ତାମିଲନାଡୁ ମଦୁରାଇ ପାଲମେଡୁରେ କିଛି ଦିନ ପୁର୍ବରୁ ଏକ ମିନି ଟ୍ରକ ପଛରେ ଷଣ୍ଢ ଦୌଡୁଥିବାର ଏକ ହୃଦୟ ବିଦାରକ ଘଟଣା ସୋସିଆଲ ଭିଡିଓରେ ଭାଇରାଲ ହେଉଛି। ଏହି ଭିଡିଓ ବହୁତ ମାତ୍ରାରେ ଭାଇରାଲ ହେବାରେ ଲାଗିଛି। ଭିଡିଓଟା ସେମିତି ହେଇଛି ଯେ ଯିଏ ଦେଖୁଛନ୍ତି ସେ ତାହାକୁ ଭାଇରାଲ କରୁଛନ୍ତି।
କେବଳ ମଣିଷ ହିଁ ହୃଦୟ ଦେଇ ଭଲ ପାଆନ୍ତି ନାହିଁ ବରଂ ପଶୁ ପକ୍ଷୀମାନଙ୍କ ଠାରେ ବି ଏମିତି ଭଲ ପାଇବା ଦେଖିବାକୁ ମିଳେ, ଯାହାଦ୍ୱାରା ସେମାନେ ମଣିଷଙ୍କ ଭଳି ଜଣେ ଜଣଙ୍କ ଠାରୁ ଅଲଗା ହେବାକୁ ଚାହିଁ ନଥାନ୍ତି। ଭିଡିଓରେ ଆପଣ ଦେଖିପାରିବେ ଯେ ଜଣେ ବ୍ୟକ୍ତି ଏକ ମିନି ଟ୍ରକରେ ଗାଈକୁ ବସାଇ ନେଉଯାଉଥିଲେ। ମାଞ୍ଜାମଲାଇ ନାମକ ଏକ ଷଣ୍ଢ ନିଜ ସାଥି ଗାଈ ଲକ୍ଷ୍ମୀକୁ ରୋକିବା ପାଇଁ ଗାଡି ପଛେ ପଛେ ଧାଉଁଥିବା ଦେଖିବାକୁ ମିଳୁଛି। ଯାହାକୁ ଦେଖିଲେ ଆପଣଙ୍କ ଆଖିରେ ବି ଲୁହ ଆସିଯିବ।
This is the best story you will watch in the Internet.
A farmer near Madurai sold the cow Lakshmi to a farm. Her companion, the bull Manjamalai runs behind the vehicle and tries hard to rescue her.
Do you know what happened then? #Shared pic.twitter.com/XfUffUMl76— Sudha Ramen IFS 🇮🇳 (@SudhaRamenIFS) July 15, 2020
ଘଟଣାଟି ହେଉଛି ଜଣେ ଦୋକାନ ମାଲିକ ଏକା ସାଙ୍ଗରେ ଗାଈ ଲକ୍ଷ୍ମୀ ଏବଂ ଷଣ୍ଢ ମାଞ୍ଜାମଲାଇକୁ ପାଳିଥିଲେ। ଦୁହିଁଙ୍କ ମଧ୍ୟରେ ବହୁତ ଭଲ ବୋଣ୍ଡିଂ ହୋଇଯାଇଥିଲା। କିନ୍ତୁ କରୋନା ମହାମାରୀ ଲକଡାଉନରେ ଆର୍ଥିକ ସଂକଟ କାରଣରୁ ତାଙ୍କୁ ନିଜର ଗାଈକୁ ବିକ୍ରି କରିବାକୁ ପଡିଲା। ଆଉ ଯେତେବେଳେ ନୂଆ ମାଲିକ ଗାଈକୁ ନେଉଯାଉଥିଲେ ସାଥି ଷଣ୍ଢଟି ସେହି ଗାଡି ପଛରେ ଦୌଡୁଥିବା ଦେଖିବାକୁ ମିଳିଥିଲା।
ତେବେ ଏମିତି ଏକ ହୃଦୟ ବିଦାରକ ଦୃଶ୍ୟ ଦେଖିବା ପରେ ତାମିଲନାଡୁର ଉପମୁଖ୍ୟମନ୍ତ୍ରୀ ଓ ପନ୍ନୀର ସେଲଭମଙ୍କ ପୁଅ ଓପି ଜୟପ୍ରଦୀପ ଦେଖିଥିଲେ। ସେ ଏହା ଦେଖି ନୂଆ ମାଲିକକୁ ପୂରା ଟଙ୍କା ପେମେଣ୍ଟ କରି ଗାଈକୁ ମୁକୁଳାଇ ଆଣିଲେ। ଆଉ ଏହାପରେ ପୁଣି ଥରେ ଏହି ଦୁଇ ସାଥି ମିଶିଗଲେ। ଏହାପରେ ସେ ଅଧିକାରୀଙ୍କୁ ଅନୁରୋଧ କରିଛନ୍ତି ଯେ ପଶୁ ମାନଙ୍କୁ କେବେବି ଅଲଗା କରନ୍ତୁ ନାହିଁ ଏବଂ ସେମାନଙ୍କ ଖର୍ଚ୍ଚରେ ବି ଯୋଗଦାନ ମଧ୍ୟ କରନ୍ତୁ।