ପୃଥିବୀକୁ କେଉଁଠାରୁ ଆସିଲା ପାଣି? ଆଜି ପର୍ଯ୍ୟନ୍ତ ଏକ ରହସ୍ୟର ବିଷୟ
ପୃଥିବୀ ପୃଷ୍ଠର ୭୧ ପ୍ରତିଶତ ଜଳ ସହିତ ଆଚ୍ଛାଦିତ ହୋଇଥିଲେ ମଧ୍ୟ ଏହାର ଉତ୍ପତ୍ତି ଆଜି ପର୍ଯ୍ୟନ୍ତ ଏକ ରହସ୍ୟର ବିଷୟ । ଗତ କିଛି ବର୍ଷ ମଧ୍ୟରେ ବୈଜ୍ଞାନିକଙ୍କ ତଥ୍ୟ ଅନୁଯାୟୀ ଜଳ ଆଷ୍ଟରଏଡରୁ ଆସିଛି କିମ୍ବା ପୃଥିବୀ ନିଜସ୍ୱ ଏହି ଜଳ ସୃଷ୍ଟି କରିଛି ।
ପୃଥିବୀ ପୃଷ୍ଠରେ ପ୍ରାୟ ୭୦% ଜଳ ଅଛି, କିନ୍ତୁ ପୃଥିବୀକୁ ଏତେ ପାଣି କେଉଁଠୁ ଆସିଲା? ପୃଥିବୀରେ ପାଣି କେଉଁଠୁ ଆସିଲା ଏହି ପ୍ରଶ୍ନ ଦୀର୍ଘ ଦିନ ଧରି ବୈଜ୍ଞାନିକମାନଙ୍କ ସାମ୍ନାରେ ରହିଆସିଛି । ପୃଥିବୀ ପୃଷ୍ଠର ୭୧ ପ୍ରତିଶତ ଜଳ ସହିତ ଆଚ୍ଛାଦିତ ହୋଇଥିଲେ ମଧ୍ୟ ଏହାର ଉତ୍ପତ୍ତି ଆଜି ପର୍ଯ୍ୟନ୍ତ ଏକ ରହସ୍ୟର ବିଷୟ । ଗତ କିଛି ବର୍ଷ ମଧ୍ୟରେ ବୈଜ୍ଞାନିକଙ୍କ ତଥ୍ୟ ଅନୁଯାୟୀ ଜଳ ଆଷ୍ଟରଏଡରୁ ଆସିଛି କିମ୍ବା ପୃଥିବୀ ନିଜସ୍ୱ ଏହି ଜଳ ସୃଷ୍ଟି କରିଛି । ବର୍ତ୍ତମାନ କାଲିଫର୍ନିଆ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଅନୁସନ୍ଧାନକାରୀମାନେ ଏହି ରହସ୍ୟ ପ୍ରକାଶ କରିବାରେ ଆଉ ଏକ ପଦକ୍ଷେପ ନେଇଛନ୍ତି ।
ବୈଜ୍ଞାନିକଙ୍କ ଅନୁଯାୟୀ ପୃଥିବୀ ପ୍ରଥମେ ଶୁଖିଲା ଏବଂ ପଥର ସାମଗ୍ରୀରୁ ସୃଷ୍ଟି ହୋଇଥିଲା, ଯାହା ଦର୍ଶାଏ ଯେ ପୃଥିବୀକୁ ନିଶ୍ଚୟ ଭାବରେ ପରେ ଜଳ ଆସିଥଲା । ଅନୁସନ୍ଧାନକାରୀମାନେ ମତ ଦେଇଛନ୍ତି ଯେ ପୃଥିବୀ ସୃଷ୍ଟି ହେବାର ଶେଷ ୧୫ ପ୍ରତିଶତ ସମୟରେ ଏଥିରେ ପର୍ଯ୍ୟାପ୍ତ ପରିମାଣର ଜଳ ଏବଂ ଜୀବନ ପାଇଁ ଆବଶ୍ୟକ ପଦାର୍ଥ ସାମିଲ ହୋଇଥିଲା । ଆକଳନ ଅନୁଯାୟୀ, ପୃଥିବୀ ୪.୫ ବିଲିୟନ ବର୍ଷ ପୁରୁଣା ଏବଂ ବୈଜ୍ଞାନିକମାନେ ଏହା କିପରି ସୃଷ୍ଟି ହୋଇଛି ତାହା ବୁଝିବାକୁ ଚେଷ୍ଟା କରୁଛନ୍ତି । ଏହି ପ୍ରକ୍ରିୟାକୁ ଅଧ୍ୟୟନ କରିବାର ଗୋଟିଏ ଉପାୟ ହେଉଛି ପୃଥିବୀ ଭିତରର ଗରମ ମ୍ୟାଗମା ପରୀକ୍ଷା କରିବା ।
ଯଦିଓ ଆମେ ସିଧାସଳଖ ପୃଥିବୀର ଗଭୀରତାରେ ପହଞ୍ଚି ପାରିବୁ ନାହିଁ, କିନ୍ତୁ ଏହି ମ୍ୟାଗମା ଲାଭା ଆକାରରେ ଭୂପୃଷ୍ଠକୁ ଆସେ । ଗବେଷକମାନେ ବୁଝାଇଥିଲେ ଯେ ମ୍ୟାଗମା ପୃଥିବୀର ବିଭିନ୍ନ ଗଭୀରତାରେ ହୋଇଥାଏ । ଯେପରି ଏହାର ଉପର ମେଣ୍ଟ ୧୫ କିଲୋମିଟର ଗଭୀରରୁ ଆରମ୍ଭ ହୋଇ ପ୍ରାୟ ୬୮୦ କିଲୋମିଟର ପର୍ଯ୍ୟନ୍ତ ବ୍ୟାପିଥାଏ । ତଳ ମେଟାଲ ୬୮୦ କିଲୋମିଟରରୁ ୨୯୦୦ କିଲୋମିଟର ପର୍ଯ୍ୟନ୍ତ ବିସ୍ତାର ହୋଇଥାଏ । ବିଭିନ୍ନ ଗଭୀରତାରୁ ମ୍ୟାଗମା ଅଧ୍ୟୟନ କରି ବୈଜ୍ଞାନିକମାନେ ପୃଥିବୀର ସ୍ତର, ରଚନା ଏବଂ ପ୍ରତ୍ୟେକ ସ୍ତରରେ ଉପସ୍ଥିତ ରାସାୟନିକ ପଦାର୍ଥ ବିଷୟରେ ସୂଚନା ଜାଣିପାରିବେ ।
ପୃଥିବୀ ତୁରନ୍ତ ସୃଷ୍ଟି ହୋଇନଥିଲା କିନ୍ତୁ ବିଭିନ୍ନ ସାମଗ୍ରୀର ମିଶ୍ରଣ ହେତୁ ସମୟ ସହିତ ଏହା ବିକଶିତ ହେଲା । ଏହାର ଅର୍ଥ ହେଉଛି ନିମ୍ନ ମେଟାଲ ଏବଂ ଉପର ମେଟାଲ ପୃଥିବୀ ଗଠନ ସହିତ ଜଡିତ ସୂଚନା ପ୍ରଦାନ କରିପାରିବ । ଅଧ୍ୟୟନରେ ବୈଜ୍ଞାନିକମାନେ ପୃଥିବୀର ଗଭୀରତାରେ ଜଳ ସମେତ ଅସ୍ଥିର ରାସାୟନିକ ପଦାର୍ଥର ଅଭାବ ଆବିଷ୍କାର କରିଛନ୍ତି । ଏହି କାରଣରୁ, ଅନୁସନ୍ଧାନକାରୀମାନେ ବିଶ୍ୱାସ କରନ୍ତି ଯେ ଯେତେବେଳେ ଆମ ଗ୍ରହ ଏକ କଠିନ ପଥରରେ ପରିଣତ ହେଲା, ସେତେବେଳେ ଏହା ସମ୍ପୂର୍ଣ୍ଣ ଶୁଖିଯାଇଥିଲା ।
ଗବେଷକମାନେ ଆଶା କରନ୍ତି ଯେ ଏହା ମାଧ୍ୟମରେ ସେମାନେ ପୃଥିବୀ ସମେତ ସୌର ମଣ୍ଡଳର ଅନ୍ୟାନ୍ୟ ଗ୍ରହଗୁଡ଼ିକର ଗଠନକୁ ଚିହ୍ନିବାରେ ସକ୍ଷମ ହେବେ । ଏହି ଅଧ୍ୟୟନର ନେତୃତ୍ୱ ନେଇଥିବା ଡକ୍ଟର ଫ୍ରାଙ୍କୋଇସ୍ ଟିସୋଟ କହିଛନ୍ତି, ‘ମହାକାଶ ଅନୁସନ୍ଧାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କାରଣ ଜଳ ସହିତ ଏକ ଦୁନିଆ ହିଁ ପ୍ରାୟତଃ ଜୀବନ ଖୋଜିବା ପାଇଁ ସର୍ବୋତ୍ତମ ସ୍ଥାନ ।
