ବେକାର ଗଲା ବିରାଟଙ୍କ ଶତକ, ବଟଲରଙ୍କ ଶତକରେ ରାଜସ୍ଥାନ ରୟାଲ୍ସ ହେଲା ବିଜୟୀ
ବେକାର ଗଲା ବିରାଟଙ୍କ ଶତକ । କୋହଲିଙ୍କ ଶତକକୁ ଫିକା କରିଦେଲେ ଇଂଲିସ୍ ବ୍ୟାଟର ଜୋସ ବଟଲର । ଆରସିବି ପକ୍ଷରୁ ଦିଆଯାଇଥିବା ୧୮୪ ରନର ଲକ୍ଷ୍ୟକୁ ପିଛା କରି ରାଜସ୍ଥାନ ରୟାଲର୍ସ ୫ ବଲ୍ ପୂର୍ବରୁ ମ୍ୟାଚ୍ ଜିତିନେଇଛି। ବଟଲର୍ ଛକା ମାରି ଶତକ ଅର୍ଜନ କରିବା ସହ ଦଳକୁ ଜିତାଇଥିଲେ।
ବେକାର ଗଲା ବିରାଟଙ୍କ ଶତକ । କୋହଲିଙ୍କ ଶତକକୁ ଫିକା କରିଦେଲେ ଇଂଲିସ୍ ବ୍ୟାଟର ଜୋସ ବଟଲର । ଆରସିବି ପକ୍ଷରୁ ଦିଆଯାଇଥିବା ୧୮୪ ରନର ଲକ୍ଷ୍ୟକୁ ପିଛା କରି ରାଜସ୍ଥାନ ରୟାଲର୍ସ ୫ ବଲ୍ ପୂର୍ବରୁ ମ୍ୟାଚ୍ ଜିତିନେଇଛି। ବଟଲର୍ ଛକା ମାରି ଶତକ ଅର୍ଜନ କରିବା ସହ ଦଳକୁ ଜିତାଇଥିଲେ। ଫଳରେ ରାଜସ୍ଥାନ ଲଗାତାର ୪ ମ୍ୟାଚ୍ ଜିତି ୮ ପଏଣ୍ଟ ସହ ଟେବୁଲ ଶୀର୍ଷକୁ ଉଠିଛି । ଆରସିବି ହ୍ୟାଟ୍ରିକ୍ ପରାଜୟ ପାଇ ଅଷ୍ଟମ ସ୍ଥାନରେ ସଂଘର୍ଷ ଜାରି ରଖିଛି ।
ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୨୦ ଓଭରରେ ୩ ୱିକେଟ ହରାଇ ୧୮୩ ରନ୍ ସ୍କୋର୍ କରିଥିଲା । ବେଙ୍ଗାଲୁରୁ ପକ୍ଷରୁ ବିରାଟ କୋହଲି ୧୧୩ ରନ୍ କରିଥିବାବେଳେ ଫାଫ୍ ଡୁ ଫ୍ଲାସିସ୍ ୪୪ ରନ୍ କରିଥିଲେ। ଏହାର ଜବାବରେ ରାଜସ୍ଥାନ ରୟାଲର୍ସ ୧୯.୧ ଓଭରରେ ୪ ୱିକେଟ ହରାଇ ୧୮୯ ରନ୍ କରି ମ୍ୟାଚ୍ ଜିତି ନେଇଛି । ରାଜସ୍ଥାନ ରୟାଲର୍ସ ପକ୍ଷରୁ ଜୋସ୍ ବଟଲର ଅପରାଜିତ ୧୦୦ ରନ୍ କରିଥିବାବେଳେ ସଞ୍ଜୁ ସାମସନ୍ ୬୯ ରନ୍ କରିଥିଲେ ।