ଅଗଷ୍ଟ ୧୩ରେ ପାଳନ ହୁଏ ‘ବିଶ୍ୱ ବାମହାତୀ ଦିବସ’, କଣ ପାଇଁ ଏଭଳି ଦିନଟିଏ ସୃଷ୍ଟି ହୋଇଛି ଜାଣନ୍ତୁ
ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ପ୍ରତି ବର୍ଷ ଅଗଷ୍ଟ ୧୩ ତାରିଖକୁ ବାମହାତୀ ଦିବସ ଭାବେ ପାଳନ କରାଉଛି । ୧୯୭୬ ମସିହାରୁ ବାମହାତୀ ଦିବସ ପାଳନ ହୋଇ ଆସୁଛି ।
ଆଜି ହେଉଛି ବିଶ୍ୱ ବାମହାତୀ ଦିବସ । ଅର୍ଥାତ ବାମ ହାତରେ ଅଧିକାଂଶ କାମ କରୁଥିବା ବ୍ୟକ୍ତିମାନଙ୍କ ପାଇଁ ଦିନଟିଏ । କାରଣ ପୃଥିବୀରେ ସମସ୍ତେ ନିଜ ଡାହାଣ ହାତ ହିଁ ବ୍ୟବହାର କରନ୍ତି । ତେଣୁ କେହି ବାମହାତୀଙ୍କୁ ଦେଖିଲେ ଟିଗେ ଅସ୍ୱାଭାବିକ ଲାଗେ । ତେବେ ପ୍ରଶ୍ନ ଉଠି ପାରେ କି ଏଭଳି ଗୋଟିଏ ଦିନ କାହିଁକି ପାଳନ କରାଯାଉଛି । କଥା କଣ କି, ଅତୀତରୁ ଏକ ବିଶ୍ୱାସ ରହିଛି କି ବାମ ହାତ ଶୁଭ ନୁହେଁ । ତେଣୁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ପ୍ରତି ବର୍ଷ ଅଗଷ୍ଟ ୧୩ ତାରିଖକୁ ବାମହାତୀ ଦିବସ ଭାବେ ପାଳନ କରାଉଛି । ୧୯୭୬ ମସିହାରୁ ବାମହାତୀ ଦିବସ ପାଳନ ହୋଇ ଆସୁଛି ।
ଏକ ସର୍ଭେ ରିପୋର୍ଟରୁ ଜଣାପଡ଼ିଛି ଯେ ବିଶ୍ୱର ସମୁଦାୟ ଜନସଂଖ୍ୟାରୁ ୧୦ ପ୍ରତିଶତ ହେଉଛନ୍ତି ବାମହାତୀ । ତେବେ ବୈଜ୍ଞାନିକଙ୍କ ଗବେଷଣା କହୁଛି କି ଏହା କୌଣସି ଅସ୍ୱାଭାବିକ କଥା ନୁହେଁ । ସେମାନଙ୍କୁ ନେଇ କିଛି ଭ୍ରାନ୍ତ ଧାରଣା ରହିଛି । ଏହାକୁ ଦୂର କରିବା ପାଇଁ ବୈଜ୍ଞାନିକମାନେ ଯେଉଁ ସାର୍ଭ କରିଥିଲେ ସେଥିରୁ କିଛି ମଜାଦାର କଥା ସ୍ପଷ୍ଟ ହେଲା । ଯେମିତି କି ବାମହାତୀମାନଙ୍କ ଠାରେ କିଛି ବିଶେଷ ଗୁଣ ରହିଥାଏ । କଳାକ୍ଷେତ୍ରରେ ସେମାନେ ସଫଳ ହୁଅନ୍ତି । ସୃଜନଶୀଳତାରେ ବିଶ୍ୱାସ ରଖନ୍ତି ଏବଂ ଯେକୌଣସି ଘଟଣାର ମୂଳ ପର୍ଯ୍ୟନ୍ତ ଯାଆନ୍ତି । ସେମାନେ ପାଠରେ ଭଲ କରନ୍ତି ଏବଂ ସେମାନଙ୍କ ଅକ୍ଷର ସୁନ୍ଦର ହୋଇଥାଏ । ବାମହତୀମାନେ ଅତ୍ୟନ୍ତ ଲଢୁଆ ମନୋବୃତ୍ତିର ହୋଇଥାନ୍ତି ।
ଆମ ଆଗରେ ଏମିତି କିଛି ମହାନ୍ ବ୍ୟକ୍ତି ଅଛନ୍ତି ଯେଉଁମାନେ ବାମହାତୀ ଓ ଖୁବ୍ ସଫଳ ମଧ୍ୟ । ସେମାନଙ୍କ ମଧ୍ୟରେ ମିଲେନିୟମ ଷ୍ଟାର ଅମିତାଭ ବଚ୍ଚନ, କପିଲ ଶର୍ମା, କ୍ରିକେଟ୍ ଭଗବାନ ସଚିନ ତେନ୍ଦୁଲକର, ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା, ବିଲ୍ କ୍ଲିଣ୍ଟନ୍ ଓ ଜର୍ଜ ବୁଶ୍, ହଲିଉଡ୍ ଷ୍ଟାର ଟମ୍ କ୍ରୁଜ୍ ଓ ଜୁଲିୟା ରବର୍ଟ ଏମାନେ ସମସ୍ତେ ବାମହାତୀ । ବିଶ୍ୱ ଇତିହାସରେ ମଧ୍ୟ ବାମହାତୀଙ୍କ ଦବ୍ଦବା ରହିଛି । ଆଲେକଜାଣ୍ଡାର ଦ ଗ୍ରେଟ୍, ନେପୋଲିୟନ ବୋନାପାର୍ଟ, ଲିଓନାର୍ଡୋ ଦା ଭିନଚି, ପାବଲୋ ପିକାସୋ, ଆଇଜାକ ନିଉଟନ୍, ଆଲବର୍ଟ ଆଇନଷ୍ଟାଇନ୍ ପ୍ରମୁଖ ବାମହାତୀ ଥିଲେ ।
ତେବେ ସେମାନଙ୍କୁ ନେଇ ଯେଉଁ ଭ୍ରାନ୍ତ ଧାରଣା ରହିଛି ସେ ସବୁ ଭୁଲ ବୋଲି ପ୍ରମାଣିତ ହୋଇଛି । ଯେମିତିକୁ ବାମହାତୀ ବ୍ୟକ୍ତିମାନେ ଅଶୁଭ, ସେମାନେ ବେଶି ଦିନ ବଞ୍ଚନ୍ତି ନାହିଁ, ସେମାନେ ପାଠପଢ଼ାରେ ପଛୁଆ ବୋଲି କିଛି ଲୋକଙ୍କର ଧାରଣା ରହିଛି ।
