ଭାରତର ସବୁଠୁ ଧନୀ ବ୍ୟବସାୟୀ ମୁକେଶ ଅମ୍ବାନୀଙ୍କ ପତ୍ନୀ ତଥା ରିଲାଏନ୍ସ ଇଣ୍ଡଷ୍ଟ୍ରିଜର ମାଲିକାଣି ନିତା ଅମ୍ବାନୀ ନିଜ ଲକଜରିଅସ ଜୀବନଶୈଳୀ ପାଇଁ ଜଣାଯାନ୍ତି । ସେ ନିଜେ ମଧ୍ୟ ଜଣେ ପାୱାରଫୁଲ ବିଜନେସ ବୋମେନ । ଯାହାଙ୍କ ମହଙ୍ଗା ସଉକକୁ ନେଇ ପ୍ରାୟ ଅଧିକାଂଶ ସମୟରେ ଚର୍ଚ୍ଚା ଜୋର ଧରିଥାଏ । ଆଜି ଆମେ ଆପଣଙ୍କୁ ନୀତାଙ୍କ ପ୍ରାଇଭେଟ ଜେଟର କିଛି ଫଟୋ ଦେଖେଇବାକୁ ଯାଉଛୁ ଯାହା ତାଙ୍କ ସ୍ୱାମୀ ମୁକେଶ ତାଙ୍କୁ ଜନ୍ମଦିନରେ ଉପହାର ଆକାରରେ ଦେଇଥିଲେ । ଯାହାର ମୂଲ୍ୟ ପାଖାପାଖି ୨୩୦ କୋଟି ଟଙ୍କା ହେବ । କଷ୍ଟମ ଫିଟେଡ଼ ଏୟାରବେଶ-319 ନାମକ ଏହି ଲଗଜରୀ ପ୍ରାଇଭେଟ ଜେଟ ମୁକେଶ ତାଙ୍କୁ ୪୪ ତମ ଜନ୍ମଦିନରେ ଦେଇଥିବା ଜଣାଯାଇଛି । ଏହି ଜେଟରେ ଏକା ସାଥିରେ ୧୦ ରୁ ୧୨ ଜଣ ଯାତ୍ରା କରିବା ବ୍ୟବସ୍ଥା ରହିଛି ।
ଆଉ ସବୁଠୁ ଆଶ୍ଚର୍ଯ୍ୟ କର କଥା ହେଉଛି ମୁକେଶ ବୋଇଙ୍ଗ ବ୍ୟବସାୟ କରୁଥିବା ବେଳେ ନିତା କିନ୍ତୁ ପ୍ରାଇଭେଟ ଜେଟରେ ଯାତ୍ରା କରିବାରେ ରୁଚି ରଖନ୍ତି ।ଆଉ ଏହାର ଭିତର ଦୃଶ୍ୟ ବି ବେଶ ଆକର୍ଷଣୀୟ । କୌଣସି ଫାଇବ ଷ୍ଟାର କିମ୍ବା ସେଭେନ ଷ୍ଟାର ହୋଟେଲ ଠାରୁ କମ ନୁହେଁ । ଏହାକୁ ମୁକେଶ ନୀତାଙ୍କ ପସନ୍ଦ ଅନୁସାରେ କଷ୍ଟମସାଇଜ ବା ତିଆରି କରିଥିଲେ । ଏମିତିକି ଏହା ଭିତରେ ଏକ ସ୍ୱତନ୍ତ୍ର ଡ଼ାଇନିଙ୍ଗ ହଲ ବି ଅଛି। ଆଉ ମନ ଶାନ୍ତ କରିବା ପାଇଁ ଏକ ସ୍କାଇ ବାରର ସୁବିଧା ବି ରହିଛି । ମନୋରଞ୍ଜନ କରିବା ପାଇଁ ଗେମିଙ୍ଗ, ମ୍ୟୁଜିକ ସିଷ୍ଟମ, ସେଟେ ଲାଇଟ ଟେଲିଭିଜନ, ୱେୟାରଲେସ କମ୍ୟୁନିକେସନ ପରି ସୁବିଧା ବି ରହିଛି । ଏହା ସହ ଏକ ମାଷ୍ଟର ଆଟାଚ ବାଥରୁମ ସହ ମାଷ୍ଟର ବେଡ୍ରୁମ ବି ରହିଛି ।