ଦୋସାର ଦାମ ଦେଖି ଉଡ଼ିଲା ଲୋକଙ୍କ ହୋସ୍, ମୂଲ୍ୟ ଜାଣିଲେ ଆପଣ ବି ହେବେ ଆଶ୍ଚର୍ଯ୍ୟ
ଦୋସାର ଦାମ ୪୦ ରୁ ୫୦ ଟଙ୍କା ହୋଇଥାଏ । ଯଦି ଭଲ ହୋଟେଲ କିମ୍ବା ରେଷ୍ଟୁରାଣ୍ଟରେ ଦୋସା ଅର୍ଡର କରି ଖାଆନ୍ତି ତେବେ ଏହାର ଦାମ ଅତି ବେଶୀରେ ୧୦୦ ଟଙ୍କା ଭିତରେ ହେବ । କିନ୍ତୁ ଯଦି ଆମେ ଆପଣଙ୍କୁ ଦୋସାର ଦାମ ୬୦୦ ଟଙ୍କା କହିବୁ ଆପଣଙ୍କୁ ହୁଏତ ବିଶ୍ୱାସ ହେବ ନାହିଁ ।
ଅନେକ ଲୋକ ଅଛନ୍ତି ଯେଉଁମାନେ ସକାଳ ଏବଂ ସନ୍ଧ୍ୟାରେ ବାହାର ଖାଦ୍ୟ ଖାଇବାକୁ ବହୁତ ପସନ୍ଦ କରନ୍ତି । ବାହାର ଖାଦ୍ୟ ମଧ୍ୟରେ ଦୋସା ହେଉଛି ଅନ୍ୟତମ । ଲୋକମାନେ ଦୋସା ଖାଇବାକୁ ଭାରି ଭଲ ପାଆନ୍ତି । କାରଣ ଏହାର ଦାମ ସେତେ ଅଧିକ ନଥାଏ ଏବଂ ଗୋଟିଏ ଦୋସାରେ ପେଟ ପୁରା ଫୁଲ ହୋଇଯାଏ । ଦୋସା ସାଙ୍ଗକୁ ଚଟଣୀ ଭାରି ସୁଆଦିଆ ଲାଗେ । ସାଧାରଣତଃ ଆପଣ ଖାଉଥିବା ଦୋସାର ଦାମ ୪୦ ରୁ ୫୦ ଟଙ୍କା ହୋଇଥାଏ । ଯଦି ଭଲ ହୋଟେଲ କିମ୍ବା ରେଷ୍ଟୁରାଣ୍ଟରେ ଦୋସା ଅର୍ଡର କରି ଖାଆନ୍ତି ତେବେ ଏହାର ଦାମ ଅତି ବେଶୀରେ ୧୦୦ ଟଙ୍କା ଭିତରେ ହେବ । କିନ୍ତୁ ଯଦି ଆମେ ଆପଣଙ୍କୁ ଦୋସାର ଦାମ ୬୦୦ ଟଙ୍କା କହିବୁ ଆପଣଙ୍କୁ ହୁଏତ ବିଶ୍ୱାସ ହେବ ନାହିଁ । କାରଣ ୫୦ ରୁ ୬୦ ଟଙ୍କା ଦାମରେ ମିଳୁଥିବା ଦୋସା ପୁଣି ୬୦୦ ଟଙ୍କାରେ କିପରି ? ଏ କଥା ଆପଣଙ୍କୁ ହୁଏତ ତାଜୁବ ଲାଗୁଥିବ । କିନ୍ତୁ ଏମିତି କିଛି ସତରେ ହୋଇଛି । ଦେଶରେ ଦରଦାମ ବଢ଼ିବାରେ ଲାଗିଛି ତେଣୁ ସାଧାରଣ ଲୋକେ ବଡ଼ ସମସ୍ୟାର ସମ୍ମୁଖୀନ ହେଉଛନ୍ତି । ଏପରିକି ଖାଦ୍ୟ ସାମଗ୍ରୀ ମଧ୍ୟ ଦିନକୁ ଦିନ ବହୁତ ମହଙ୍ଗା ହୋଇଯାଉଛି । କିନ୍ତୁ ଦୋସାର ଦାମ ଏତେ ଅଧିକ ବଢ଼ିଯିବା ଟା କେହି ବି ବିଶ୍ୱାସ କରି ପାରୁ ନାହାନ୍ତି ।
ତେବେ ସୋସିଆଲ ମିଡିଆରେ ମୁମ୍ବାଇ ବିମାନବନ୍ଦରରେ ଥିବା ଏକ ଖାଦ୍ୟ ଷ୍ଟଲର ଭିଡିଓ ଭାଇରାଲ ହେବାରେ ଲାଗିଛି । ଖାଦ୍ୟ ଷ୍ଟଲ ମାନଙ୍କର ତ ଅନେକ ଭିଡିଓ ସୋସିଆଲ ମିଡିଆରେ ପ୍ରତ୍ୟେକ ଦିନ ଭାଇରାଲ ହୋଇଥାଏ । କିନ୍ତୁ ଏ ଷ୍ଟଲରେ ଏପରି କିଛି ଜିନିଷ ନଜର ଆସିଥିଲା ଯାହା ଆପଣମାନେ ଜାଣିଲେ ନିଶ୍ଚିତ ଭାବେ ଆଶ୍ଚର୍ଯ୍ୟ ହେବେ । ଏ ଷ୍ଟଲରେ ଯେଉଁ ଦୋସା ବିକ୍ରି ହେଉଛି ତା ଦାମ ଜାଣିଲେ ଆପଣ ଦୋସା ଖାଇବା କଥା ଭୁଲିଯିବେ । କାରଣ ମୁମ୍ବାଇ ବିମାନବନ୍ଦରରେ ୬୦୦ ଟଙ୍କାରେ ବିକ୍ରି ହେଉଛି ଦୋସା । ଦୋସାର ଦାମ ଇଣ୍ଟରନେଟରେ ଭାଇରାଲ ହେବା ପରେ ମୋବାଇଲ ୟୁଜର୍ସ ଭିନ୍ନ ଭିନ୍ନ କମେଣ୍ଟ ଦେଉଛନ୍ତି ।
ଆପଣଙ୍କୁ କହି ରଖିବାକୁ ଚାହିଁବୁ ମୁମ୍ବାଇ ବିମାନବନ୍ଦରରେ ବିକ୍ରି ହେଉଥିବା ଗୋଟିଏ ମସଲା ଦୋସାର ଦାମ ୬୦୦ ଟଙ୍କା ରହିଛି । ଦୋସାର ଦାମ ଏତେ ଅଧିକ ଥିବାରୁ ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଦୋସାର ଏତେ ଅଧିକ ଦାମ ଦେଖି ଲୋକମାନେ ପ୍ରତିକ୍ରିୟା ଦେଉଛନ୍ତି । ଅନେକ ୟୁଜର ଏହି ଭିଡିଓରେ ନିଜର ପ୍ରତିକ୍ରିୟା ଦେଉଛନ୍ତି । ଜଣେ ୟୁଜର କହିଛନ୍ତି ଯେ ଏହି ଦୋସାରେ ସେପରି କିଛି ବିଶେଷ ଦେଖାଯାଉ ନାହିଁ । ସେହିପରି କିଛି ୟୁଜର୍ସ ଦୋସା ଖାଇବା ପାଇଁ କିଡନୀ ବିକ୍ରି କରିବାକୁ ପଡ଼ିବ ବୋଲି ଲେଖିଛନ୍ତି । ଅନ୍ୟପଟେ କିଛି ଲୋକ ଦୋସାର ଦାମକୁ ରୂପା ଦାମ ସହିତ ତୁଳନା କରିଛନ୍ତି ।
