ସାବାସ୍ ଟିମ ଇଣ୍ଡିଆ : ପଡ଼ିଆ ଭିତରେ ଏମିତି କିଛି କଲା ଗର୍ବ ଗୌରବରେ ମଥା ଉଚ୍ଚା ହୋଇଗଲା
ପୁଲୱାମା ଆକ୍ରମଣରେ ସହିଦ ପରିବାରଙ୍କୁ ସମ୍ମାନ ଜଣାଇବାକୁ ଯାଇ ସାରା ଦେଶର ନାଗରିକ ଯେପରି ନିଜ ନିଜ ତରିକାରେ ପ୍ରୟାସ କରି ଆର୍ଥିକ ସହାୟତା ଯୋଗାଇ ଦେଛନ୍ତି । ଯାହା ବିଶ୍ବ ସମୁଦାୟଠାରୁ ଭାରି ପ୍ରଶଂସା ସାଉଣ୍ଟିବାରେ ଲାଗିଛି । ଏଥିରେ ସାମିଲ ହୋଇଛନ୍ତି ଭାରତୀୟ କ୍ରିକେଟ ଖେଳାଳିମାନେ । ଆଜି ରାଞ୍ଚିରେ ଅନୁଷ୍ଠିତ ତୃତୀୟ ଦିନିକିଆରେ ଅଷ୍ଟ୍ରେଲିଆ ସହ ଖେଳିବା ବେଳେ ଖେଳାଳିଙ୍କ ମଥାରେ ଥିଲା ସେନା କ୍ୟାପ୍ । ସେମାନେ ସେନା କ୍ୟାପ୍ ପିନ୍ଧି ମଇଦାନକୁ ଓହ୍ଲାଇଛନ୍ତି । ଆଉ ସହିଦ ଯବାନଙ୍କ ପରିବାରକୁ ଆଜି ଦିନର ମ୍ୟାଚ୍ ଫି ଦାନ କରିବାକୁ ଘୋଷଣା କରିଛନ୍ତି ।
କ୍ରିକେଟ ଇତିହାସରେ ପ୍ରଥମଥର ଭାରତୀୟ ଖେଳାଳିମାନେ ଏପରି ଏକ ନୂଆ ପ୍ରୟାସ କରି ସାରା ବିଶ୍ବରେ ଉଦାହାରଣ ସୃଷ୍ଟି କରିଛନ୍ତି । ଏଥିପାଇଁ ବିଶ୍ୱର ସବୁ ମହଲରୁ ଛୁଟୁଛି ପ୍ରଶଂସାର ସୁଅ । ମହେନ୍ଦ୍ର ସିଂହ ଧୋନୀଙ୍କ ହୋମ ଗ୍ରାଉଣ୍ଡ ରାଞ୍ଚିରେ ଆୟୋଜନ ହେଇଥିବା ଏହି ମ୍ୟାଚ୍ରେ ପ୍ରଥମେ ଫିଲହିଂ କରିବା ପାଇଁ ଯେତେବେଳେ ଟିମ୍ ଇଣ୍ଡିଆ ପଡ଼ିଆକୁ ଓହ୍ଲାଇଥିଲା ସେତେବେଳେ ଦୃଶ୍ୟ କିଛି ଅଲଗା ଥିଲା । ଟସ୍ ପଡିବା ପୂର୍ବରୁ ଧୋନୀ ପ୍ରତ୍ୟକ ଖେଳାଳିଙ୍କୁ ଗୋଟିଏ ଲେଖାଏଁ ଭାରତୀୟ ସେନାର କ୍ୟାପ୍ ଭେଟି ଦେଇଥିଲେ । ଟସ୍ ସମୟରେ ପ୍ରଶାସକ ସମିତି (ସିଓଏ)ର ସଦସ୍ୟ ଓ ଭାରତୀୟ ମହିଳା କ୍ରିକେଟ ଟିମ୍ର ପୂର୍ବତନ ଖେଳାଳି ଡାଏନା ଏଡୁଲଜି ମହିଳା ଦିବସ ଅବସରରେ ମ୍ୟାଚ୍ ରେଫରିଙ୍କୁ କଏନ ଦେଇଥିଲେ ।
ଭାରତୀୟ ଟିମ ଏହି ମଞ୍ଚରୁ ସେନାର ସମ୍ମାନ ପାଇଁ ସେନା କ୍ୟାପ ପିନ୍ଧି ପଡିଆକୁ ଓହ୍ଲାଇଥିଲା । ଅଷ୍ଟ୍ରେଲିଆର ପିଙ୍କ୍ ଟେଷ୍ଟ ଓ ଦକ୍ଷିଣ ଆଫ୍ରିକାର ପିଙ୍କ୍ ବନେଡ ଭଳି ବିସିସିଆଇ ଏକ ନୂଆ କ୍ୟାମ୍ପେନ ଆରମ୍ଭ କରିଛି ଯେ ପ୍ରତି ବର୍ଷ ଏକ ମ୍ୟାଚରେ ଭାରତୀୟ କ୍ରିକେଟ ଖେଳାଳିମାନେ ଏଭଳି ସେନା କ୍ୟାପ୍ ପିନ୍ଧି ଗ୍ରାଉଣ୍ଡକୁ ଓହ୍ଲାଇବ । ଏହି ପ୍ରୟାସ ପଛରେ ଡଦ୍ଦେଶ୍ୟ ହେଉଛି ସେନାଙ୍କୁ ସମ୍ମାନ ଓ ଦେଶ ପାଇଁ ପ୍ରାଣବଳି ଦେଇ ସହିଦ ହୋଇଥିବା ଯବାନଙ୍କ ପାଇଁ ଶ୍ରଦ୍ଧାଞ୍ଜଳି ପ୍ରଦାନ କରିବା ।
ସୂଚନା ଅନୁଯାୟୀ, ବି.ସି.ସିଆଇକୁ ଏହି ପରାମର୍ଶ ଦେଇଥିଲେ ମହେନ୍ଦ୍ର ସିଂହ ଧୋନୀ । ସବୁ ସିଜିନରେ ଭାରତ ମାଟିରେ ହେବାକୁ ଥିବା ଯେକୌଣସି ଗୋଟିଏ ମ୍ୟାଚ୍ରେ ଟିମ ଇଣ୍ଡିଆ ସେନା କ୍ୟାପ୍ ପିନ୍ଧି ଖେଳିବ । ଧୋନୀ ଓ କୋହଲି ନାଇକି ବ୍ରାଣ୍ଡ ସାଥିରେ ମିଶି ଏହା ଉପରେ ୬ ମାସ ହେଲା କାମ କରୁଥିଲେ ।
ଆଜି ଟସ୍ ପଡ଼ିବା ବେଳେ ଅଧିନାୟକ କୋହଲି କହିଥିଲେ କି, ଟିମ ଇଣ୍ଡିଆ ଏହି ମ୍ୟାଚ୍ର ସମସ୍ତ ପାରିଶ୍ରମିକ ଅର୍ଥ ପ୍ରତିରକ୍ଷା ପାଣ୍ଠିକୁ ଦାନ କରାଯିବ । ଯାହା ପୁଲୱାମାରେ ସହିଦ ହୋଇଥିବା ସିଆରପିଏଫ୍ ଯବାନ୍ ପରିବାରଙ୍କୁ ଦିଆଯିବ ।
ଦେଖନ୍ତୁ ଭିଡିଓ…
#TeamIndia will be sporting camouflage caps today as mark of tribute to the loss of lives in Pulwama terror attack and the armed forces
And to encourage countrymen to donate to the National Defence Fund for taking care of the education of the dependents of the martyrs #JaiHind pic.twitter.com/fvFxHG20vi
— BCCI (@BCCI) 8 March 2019
