ଜାଣନ୍ତୁ କାହିଁକି ସମଗ୍ର ସହର ଗୋଟିଏ କୋଠାରେ ସ୍ଥାପିତ ହେଲା, ସେଠାରେ ଲୋକମାନେ କିପରି ଜୀବନଯାପନ କରନ୍ତି ?
ଏପରି ଏକ ଆଶ୍ଚର୍ଯ୍ୟଜନକ ସହର ଆମେରିକାର ଆଲାସ୍କା ରାଜ୍ୟରେ ଅବସ୍ଥିତ ଅଛି, ଯାହା ୱିଟିୟର ସିଟି ନାମରେ ପ୍ରସିଦ୍ଧ ହୋଇଥାଏ । ଆପଣ ଜାଣିଲେ ଆଶ୍ଚର୍ଯ୍ୟ ହୋଇଯିବେ ଯେ ଏହି ସମଗ୍ର ରାଜ୍ୟର ଜନସଂଖ୍ୟା କେବଳ ଗୋଟିଏ କୋଠା ଭିତରେ ରୁହନ୍ତି ।
ଆପଣମାନେ ତ ଜାଣିଥିବେ ଯେ ଆମ ଦୁନିଆ ଆଶ୍ଚର୍ଯ୍ୟଜନକ ଜିନିଷରେ ପରିପୂର୍ଣ୍ଣ ହୋଇଛି । ତେବେ ଏପରି ଏକ ଆଶ୍ଚର୍ଯ୍ୟଜନକ ସହର ଆମେରିକାର ଆଲାସ୍କା ରାଜ୍ୟରେ ଅବସ୍ଥିତ ଅଛି, ଯାହା ୱିଟିୟର ସିଟି ନାମରେ ପ୍ରସିଦ୍ଧ ହୋଇଥାଏ । ଆପଣ ଜାଣିଲେ ଆଶ୍ଚର୍ଯ୍ୟ ହୋଇଯିବେ ଯେ ଏହି ସମଗ୍ର ରାଜ୍ୟର ଜନସଂଖ୍ୟା କେବଳ ଗୋଟିଏ କୋଠା ଭିତରେ ରୁହନ୍ତି । ବିଶେଷ କଥା ହେଉଛି ସହରର ଲୋକମାନେ ବିଲଡିଂରୁ ବାହାରକୁ ଆସିବା ଆବଶ୍ୟକ କରନ୍ତି ନାହିଁ କାରଣ ସାଧାରଣ ଦୋକାନରୁ ସ୍କୁଲ ଏବଂ ପୋଲିସ ଷ୍ଟେସନ ପର୍ଯ୍ୟନ୍ତ ସମସ୍ତ ସୁବିଧା ଉପଲବ୍ଧ ରହିଛି । ସେହି ବିଲଡିଂରେ ରହୁଥିବା ଲୋକମାନେ ସହରର ପ୍ରତ୍ୟେକ ବ୍ୟକ୍ତିଙ୍କୁ ଭଲ ଭାବରେ ଜାଣନ୍ତି ।
ବେଗିଚ୍ ଟାୱାରରେ ୧୪ ମହଲା ରହିଛି :
ବର୍ତ୍ତମାନ ଆପଣ ନିଶ୍ଚିତ ଭାବରେ ଭାବୁଥିବେ ଯେ ଗୋଟିଏ କୋଠା ଭିତରେ ସମଗ୍ର ସହରକୁ ରଖିବା ପାଇଁ ଏକ କୋଠା କେତେ ବଡ ହୋଇଥିବ । ବାସ୍ତବରେ ଏହା ବେଗିଚ୍ ଟାୱାର ନାମକ ଏକ ୧୪ ମହଲା କୋଠା ରହିଛି । ଏଥିରେ ପ୍ରାୟ ୨୦୦ ପରିବାର ବାସ କରନ୍ତି । ଆଲାସ୍କାର ଏହି ଅଞ୍ଚଳରେ ପାଣିପାଗ ପ୍ରାୟତଃ ଖରାପ ହୋଇଥାଏ । ସେଠାରେ ବେଳେବେଳେ ୩୦୦ଏବଂ ବେଳେବେଳେ ୪୦୦ ଇଞ୍ଚ ପର୍ଯ୍ୟନ୍ତ ବର୍ଫ ପଡିଥାଏ । ଥଣ୍ଡା ସ୍ଥାନ ହେତୁ ଥଣ୍ଡା ପବନ ମଧ୍ୟ ଘଣ୍ଟା ପ୍ରତି ୬୦ ମାଇଲ ବେଗରେ ପ୍ରବାହିତ ହୋଇଥାଏ । ତେବେ ଏହି କାରଣରୁ ଲୋକମାନେ ବିଲଡିଂରୁ କମ୍ ବାହାରକୁ ଯିବାକୁ ପସନ୍ଦ କରନ୍ତି ।
ସେହି ସହରରେ ପହଞ୍ଚିବା ପାଇଁ କୌଣସି ସିଧା ଏବଂ ସହଜ ରାସ୍ତା ନାହିଁ :
ୱିଟିୟର ସିଟିର ଅଧିକାଂଶ ଲୋକ ଘରଠାରୁ ଅଳ୍ପ ଦୂରରେ ଅବସ୍ଥିତ ବନ୍ଦରରେ କାମ କରନ୍ତି । ବାସ୍ତବରେ ଏହି ସହର ସପିଗିଂ ବିଜ୍ନେସ୍ ପାଇଁ ବହୁଳ ଭାବେ ଜଣାଶୁଣା । ତେବେ କୁହାଯାଏ ଏହି ସହରକୁ ଯିବା ପାଇଁ କୌଣସି ସିଧା ଏବଂ ସହଜ ରାସ୍ତା ନାହିଁ । ଏହି ସହରରେ ପହଞ୍ଚିବା ପାଇଁ ଅନେକ ବୁଲୁଥିବା ରାସ୍ତା ଏବଂ ଟନେଲ ଦେଇ ଯିବାକୁ ପଡିଥାଏ । ଏହି କାରଣରୁ ଏଠାରେ ଲୋକମାନେ ସମୁଦ୍ର ମାର୍ଗକୁ ଅଧିକ ବ୍ୟବହାର କରନ୍ତି । କମ୍ ଜନସଂଖ୍ୟା ହେତୁ ସହରର ଲୋକମାନେ ପରସ୍ପରକୁ ଭଲଭାବେ ଜାଣନ୍ତି ଏବଂ ଚିହ୍ନନ୍ତି । ପିଲାମାନଙ୍କୁ ଅଧ୍ୟୟନ ପାଇଁ ମଧ୍ୟ ବାହାରକୁ ଯିବାକୁ ପଡିବ ନାହିଁ । ବିଲଡିଂରେ ୱିଟିଅର୍ ସ୍କୁଲ୍ ରହିଛି, ଯେଉଁଠାରେ ଛାତ୍ରମାନେ ଏକ ଟନେଲ୍ ସାହାଯ୍ୟରେ ଅଧ୍ୟୟନ କରିବାକୁ ପହଞ୍ଚନ୍ତି । ଏହା ଭିତରେ ଏକ ସରକାରୀ କାର୍ଯ୍ୟାଳୟ ଅଛି ଏବଂ ଏଠାରେ ଥିବା ଲୋକମାନେ ଅଫିସିଆଲ ଡ୍ରେସ୍ ନ ପିନ୍ଧି ସାଧାରଣ ଡ୍ରେସ୍ ପିନ୍ଧି ଅଫିସକୁ ଯାଆନ୍ତି ।
ଦ୍ୱିତୀୟ ବିଶ୍ୱଯୁଦ୍ଧ ସମୟରେ ସେନା ବ୍ୟାରେକ ସେଠାରେ ଥିଲା :
ବେଗିଚ୍ ଟାୱାର ସମସ୍ତ ପ୍ରକାରର ସୁବିଧା ସହିତ ସଜାହୋଇଥାଏ । ଯେପରି ବିଦ୍ୟାଳୟ, ଡାକ୍ତରଖାନା, ଚର୍ଚ୍ଚ, ସାଧାରଣ ଦୋକାନ, ଫିଟନେସ୍ ସେଣ୍ଟର, କଫି ଦୋକାନ ପରି ସମସ୍ତ ଦରକାରି ଜିନିଷ ଏଥିରେ ଉପଲବ୍ଧ ରହିଥାଏ । ଯଦି ଏଠାରେ କୌଣସି ଅପରାଧ ହୋଇଯାଏ, ତେବେ ବିଲଡିଂ ଭିତରେ ନିଜର ଏକ ପୋଲିସ୍ ଷ୍ଟେସନ୍ ରହିଛି, ଯେଉଁଠାରେ ଲୋକମାନେ ଅଭିଯୋଗ କରିପାରିବେ । ବେଗିଚ୍ ଟାୱାର ୧୯୫୬ ରେ ନିର୍ମିତ ହୋଇଥିଲା । ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଏହା ଏକ ସେନା ବ୍ୟାରେକ ଥିଲା, ତେଣୁ ଏଠାରେ ସମସ୍ତ ସୁବିଧା ଉପଲବ୍ଧ ରହିଛି । କିନ୍ତୁ ଯେତେବେଳେ ଯୁଦ୍ଧ ସମାପ୍ତ ହେଲା, ଲୋକମାନେ ଧୀରେ ଧୀରେ ଏଠାରେ ବସବାସ କରିବାକୁ ଲାଗିଲେ ।
