‘ୟର୍କର କିଙ୍ଗ’ ନଟରାଜନଙ୍କୁ ଏମିତି ସ୍ବାଗତ କଲା ପୁରା ଗାଁ, ଦେଖନ୍ତୁ ଭିଡିଓ
ଅଷ୍ଟ୍ରେଲିଆକୁ ନିଜ ମାଟିରେ ହରାଇ ଟୁର ସାରି ଫେରିଛି ଟିମ୍ ଇଣ୍ଡିଆ । ସମସ୍ତ ଖେଳାଳି ନିଜ ଘରକୁଫେରିଛନ୍ତି। ଏଥିପାଇଁ ସମସ୍ତଙ୍କୁ ନିଜ ନିଜ ସହର, ଗାଁରେ ବିପୁଳ ମାତ୍ରାରେ ସ୍ବାଗତ କରାଯାଇଛି। ସେହିପରି ତାମିଲନାଡୁ ସଲେମ ଗାଁରେ ପହଁଚିଛନ୍ତି କ୍ରିକେଟର ଟି ନଟରାଜନ । ନିଜ ଜନ୍ମମାଟିରେ ପହଁଚିବା ପୂର୍ବରୁ ଅପେକ୍ଷା କରି ରହିଥିଲା ପୂରା ଜିଲ୍ଲା । ତାଙ୍କୁ ପାଛୋଟି ନେବାପାଇଁ ହୋଇଥିଲା ବିରାଟ ଆୟୋଜନ । ପାଖାପାଖି ୫ ହଜାର ଲୋକ ନଟରାଜନଙ୍କୁ ସ୍ୱାଗତ କରିଥିଲେ । ଫୁଲ ତୋଡା ସହ ନଟରାଜନ ଧ୍ୱନିରେ କମ୍ପି ଉଠିଥିଲା ପରିବେଶ । ଏକ ଛୋଟ ଗାଁରୁ ବିଦେଶରେ କ୍ରିକେଟ ଖେଳିବାର ସୁଯୋଗ ମିଳିଥିଲା । ନଟରାଜନଙ୍କୁ ସ୍ବାଗତ କରିବା ପାଇଁ ଏକ ଘୋଡା ରଥକୁ ଫୁଲରେ ସଜାଯାଇ ଦୁଇ କିଲୋମିଟର ପର୍ଯ୍ଯନ୍ତ ଶୋଭାଯାତ୍ରା ଯାଇଥିଲା। ଯାହା ଏବେ ସୋସିଆଲ ମିଡିଆରେ ଭାଇରଲ ହେଉଛି।
View this post on Instagram
ଅଷ୍ଟ୍ରେଲିଆ ସିରିଜିରେ ଓ୍ଵାନ ଡେ, ଟି ୨୦ ଓ ଟେଷ୍ଟରେ ଡେବ୍ୟୁ କରିଥିଲେ । ତିନିଟି ଫର୍ମାଟରେ ଡେବ୍ୟୁ କରିବାରେ ନଟରାଜନ ରେକର୍ଡ କରିଛନ୍ତି । ନିଜ ଗାଁରେ ପହଁଚିବା ପରେ ସ୍ଥାନୀୟ ସ୍ୱାସ୍ଥ୍ୟ ଅଧିକାରୀ କ୍ୱାରେଣ୍ଟାଇନରେ ରହିବାକୁ କହିଛନ୍ତି । ସେ ୭ ଦିନ ଯାଏ ହୋମ କ୍ୱାରେଣ୍ଟାଇନରେ ରହିବେ । ଟିମ୍ ଇଣ୍ଡିଆର ସ୍କ୍ଵାଡରେ ନଟରାଜନ ସ୍ଥାନ ପାଇବା ପରେ ତାଙ୍କୁ ନେଇ ଅନେକ ଚର୍ଚ୍ଚା ହୋଇଥିଲା । ଏକ ଗରିବ ପରିବାରରୁ ଅର୍ନ୍ତଜାତୀୟ କ୍ରିକେଟ ଖେଳିବା ପର୍ଯ୍ୟନ୍ତ ସଂଘର୍ଷକୁ ନେଇ ସେ ବେଶ ଚର୍ଚ୍ଚାରେ ଥିଲେ । କିଛି ଦିନ ପୂର୍ବରୁ ନଟରାଜନ ବାପା ହେବାର ସୌଭାଗ୍ଯ ପାଇଥିଲେ। ତାଙ୍କ ପତ୍ନୀ ଜଣେ କନ୍ଯା ସନ୍ତାନକୁ ଜନ୍ମ ଦେଇଥିଲେ।
