ରୁଷ କ୍ରାନ୍ତିର ସବୁଠାରୁ ବଡ ଚେହେରା ବ୍ଲାଦିମିର ଲେନିନଙ୍କ ନେତୃତରେ ରୁଷ ଶାସନ ମୁକ୍ତ ହୋଇଥିଲା ଏବଂ ୧୯୨୨ ମସିହାରେ ସେହି ଲେନିନିଙ୍କ ନେତୃତରେ ସୋବିୟତ ସଂଘର ସ୍ଥାପନା ହୋଇଥିଲା । ତେବେ ୯୬ ବର୍ଷ ପୂର୍ବେ ଆରପାରିକୁ ଚାଲିଯାଇଥିବା ଲେନିନଙ୍କ ମୃତ ଶରୀର ଏବେ ମଧ୍ୟ ସୁରକ୍ଷିତ ହୋଇ ରହିଛି । ଲୋକଙ୍କ କହିବାନୁସାରେ ଲେନିନଙ୍କ ମୃତ ଶରୀର ବର୍ଷ ବର୍ଷ ପରେ ବି ଅଧିକ ସତେଜ ହେଉଛି ।
ଲେନନିଙ୍କ ମୃତ୍ୟୁ ପରେ ପରେ ବର୍ତ୍ତମାନ ପର୍ଯ୍ୟନ୍ତ ତାଙ୍କର ଅନେକ ବଂଶଧର ମଧ୍ୟ ଆରପାରିକୁ ଚାଲିଯାଇଛନ୍ତି ।କିନ୍ତୁ ଋଷର ବୈଜ୍ଞାନିକମାନେ ଲେନିନଙ୍କ ଶରୀରକୁ ସତେଜ ରଖିବା ପାଇଁ ଅନେକ ପ୍ରକାର କାମ କରିଛନ୍ତି । ଲେନିନିଙ୍କର ଶବ ଆଖିକୁ ଭଲ ଦେଖାହେବା ସହିତ ସତେଜ ମଧ୍ୟ ଲାଗିଥାଏ । ତାଙ୍କ ମୃତ ଶରୀରକୁ ଦେଖି କ୍ଷଣକ ପାଇଁ ଏମିତି ଅନୁଭବ ହୁଏ ଯେମିତି କି ସେ ବଞ୍ଚିଛନ୍ତି ଏବଂ ନିଦରେ ଶୋଇଛନ୍ତି । ମାସ୍କୋର ଏକ ଅନୁଷ୍ଠାନରେ ପାଞ୍ଚ ଛଅ ଲୋକଙ୍କ ମୂଳ ଗୋଷ୍ଠୀ ରହିଛି , ଯେଉଁମାନେ ବାୟୋକେମିକାଲ ଉପାୟରେ ଲେନିନଙ୍କ ଶବକୁ ସତେଜ ରଖିବା ପାଇଁ କାମ କରିଥାନ୍ତି । ଏହି ଗ୍ରୁପରେ ଏନଟୋମିଷ୍ଟ ଅର୍ଥାତ ଶରୀରର ଆନ୍ତରିକ ସଂରଚନାର ବିଶେଷଜ୍ଞ ଏବଂ ସର୍ଜିୟନ ସହିତ ବାୟୋକେମିଷ୍ଟ ମଧ୍ୟ ସାମିଲ ଅଛନ୍ତି । ଏମାନେ ସମସ୍ତେ ମିଶି ଲେନିନଙ୍କ ଶବକୁ ସତେଜ ରଖିବାର ଦାୟିତ୍ୱ ଗ୍ରହଣ କରିଛନ୍ତି ।
ଲେନିନଙ୍କ ଶବ ଉପରେ କାମ କରୁଥିବା ବିଶେଷଜ୍ଞଙ୍କୁ ଯତ୍ନବାନ ରହିବା ଆବଶ୍ୟକ କାରଣ ସରଂକ୍ଷିତ ଶବର ଫିଜିକାଲ ଫର୍ମ କିପରି ଉନ୍ନତ ହେବ ଏହା ସହିତ ଏହାର ରୂପ, ଆକାର,ଓଜନ, ରଙ୍ଗ ଏବଂ ଅଙ୍ଗର ଫ୍ଲେକ୍ସିବିଲିଟିକୁ ମଧ୍ୟ ବଜାୟ ରଖିବାକୁ ପଡିବ । ଏହି ସମସ୍ତ ଦୃଷ୍ଟିରେ ଏହି ଶବରେ ଅନ୍ୟ ଶବଙ୍କ ଠାରେ ବ୍ୟବହୃତ ହେଉଥିବା ସାଇନ୍ସ ଠାରୁ ଭିନ୍ନ କ୍ଲାସିଓବାୟୋଲେଜିକାଲ ସାଇନ୍ସର ବ୍ୟବହାର କରାଯାଏ । ଏହି ପ୍ରକ୍ରିୟା ମଧ୍ୟରେ ବିଶେଷଜ୍ଞ ମାନେ ମୃତ ଶରୀରର କିଛି ଅଙ୍ଗକୁ ପ୍ଲାଷ୍ଟିକ କିମ୍ବା ଅନ୍ୟ କୌଣସି ପଦାର୍ଥ ଦ୍ୱାରା ବଦଳାଇ ଦେଇଥାନ୍ତି , ଯାହା ଫଳରେ ଶରୀରଟି ପୁରୁଣା ସମୟ ତୁଳନାରେ ବଦଳିଯାଏ ।
୧୯୨୩ ମସିହା ଲେନିନଙ୍କ ମୃତ୍ୟୁର ତିନି ମାସ ପୂର୍ବରୁ ଏକ ଗୋପନୀୟ ବୈଠକ ବସିଥିଲା ଯେଉଁଠାରେ ଲେନିନଙ୍କ ମୃତ୍ୟୁ ପରେ ତାଙ୍କ ଶରୀରକୁ ନେଇ କେଉଁ ପ୍ରକାର ରଣନୀତି ହେବ ତାହା ଆଲୋଚନା କରାଯାଇଥିଲା । ତେବେ ଲେନିନଙ୍କ ଶବକୁ ଆଗାମୀ ପିଢିଙ୍କ ପାଇଁ ସଂରକ୍ଷିତ ରଖାଯାଉ ବୋଲି ଏହି ବୈଠକର କ୍ଷମତାରେ ରହିଥିବା ଜେଜେଫ ସ୍ଟୋଲେନ ପ୍ରସ୍ତାବ ଦେଇଥିଲେ । ସୋବିୟତ ସଂଘ ଏବଂ ରୁଷର ବୈଜ୍ଞାନିକ ମାନଙ୍କ ଦ୍ୱାରା ଲେନିନଙ୍କ ଶବକୁ ତେଜିୟାନ ରଖିବାର ପ୍ରକିୟା ବାସ୍ତବରେ ପ୍ରଶଂସନୀୟ । ଲେନିନଙ୍କ ଶବକୁ ଏହିଭଳି ଭାବେ ରଖିବା ପାଇଁ ଋଷ ପ୍ରତିବର୍ଷ ବିପୁଳ ପରିମାଣର ଅର୍ଥ ଖର୍ଚ୍ଚ କରିଥାଏ ।