ଦୁନିଆରେ ଏମିତି ଅନେକ ଲୋକ ଅଛନ୍ତି ଯେଉଁମାନେ ନିଜ ଶରୀରକୁ ବିଭିନ୍ନ ଉପାୟରେ ପରିବର୍ତ୍ତନ କରିଥା’ନ୍ତି କିନ୍ତୁ ସେମାନଙ୍କ ମଧ୍ୟରୁ କିଛି ଲୋକ ଅଛନ୍ତି ଯେଉଁମାନେ ସମସ୍ତ ସୀମା ଅତିକ୍ରମ କରିଯାନ୍ତି । ଜର୍ମାନରେ ରହୁଥିବା 39 ବର୍ଷିୟ ସାଣ୍ଡ୍ରୋ ଏହିପରି ଜଣେ ବ୍ୟକ୍ତି । ଗତ 17 ବର୍ଷ ମଧ୍ୟରେ ସାଣ୍ଡ୍ରୋ ତାଙ୍କ ଶରୀରକୁ ଅନେକ ଥର ମୋଡିଫିକେସନ କରିଛନ୍ତି ।
ସାଣ୍ଡ୍ରୋ ଜର୍ମାନୀର ଫିନଷ୍ଟର୍ୱାଲ୍ଡରେ ରୁହନ୍ତି । ସେ ଶରୀରରେ କରୁଥିବା ପରିବର୍ତ୍ତନ ମଧ୍ୟରେ ଟାଟୁ ଏବଂ ପିୟର୍ସିଙ୍ଗ ଅନ୍ତର୍ଭୁକ୍ତ । ତେବେ ସେ ନିଜ ଶରୀରରେ କରିଥିବା ସବୁଠାରୁ ବଡ ପରିବର୍ତ୍ତନ ହେଉଛି ତାଙ୍କ କାନ କାଟିବା । ସେ କାନ ଏଥିପାଇଁ କାଟିଥିଲେ ଯେପରି ସେ ନରମୁଣ୍ଡ ପରି ଦେଖାଯିବେ । ସାଣ୍ଡ୍ରୋ ନିଜର କାଟିଥିବା କାନକୁ ରୋଷେଇ ଘରେ ଏକ ଡବା ମଧ୍ୟରେ ରଖିଥିଲେ । ସେ ତାଙ୍କ ଘରକୁ ଆସୁଥିବା ଅତିଥିମାନଙ୍କୁ ତାଙ୍କର କଟିଥିବା କାନ ମଧ୍ୟ ଦେଖାଇଥାନ୍ତି । ସୋଣ୍ଡ୍ରୋଙ୍କର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସାଣ୍ଡ୍ରୋ ନିଜେ ବେକାର । ସେ ଗତ 13 ବର୍ଷ ମଧ୍ୟରେ ନିଜ ଶରୀରରେ 17ଟି ପରିବର୍ତ୍ତନ କରିଛନ୍ତି । ଯେଉଁଥିରେ ନିଜର କାନ କାଟିବା ମଧ୍ୟ ସାମିଲ । ସାଣ୍ଡ୍ରୋ ତାଙ୍କ ଶରୀର ପରିବର୍ତ୍ତନରେ 5.84 ଲକ୍ଷରୁ ଅଧିକ ଟଙ୍କା ଖର୍ଚ୍ଚ କରିଛନ୍ତି । ସାଣ୍ଡ୍ରୋଙ୍କୁ ନିଜ ଶରୀରକୁ ମୋଡିଫିକେସନ କରିବାର ଏକ ଅଦ୍ଭୁତ ଅଭ୍ୟାସ ଅଛି ।
ପିଲାଦିନରୁ ସାଣ୍ଡ୍ରୋ ଖପୁରୀ ପରି ମୁଣ୍ଡ ଦେଖାଇବାକୁ ଭଲ ପାଉଥିଲେ । ଏହି କାରଣରୁ ସେ କାନ କାଟି ଦେଇଥିଲେ। ସୋସିଆଲ ମିଡିଆରେ ସାଣ୍ଡ୍ରୋ ମିଷ୍ଟର ସ୍କଲ ଫେସ ଭାବରେ ଜଣାଶୁଣା । ସେ କହିଛନ୍ତି ଯେ ଏପରି କରିବା ଦ୍ୱାରା ତାଙ୍କର ଆତ୍ମବିଶ୍ୱାସ ବଢିଥାଏ । ସେ ନିର୍ଭୟରେ ଲୋକମାନଙ୍କ ମଧ୍ୟରେ ବୁଲନ୍ତି । ଯେତେବେଳେ ଲୋକମାନେ ତାଙ୍କୁ ଦେଖନ୍ତି ସେ ଏହାକୁ ବହୁତ ପସନ୍ଦ କରନ୍ତି ।
ସାଣ୍ଡ୍ରୋ ପ୍ରଥମେ 2007ରେ ବଡି ମୋଡିଫିକେସନ କରାଇଥିଲେ । ଯେତେବେଳେ ସେ ଜଣେ ବ୍ୟକ୍ତିଙ୍କୁ ମୁଣ୍ଡରେ ଶିଙ୍ଗ ଥିବାର ଟିଭିରେ ଦେଖିଲେ । ଏହା ପରେ ସେ ତାଙ୍କ ମୁଣ୍ଡ, ହାତ ଏବଂ ହାତଗୋଡ଼ ଭିତରେ ଚିପ୍ସ ଲଗାଇ ଦେଇଥିଲେ । ଏବେ ସେ ତାଙ୍କ ଜିଭକୁ ମଧ୍ୟ କାଟି ଦେଇଛନ୍ତି । ସାଣ୍ଡ୍ରୋ ବେକାର କିନ୍ତୁ ଇନଷ୍ଟାଗ୍ରାମରେ ତାଙ୍କ ପୋଷ୍ଟ ପାଇଁ ସେ ଭଲ ରୋଜଗାର କରନ୍ତି । ତାଙ୍କ ଚେହେରା ଯୋଗୁଁ ତାଙ୍କୁ ଅନେକ ସ୍ଥାନରୁ ବହିଷ୍କାର କରାଯାଇଥିଲା କିନ୍ତୁ ସାଣ୍ଡ୍ରୋ କେବେ ଏଥିପାଇଁ ଦୁଃଖ କରିନାହାନ୍ତି ।