ଦୀର୍ଘ ୨୩ ବର୍ଷ ପରେ ଶ୍ରୀଲଙ୍କା ଠାରୁ ପ୍ରତିଶୋଧ ନେଲା ଭାରତ, ତୃତୀୟ ଦିନିକିଆ ଜିତି କ୍ଲିନ୍ ସୁଇପ କଲା ସିରିଜ୍
ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ୩ଟି ମ୍ୟାଚ୍ ବିଶିଷ୍ଟ ଦିନିକିଆ ସିରିଜକୁ କ୍ଲିନ୍ ସୁଇପ୍ କରିଛି ଭାରତ । ଶ୍ରୀଲଙ୍କା ବିପକ୍ଷ ସିରିଜକୁ ୩-୦ରେ ବାଜିମାରିନେଇଛି ଟିମ୍ ଇଣ୍ଡିଆ । ୩୯୦ ରନର ବିଶାଳ ଲକ୍ଷ୍ୟକୁ ପିଛା କରି ଶ୍ରୀଲଙ୍କା ମାତ୍ର ୭୩ ରନରେ ଅଲ୍ଆଉଟ୍ ହୋଇଯାଇଥିଲା । ଟସ୍ ଜିତି ରୋହିତ ଶର୍ମା ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ । ଭାରତ ନିର୍ଦ୍ଧାରିତ ୫୦ ଓଭରରେ ୫ ୱିକେଟ ହରାଇ ୩୯୦ ରନ୍ କରିଥିଲା। ଏହି ଲକ୍ଷ୍ୟକୁ ପିଛା କରି ଶ୍ରୀଲଙ୍କା ମାତ୍ର ୭୩ ରନ୍ କରି ଅଲଆଉଟ୍ ହୋଇଥିଲା ।
ଭାରତର ୩୯୦ ରନ୍ ଜବାବରେ ଶ୍ରୀଲଙ୍କା ମାତ୍ର ୭୩ ରନରେ ସୀମିତ ରହିବାରୁ ରୋହିତ ଶର୍ମାଙ୍କ ଦଳ ମଧ୍ୟ ୩୧୭ ରନର ସର୍ବବୃହତ ଦିନିକିଆ ବିଜୟର କୀର୍ତ୍ତିମାନ ପ୍ରତିଷ୍ଠା କରିଛି। ଯାହା ଦୀର୍ଘ ୨୩ ବର୍ଷର ପ୍ରତିଶୋଧ ନେଇଛି ଭାରତ । ପୂର୍ବରୁ ୩୦୦ରୁ ଅଧିକ ରନ୍ ବ୍ୟବଧାନରେ କୌଣସି ଦଳ ଦିନିକିଆ ଅନ୍ତର୍ଜାତୀୟ ମ୍ୟାଚ୍ ଜିତିନଥିଲେ।
It was an absolutely dominating performance from #TeamIndia against Sri Lanka. An amazing showcase of talent and hard work, as we win two series in two weeks. Best wishes to the entire team, and kudos to @imVkohli @ShubmanGill for their performances! @BCCI pic.twitter.com/efJDHw9boJ
— Jay Shah (@JayShah) January 15, 2023
ଭାରତ ପକ୍ଷରୁ ମହମ୍ମଦ ସିରାଜ ସର୍ବାଧିକ ୪ ୱିକେଟ ନେଇଥିବା ବେଳେ ମହମ୍ମଦ ସାମି ଓ କୁଲଦୀପ୍ ଯାଦବ ୨ଟି ଲେଖାଏଁ ୱିକେଟ ନେଇଥିଲେ। ଶ୍ରୀଲଙ୍କା ବ୍ୟାଟ୍ସ ମ୍ୟାନ୍ ମାତ୍ର ୨୨ ଓଭର ପର୍ଯ୍ୟନ୍ତ କ୍ରିଜ୍ରେ ତିଷ୍ଠି ପାରିଥିଲେ।
ଭାରତ ଦେଇଥିବା ୩୯୧ ରନର ବିଶାଳ ଲକ୍ଷ୍ୟକୁ ପିଛା କରିବାକୁ ଓହ୍ଲାଇଥିବା ଶ୍ରୀଲଙ୍କା ଟିମ୍ ମାତ୍ର ୭୩ ରନ୍ କରିବାରେ ସକ୍ଷମ ହୋଇଥିଲା । ଶ୍ରୀଲଙ୍କା ପକ୍ଷରୁ ଅଭିଷ୍କା ଫର୍ଣ୍ଣାଣ୍ଡୋ ୧ ରନ୍, ନୁୱାନିଦୁ ଫର୍ଣ୍ଣାଣ୍ଡୋ ୧୯, କୁଶଲ ମେଣ୍ଡିସ୍ ୪ ରନ୍, ଚରିତ ଅସଲଙ୍କା ୧ ରନ୍, ଦାଶୁନ ଶାଣକା ୧୧ ରନ୍ ୱାନିନ୍ଦୁ ହସରଙ୍ଗା ୧ ରନ୍, ଚମିକା କରୁଣାରତ୍ନେ ୧ ରନ୍, ଦୁନିଥ ୱେଲାଲାଗେ ୩ ରନ୍, କସୁନ ରଜିତା ଅପରାଜିତ ୧୩ ରନ୍, ଲହିରୁ କୁମାରା ୯ ରନ୍ କରିଥିଲେ।
ଏହି ମ୍ୟାଚରେ ମ୍ୟାନ୍ ଇନ୍ ଫର୍ମ ବିରାଟ କୋହଲି ପ୍ଲେୟାର ଅଫ୍ ଦ ମ୍ୟାଚ୍ ଓ ପ୍ଲେୟାର ଅଫ୍ ଦ ସିରିଜ୍ ଦୁଇଟି ଯାକ ଟାଇଟଲ ହାତେଇ ଥିଲେ। ସେ ତୃତୀୟ ଦିନିକିଆରେ ୧୬୬ ରନ କରିଥିବା ବେଳେ ପୂରା ସିରିଜରେ ମୋଟ ୨୮୩ ରନ୍ କରିଛନ୍ତି।
