁକୁଡ଼ା, ଠେକୁଆ, ବିଲେଇ, ଗାଈ, ମଇଁଷି, ଛେଳି, ଗଧ, ଘୋଡା, ଘୁଷୁରୀ ଇତ୍ୟାଦି ପଶୁଙ୍କୁ ସ୍ଥାନ ଦେଇଥିଲେ । ତେବେ ଏହି ଝଡ ପଶୁପକ୍ଷୀ ମାନଙ୍କୁ ଅନେକ କ୍ଷତି ପହଂଚାଇଥିଲା । ସେ ଲୋକଙ୍କୁ ସାହାଯ୍ୟ କରିବାକୁ ଅନୁରୋଧ ମଧ୍ୟ କରିଥିଲେ । ତେବେ Ricardoଙ୍କର ଏହି କାମକୁ ଲୋକମାନେ ବହୁତ ପସନ୍ଦ କରିଛନ୍ତି ।
