ଖଟ ଚଟାଣଠାରୁ ଉଚ୍ଚରେ ରହିଥାଏ କାହିଁକି, ଏହା ମଝିରେ ଥିବା ଜାଗାର ଉଦ୍ଦେଶ୍ୟ କ’ଣ?
ତେବେ ପ୍ରଶ୍ନ ଉଠେ ଯେ ଖଟ ଚଟାଣଠାରୁ ଏତେ ଉଚ୍ଚରେ କାହିଁକି ରହିଥାଏ, ଏହା ମଝିରେ ଥିବା ଜାଗାର ଉଦ୍ଦେଶ୍ୟ କ’ଣ? ଲୋକମାନେ କେବଳ ଗଦି ରଖି ଶୋଇନଥାନ୍ତି କାହିଁକି? ଏପରି ଶଯ୍ୟା ତିଆରି କରାଯାଏ ନାହିଁ ଯାହା ଭୂମିରେ, କିମ୍ବା ସମ୍ପୂର୍ଣ୍ଣ ଭାବରେ ଚଟାଣରେ ଲାଗିଥାଏ? କାହିଁକି ଖଟ ତଳେ ସ୍ପେସ୍ ରହିଥାଏ? ଏହାର ଉତ୍ତର ଏବଂ ପଛରେ ଥିବା ପ୍ରକୃତ କାରଣ ବିଷୟରେ ଅଧିକାଂଶ ଲୋକ ଜାଣି ନଥିବେ ।
ଆଜିକାଲି ମାର୍କେଟରେ ବିଭିନ୍ନ ଡିଜାଇନର ବେଡ ତିଆରି କରାଯାଉଛି । କିନ୍ତୁ ଏଥିମଧ୍ୟରୁ ଅଧିକାଂଶ ବେଡ ଚଟାଣ ଠାରୁ ଉପରେ ହିଁ ରହିଥାଏ । ସେଥିପାଇଁ କେତେବେଳେ କିଛି ଜିନିଷ ଖଟ ତଳେ ପଡ଼ିଯାଏ ତ କେତେବେଳେ ବୟସ୍କ ଲୋକଙ୍କ ଜୋତା କିମ୍ବା ଚପଲ ରହିଥାଏ, ଲୋକଙ୍କୁ ନଇଁପଡି ବହୁତ କଷ୍ଟରେ ଏହାକୁ ବାହାରକୁ ଆଣିବାକୁ ପଡିଥାଏ । ଖଟ ତଳେ ମଇଳା ହେଲେ ଏହାକୁ ସମୟ ସମୟରେ ସଫା ମଧ୍ୟ କରିବାକୁ ପଡିଥାଏ । ଅନ୍ୟପଟେ ଖଟ ତଳେ ଭୁତ ଲୁଚି ରହିଥାଏ ଭାବି ବେଳେବେଳେ ପିଲାମାନେ ମଧ୍ୟ ଭୟ କରନ୍ତି !
ଯଦି ଖଟ ଏବଂ ଚଟାଣ ମଧ୍ୟରେ ଥିବା ସ୍ଥାନ ଲୋକଙ୍କୁ ଏତେ ଅସୁବିଧାର ସମ୍ମୁଖୀନ କରାଇଥାଏ, ତେବେ ଏହାକୁ କାହିଁକି ହଟାଇ ଦିଆଯାଏ ନାହିଁ ? ତେବେ ପ୍ରଶ୍ନ ଉଠେ ଯେ ଖଟ ଚଟାଣଠାରୁ ଏତେ ଉଚ୍ଚରେ କାହିଁକି ରହିଥାଏ, ଏହା ମଝିରେ ଥିବା ଜାଗାର ଉଦ୍ଦେଶ୍ୟ କ’ଣ? ଲୋକମାନେ କେବଳ ଗଦି ଉପରେ ଶୋଇନଥାନ୍ତି କାହିଁକି? ଏପରି ଖଟ କାହିଁକି ତିଆରି କରାଯାଏ ନାହିଁ ଯାହା ଭୂମିରେ, କିମ୍ବା ସମ୍ପୂର୍ଣ୍ଣ ଭାବରେ ଚଟାଣରେ ଲାଗିଥାଏ? କାହିଁକି ଖଟ ତଳେ କିଛି ସ୍ପେସ୍ ରହିଥାଏ? ଏହାର ଉତ୍ତର ଏବଂ ଏହା ପଛରେ ଥିବା ପ୍ରକୃତ କାରଣ ବିଷୟରେ ଅଧିକାଂଶ ଲୋକ ଜାଣି ନଥିବେ । ତେବେ ଏହି ବିଷୟରେ ଜାଣିବା ପାଇଁ ଭିଡିଓକୁ ଶେଷ ପର୍ଯ୍ୟନ୍ତ ଦେଖନ୍ତୁ ।
ରିପୋର୍ଟ ଅନୁଯାୟୀ, ବହୁ ବର୍ଷ ପୂର୍ବରୁ ଲୋକମାନେ ଖଟରେ ନ ଶୋଇ ତଳେ ଶୋଉଥିଲେ । ଗ୍ରାମାଞ୍ଚଳରେ ଲୋକମାନେ ପ୍ରାୟତଃ ଭୂମିରେ ଗଦି ବିଛାଇ ତଳେ ଶୋଇଥା’ନ୍ତି । କିନ୍ତୁ କିଛି ସମୟ ପରେ ପ୍ରାଚୀନ ଇଜିପ୍ଟରେ ଚଟାଣ ଠାରୁ ଉପରେ ରହିଥିବା ଡିଜାଇନରେ ଖଟ ତିଆରି ଆରମ୍ଭ ହେଲା । ଏହା ପଛରେ ଅନେକ କାରଣ ମଧ୍ୟ ରହିଛି । ସର୍ବପ୍ରଥମେ, ଲୋକମାନେ ବୁଝିବାକୁ ଲାଗିଲେ ଯେ ରାତିରେ ଭୂମି ଥଣ୍ଡା ହୋଇଯାଏ, ତେଣୁ ଯଦି ସେମାନଙ୍କର ଖଟ ଭୂମିଠାରୁ ଟିକିଏ ଅଧିକ ଉଚ୍ଚରେ ରଖିବେ ଏହାଦ୍ୱାରା ସେମାନେ ନିଜ ବେଡକୁ ଗରମ ରଖିପାରିବେ । ସେହି ସମୟରେ ଘରଗୁଡ଼ିକରେ ଯଥେଷ୍ଟ ବାୟୁ ଚଳାଚଳ କରୁଥିଲା ତେଣୁ କବାଟ ତଳେ ମଧ୍ୟ ପବନ ଚଳାଚଳ ହୋଇଥାଏ, ଯାହା ସିଧାସଳଖ ଚଟାଣରେ ଶୋଇଥିବା ଲୋକଙ୍କ ନିକଟରେ ପହଞ୍ଚିଥାଏ ।
ସେତେବେଳେ ରୁମଗୁଡ଼ିକରେ ହିଟର କିମ୍ବା ଉତ୍ତାପର ମଧ୍ୟ କୌଣସି ସୁବିଧା ନଥିଲା । ସେଥିପାଇଁ ନିଜକୁ ଗରମ ରଖିବା ପାଇଁ ଲୋକମାନଙ୍କୁ ଅନ୍ୟ ସବୁ ଉପାୟ ଖୋଜିବାକୁ ପଡିଥିଲା । ତେଣୁ ଚଟାଣରେ ଶୋଇବା ପରିବର୍ତ୍ତେ ଲୋକମାନେ ଚଟାଣଠାରୁ କିଛି ଉପରେ ଅର୍ଥାତ ଖଟରେ ଶୋଇବା ଆରମ୍ଭ କରିଲେ ଏବଂ ଖଟର ଡିଜାଇନ ମଧ୍ୟ ସେହିଭଳି କରାଗଲା । ଯାହାଫଳରେ ଲୋକମାନେ ନିଜର ତାପମାତ୍ରାକୁ ସ୍ୱାଭାବିକ ରଖିପାରିବେ । ଏହା ବ୍ୟତୀତ, ଶଯ୍ୟାକୁ ଚଟାଣରୁ ଟିକିଏ ରଖିବା ଦ୍ୱାରା ଏହାକୁ ସଫା ମଧ୍ୟ ରଖାଯାଇପାରିବ କାରଣ ଯଦି ଭୂମିରେ ଖଟ ରହେ, ତେବେ ଧୂଳି କିମ୍ବା ମଇଳା ଭୂମିରୁ ଉଡି ଯାଇ ଶଯ୍ୟାକୁ ଆସିପାରେ ।
ସବୁଠାରୁ ବଡ କାରଣ ହେଲା ଭୂମିରେ ଶୋଇବା ଦ୍ୱାରା କୀଟ, ସାପ ଏବଂ ବିଛା ଆସିବାର ଆଶଙ୍କା ବଢିଯାଇଥାଏ । ସେମାନେ ସହଜରେ ମଣିଷ ଉପରେ ଚଢି ସେମାନଙ୍କୁ ଆକ୍ରମଣ କରିପାରନ୍ତି । ଖଟ ଭୂମିରୁ ଟିକିଏ ଅଧିକ ଉଚ୍ଚରେ ଥିବାରୁ ଏହି ଜିନିଷଗୁଡିକୁ ମଧ୍ୟ ଏଡାଇ ଦିଆଯାଇପାରେ । ଅନ୍ୟ ଏକ କାରଣ ହେଉଛି ଖଟ ଭୂମିଠାରୁ ଉପରେ ଥିବାରୁ ରୁମରେ ବାୟୁ ପ୍ରବାହ ମଧ୍ୟ ଭଲ ହୋଇପାରେ । ଆଜିକାଲି, ରୁମରେ ଫ୍ୟାନ ଚାଲିବା ଦ୍ୱାରା ବାୟୁ ଚଳାଚଳ ହୋଇ ଭଲ ଭାବରେ ଉପରକୁ ଆସେ ଯାହାଦ୍ୱାରା ଶୋଇଥିବା ବ୍ୟକ୍ତିଙ୍କୁ ପବନ ଆସିଥାଏ । ଅନେକ ଲୋକ ଖଟ ତଳେ ସେମାନଙ୍କର ଜିନିଷ ମଧ୍ୟ ରଖନ୍ତି ।
