RCB ହାରିବା ପରେ ଭାଙ୍ଗିପଡିଲେ ବିରାଟ କୋହଲି, ଡ୍ରେସିଂ ରୁମ୍ ଫଟୋ ଭାଇରଲ
ମ୍ୟାଚ ହାରିବା ପରେ କୋହଲିଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଭାଇରଲ ହେଉଛି । ଏହି ଭିଡିଓ କୋହଲି ଡ୍ରେସିଂ ରୁମରେ ବିଲକୁଲ୍ ଶାନ୍ତ ଏବଂ ଚୁପଚାପ୍ ବସିଥିବାର ଦେଖିବାକୁ ମିଳିଛି । ଏହାସହିତ ଅନ୍ୟ ଏକ ଫଟୋରେ ମନ ଦୁଃଖରେ ଠିଆ ହୋଇଥିବାର ଦେଖିବାକୁ ମିଳିଛି । ଏହାକୁ ଦେଖି ଫ୍ୟାନ୍ସ ବିଲକୁଲ ଚିନ୍ତାରେ ପଡିଛନ୍ତି ।
ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଟିମ୍ ଆଇପିଏଲ ୨୦୨୪ରେ ଲଗାତାର ଦ୍ୱିତୀୟ ମ୍ୟାଚ ହାରିସାରିଛି । ବେଙ୍ଗାଲୁରୁର ଏମ ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯାଉଥିବା ମ୍ୟାଚରେ ଲକ୍ଷ୍ନୌ ସୁପରଜିଆଣ୍ଟସ ଠାରୁ ହାରିଛି ବେଙ୍ଗାଲୁରୁ । ଆଉ ଏହି ପରାଜୟ ଫ୍ୟାନ୍ସଙ୍କ ସହିତ ଟିମର ପୂର୍ବ ଅଧିନାୟକ ତଥା ଓପନର ବିରାଟ କୋହଲିଙ୍କୁ ଭାଙ୍ଗିଦେଇଛି । ଲକ୍ଷ୍ନୌ ବିପକ୍ଷ ମ୍ୟାଚରେ କୋହଲି କିଛି ଖାସ୍ କରିପାରିନଥିଲେ । ମାତ୍ର ୧୬ ବଲ ଖେଳି ୨୨ ରନ୍ କରି ଆଉଟ ହୋଇଥିଲେ ।
ମ୍ୟାଚ ହାରିବା ପରେ କୋହଲିଙ୍କ ପ୍ରତିକ୍ରିୟା ସୋସିଆଲ ମିଡିଆରେ ଭାଇରଲ ହେଉଛି । ଏହି ଭିଡିଓ କୋହଲି ଡ୍ରେସିଂ ରୁମରେ ବିଲକୁଲ୍ ଶାନ୍ତ ଏବଂ ଚୁପଚାପ୍ ବସିଥିବାର ଦେଖିବାକୁ ମିଳିଛି । ଏହାସହିତ ଅନ୍ୟ ଏକ ଫଟୋରେ ମନ ଦୁଃଖରେ ଠିଆ ହୋଇଥିବାର ଦେଖିବାକୁ ମିଳିଛି । ଏହାକୁ ଦେଖି ଫ୍ୟାନ୍ସ ବିଲକୁଲ ଚିନ୍ତାରେ ପଡିଛନ୍ତି । ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୪ଟି ମ୍ୟାଚରୁ ୩ଟି ହାରିସାରିଛି ।
Virat Kohli in the dressing room after the yesterday’s match.
– His reactions says it all…!!!! 💔 pic.twitter.com/4FMNvNKbee
— CricketMAN2 (@ImTanujSingh) April 3, 2024
ବେଙ୍ଗାଲୁରୁ ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ ଚେନ୍ନାଇ ସୁପର କିଙ୍ଗସ ସହିତ ଖେଳିଥିଲେ । ଏଥିରେ ୬ ଓ୍ଵିକେଟରେ ମ୍ୟାଚ୍ ହାରିଥିଲା ବେଙ୍ଗାଲୁରୁ । ଏହାପରେ ପଞ୍ଜାବ କିଙ୍ଗସ ସହିତ ମ୍ୟାଚ ଜିତି ବିଜୟ ଖାତା ଖୋଲିଥିଲା । କିନ୍ତୁ ତା’ପରେ ୨ଟି ମ୍ୟାଚ ହାରିସାରିଲାଣି । କୋଲକତା ବିପକ୍ଷରେ ୭ ଓ୍ଵିକେଟ ମ୍ୟାଚ ହାରିଥିବା ବେଳେ ଲକ୍ଷ୍ନୌ ବିପକ୍ଷରେ ୨୮ ରନରେ ପରାଜୟ ସାମ୍ନା କରିସାରିଛି ।
ସୂଚନାଯାଗ୍ୟ, ଲକ୍ଷ୍ନୌ ସୁପରଜିଆଣ୍ଟସ ବିପକ୍ଷରେ ଖେଳାଯାଇଥିବା ମ୍ୟାଚରେ ବେଙ୍ଗାଲୁରୁର ବ୍ୟାଟିଂ ସଂପୂର୍ଣ୍ଣ ଭାବେ ବିଫଳ ହୋଇଥିଲା । ବଡ ବଡ ଷ୍ଟାର ବ୍ୟାଟ୍ସମ୍ୟାନ ଜଲଦି ଆଉଟ ହୋଇଯାଇଥିଲେ । ଏହି ମ୍ୟାଚରେ ଲକ୍ଷ୍ନୌ ପ୍ରଥମେ ବ୍ୟାଟିଂ କରି ୨୦ ଓଭରରେ ୧୮୧/୫ ରନ କରିଥିଲା । ଏହାକୁ ପିଛା କରି ବେଙ୍ଗାଲୁରୁ ୧୯.୪ ଓଭରେ ୧୫୩ରନରେ ଅଲଆଉଟ ହୋଇଯାଇଥିଲା ।
