ଗୁରୁବାରକୁ ମା’ ଲକ୍ଷ୍ମୀଙ୍କ ବାର ବୋଲି କୁହାଯାଏ। ଏହି ଦିନ କେତେକ ବ୍ୟକ୍ତି ବିଷ୍ଣୁଙ୍କୁ ମଧ୍ୟ ପୂଜା କରିଥାନ୍ତି। ତେବେ ସବୁ ପୂଜା ପରେ ମଧ୍ୟ ଅଜାଣତରେ କରାଯାଉଥିବା କେତେକ ଛୋଟ ଛୋଟ ଭୁଲ୍ ଯୋଗୁ ଲକ୍ଷ୍ମୀ ଓ ବିଷ୍ଣୁ ପ୍ରସନ୍ନ ହେବା ପରିବର୍ତ୍ତେ କ୍ରୋଧ କରିଥାନ୍ତି। ଫଳରେ ଭଲ ଦେବା ବଦଳରେ ଅଭିଶାପ ଦେଇଥାନ୍ତି। ତେବେ ଆସନ୍ତୁ ଜାଣିବା ଗୁରୁବାର ଦିନ କ’ଣ କରିବା ଉଚିତ ଓ କ’ଣ କରିବା ଅନୁଚିତ:
ଏହି କାମ ଆଦୌ କରନ୍ତୁ ନାହିଁ:
- ପିତା, ଗୁରୁ ଓ ସାଧୁସନ୍ଥ ବୃହସ୍ପତିଙ୍କ ପ୍ରତିନିଧିତ୍ୱ କରିଥାନ୍ତି। ଏଣୁ କେବେ ବି ଏମାନଙ୍କ ଅପମାନ କରନ୍ତୁ ନାହିଁ।
- ଗୁରୁବାର ଦିନ ଘରେ ଖେଚୁଡ଼ି ପ୍ରସ୍ତୁତ କରନ୍ତୁ ନାହିଁ କି ବାହାରେ ବି ଖାଆନ୍ତୁ ନାହିଁ।
- ଏହି ଦିନ ନଖ କାଟିବା ଅନୁଚିତ।
- ମହିଳାମାନେ ଗୁରୁବାର ଦିନ କେଶ ଧୋଇବା ଅନୁଚିତ। ଏହା ଦ୍ୱାରା ସମ୍ପତ୍ତି କ୍ଷୟ ହୋଇଥାଏ ବୋଲି ବିଶ୍ୱାସ ରହିଛି।
- ଗୁରୁବାର ଡ୍ରେସ୍ ସଫା କରନ୍ତୁ ନାହିଁ।
ଗୁରୁବାର ଏସବୁ କାମ କରିବା ଅତ୍ୟନ୍ତ ଶୁଭ ହୋଇଥାଏ:
- ଏହି ଦିନ ସୂର୍ଯ୍ୟ ଉଦୟ ହେବା ପୂର୍ବରୁ ବିଛଣା ଛାଡ଼ନ୍ତୁ ବିଷ୍ଣୁ ପ୍ରସନ୍ନ ହେବେ।
- ଗାଧୋଇବା ପରେ ଗାଈ ଘିଅରେ ବିଷ୍ଣୁଙ୍କ ସାମ୍ନାରେ ଦୀପ ଜଳାନ୍ତୁ।
- ମଥାରେ କେସର ବା ହଳଦୀର ତିଳକ ଲଗାନ୍ତୁ।
- ହଳଦିଆ ଜିନିଷ ଦାନ କରନ୍ତୁ।
- ଯଦି ପାରୁଛନ୍ତି ଏହି ଦିନ ବ୍ରତ ରଖନ୍ତୁ।
- ମହାଦେବଙ୍କୁ ହଳଦିଆ ରଙ୍ଗର ଲଡୁ ଦାନ କରନ୍ତୁ।
- କଦଳୀ ଗଛକୁ ପୂଜା କରନ୍ତୁ ଓ ପ୍ରସାଦ ଭାବେ ହଳଦିଆ ଦ୍ରବ୍ୟ ଅର୍ପଣ କରନ୍ତୁ।
- କଦଳୀ ଦାନ କରନ୍ତୁ।