ସମୁଦ୍ର ରାକ୍ଷସର ବିରଳ ଚିତ୍ର, ଯାହା ଦେଖି ଆପଣ ହୋଇଯିବେ ଭୟଭୀତ
ଦୁନିଆରେ ଅନେକ ପ୍ରଜାତିର ମାଛ ରହିଛନ୍ତି । ଜଣେ ମାଛ ଧରାଳୀ ଏବେ ଏମିତି ଏକ ମାଛ ଧରିଛନ୍ତି ଯାହା ଏବେ ପୂରା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯାହାକୁ ଦେଖି ଲୋକେ କହୁଛନ୍ତି ଅସଲି ଦୁନିଆର ‘ସମୁଦ୍ର ରାକ୍ଷସ’। ଆଜ୍ଞା ହଁ, ଆପଣମାନେ ଏମିତି ଏକ ମାଛ ଦେଖିବେ ଯାହାର ଆକାର ଏବଂ ମୁହଁ ବହୁତ ବଡ। ଦାନ୍ତ ମଧ୍ୟ ଅସ୍ତ୍ର ଭଳି ଧାରୁଆ।
ଆମେରିକାର ୩୯ ବର୍ଷିୟ ନେଟ ଆଇସଜାକ୍ ପେସାରେ ଜଣେ ମାଛ ଧରାଳୀ। ସେ ମାର୍ଚ୍ଚ ୯ ତାରିଖରେ ଆଲାସ୍କାର ଅକୁତାନ ଆଇଜଲ୍ୟାଣ୍ଡରୁ ଏହି ବିଶାଳକାୟ ମାଛକୁ ଧରିଥିଲେ। ପରେ ଏହାର ଫଟୋକୁ ଫେସବୁକରେ ସେୟାର କରିଥିଲେ।
ଯାହାଦ୍ୱାରା ଏହା ଭାଇରାଲ ହେବାରେ ଲାଗିଲା। କ୍ୟାପ୍ସନରେ ସେ ଲେଖିଥିଲେ ‘Wolf Eel’। ବର୍ତ୍ତମାନ ଏହିି ପୋଷ୍ଟକୁ ୩୫୦ରୁ ଅଧିକ ଥର ସେୟାର କରିବା ସହ ଏଥିରେ ୧୦୦ ରୁ ଅଧିକ ରିଆକ୍ସନ ଆସିଲାଣି।
ନେଟଙ୍କ କହିବା ଅନୁସାରେ, ‘ଏହି ମାଛ ଜୋରରେ କାମୁଡିଥାଏ, ତେଣୁ ଏହାକୁ ଧରିବା ସମୟରେ ସତର୍କତା ଅବଲମ୍ବନ କରିବାକୁ ପଡିଥିଲା।’
