ବିବାହ ବନ୍ଧନରେ ଆବଦ୍ଧ ହେଲେ ତୁଷାର ଦେଶପାଣ୍ଡେ, ପିଲାଦିନର ବନ୍ଧୁଙ୍କୁ କଲେ ଜୀବନସାଥି
ଚେନ୍ନାଇ ସୁପରକିଙ୍ଗସର ଖେଳାଳି ତୁଷାର ଦେଶପାଣ୍ଡେ ପ୍ରେମିକା ତଥା ବନ୍ଧୁ ନଭା ଗଦ୍ଦମବାରଙ୍କୁ ବିବାହ କରିଛନ୍ତି । ସୋସିଆଲ ମିଡିଆରେ ଫଟୋ ସେୟାର କରିଛନ୍ତି ।
ଚେନ୍ନାଇ ସୁପରକିଙ୍ଗସର ଖେଳାଳି ତୁଷାର ଦେଶପାଣ୍ଡେ ବିବାହ ବନ୍ଧନରେ ଆବଦ୍ଧ ହୋଇଛନ୍ତି । ତୁଷାର ଦେଶପାଣ୍ଡେ ନିଜ ପ୍ରେମିକା ଏବଂ ପିଲାଦିନର ବନ୍ଧୁ ନଭା ଗଦ୍ଦମବାରଙ୍କୁ ବିବାହ କରିଛନ୍ତି ।
ତୁଷାରଙ୍କ ବିବାହର ଫଟୋ ଶିବମ ଦୁବେ ଇନଷ୍ଟାଗ୍ରାମରେ ସେୟାର କରିଛନ୍ତି । ଋତୁରାଜଙ୍କ ବିବାହ ପରେ ତୁଷାର ବିବାହ କରିଛନ୍ତି ।
ପୂର୍ବରୁ ତୁଷାର ନିଜର ନିର୍ବନ୍ଧ ଫଟୋ ସୋସିଆଲ ମିଡିଆରେ ସେୟାର କରିଥିଲେ । ତୁଷାର ସ୍କୁଲ କ୍ରସ ନାଭାଙ୍କୁ ବିବାହ କରିବା ପରେ ବହୁତ ଖୁସି ରହିଛନ୍ତି ତୁଷାର ।
Wishing Tushar Deshpande and Nabha Gaddamwar a happy married life❤️
📷: Tushar Deshpande#TusharDeshpande #IndianCricket #CSK pic.twitter.com/sAiNviybWb
— CricTracker (@Cricketracker) June 13, 2023
ଆଇପିଏଲ୍ ସମୟରେ ତୁଷାରଙ୍କୁ ସପୋର୍ଟ କରିବା ପାଇଁ ନାଭା ଖେଳ ଦେଖିବାକୁ ଆସିଥିଲେ । ନାଭା ଜଣେ ଚିତ୍ରକର ଏବଂ ଗିଫ୍ଟ ଡିଜାଇନ କରନ୍ତି ।
୨୦୨୦ରେ ତୁଷାର ଆଇପିଏଲ କ୍ୟାରଅର ଆରମ୍ଭ କରିଥିଲେ । ଚଳିତବର୍ଷ ଆଇପିଏଲରେ ତୁଷାର ୧୬ ମ୍ୟାଚ ଖେଳିଥିବା ବେଳେ ୨୬.୮୬ ପ୍ରତିଶତରେ ୨୧ଟି ୱିକେଟ ନେଇଛନ୍ତି । ଚଳିତ ସିଜିନରେ ଚେନ୍ନାଇର ସବୁଠାରୁ ସଫଳ ବୋଲର ରହିଥିଲେ ତୁଷାର ।
ନିକଟରେ ଚେନ୍ନାଇ ସୁପରକିଙ୍ଗସର ଷ୍ଟାର ବ୍ୟାଟର ଋତୁରାଜ ଗାୟକୱାଡ ବିବାହ ବନ୍ଧନରେ ଆବଦ୍ଧ ହୋଇଥିଲେ । ମହାରାଷ୍ଟ୍ରର ମହାବଳେଶ୍ୱର ଠାରୁ ଦୁହେଁ ଶନିବାର ଦିନ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଋତୁରାଜଙ୍କ ଦେବଦତ୍ତ ପାଡିକ୍କିଲ ଏବଂ ରଜତ ପାଟିଦାର ପ୍ରମୁଖ ଶୁଭେଚ୍ଛା ଜଣାଇଥିଲେ ।
ଋତୁରାତ ଆଇପିଏଲ୍ ୨୦୨୩ରେ ଚେନ୍ନାଇ ସୁପରକିଙ୍ଗସ ପାଇଁ ଭଲ ପ୍ରଦର୍ଶନ କରିଥିଲେ । ସେ ୧୬ଟି ମ୍ୟାଚରେ ୫୯୦ ରନ୍ କରିଛନ୍ତି । ଏହି ସିଜିନରେ ଋତୁରାଜଙ୍କ ସର୍ବଶ୍ରେଷ୍ଠ ସ୍କୋର ୯୨ ରନ୍ ଥିଲା । ଋତୁରାଜଙ୍କୁ ଚେନ୍ନାଇ ରିଟେନ କରିଥିଲା । ତାଙ୍କୁ ୬ କୋଟିରେ କିଣିଥିଲା ସିଏସକେ । ସେ ଟିମ୍ ଇଣ୍ଡିଆ ପାଇଁ ୯ଟି-୨୦ ମ୍ୟାଚ ଖେଳିଛନ୍ତି ।
ଉତ୍କର୍ଷା ମହାରାଷ୍ଟ୍ରରେ ଘରୋଇ ମ୍ୟାଚ୍ ଖେଳନ୍ତି । ସେ ଜଣେ ଅଲରାଉଣ୍ଡର ଖେଳାଳି ।