RCB କୁ ପୁଣି ଝଟକା, ଦେବଦତ୍ତଙ୍କ ପରେ ଡାନିଏଲ ସାମ୍ସ କରୋନା ସଂକ୍ରମିତ
ଆଉ ଦିନକ ପରେ ଆରମ୍ଭ ହେବ ଆଇପିଏଲ ମହାକୁମ୍ଭ । ଟୁର୍ଣ୍ଣାମେଣ୍ଟ ଆରମ୍ଭ ପୂର୍ବରୁ RCB କୁ ଲାଗିଛି ବଡ଼ ଝଟକା । ଆରସିବିର ଷ୍ଟାର୍ ଖେଳାଳି ଦେବଦତ୍ତ ପାଡିକିଲ କରୋନା ପଜିଟିଭ ଚିହ୍ନଟ ପରେ ଡାନିଏଲ୍ ସାମ୍ସ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହାପରେ ତାଙ୍କୁ ଆଇସୋଲେସନରେ ରହିବାକୁ ନିର୍ଦ୍ଦେଶ ଦିଆଯାଇଛି । ହୋଟେଲରେ ପହଞ୍ଚିବା ପୂର୍ବରୁ ତାଙ୍କର କରୋନା ଟେଷ୍ଟ କରାଯାଇଥିଲା କିନ୍ତୁ ରିପୋର୍ଟ ନେଗେଟିଭ ଆସିଥିଲା।
ଆଇପିଏଲ୍ ଚଳିତ ସିଜିନ୍ ଆରମ୍ଭ ହେବା ପୂର୍ବରୁ ଭାରତରେ କରୋନା ସଂକ୍ରମଣ ସଂଖ୍ୟା ବଢିବାରେ ଲାଗିଛି । ତେବେ ଏସବୁ ଭିତରେ ଜଣେ ଖେଳାଳି କରୋନା ସଂକ୍ରମିତ ହେବା ଟିମ୍ ପାଇଁ ଚିନ୍ତାର ବିଷୟ ପାଲଟିଛି ।
Official Statement: Daniel Sams checked into the team hotel in Chennai on April 3rd, with a negative COVID report on arrival. His report from the 2nd test on 7th April came positive. Sams is currently asymptomatic and he is currently in isolation at a designated medical facility.
— Royal Challengers Bangalore (@RCBTweets) April 7, 2021
ସୂଚନାଯୋଗ୍ଯ, ଏପ୍ରିଲ ୯ ତାରିଖରୁ ଆରମ୍ଭ ହେବାକୁ ଯାଉଛି ଆଇପିଏଲ୍। ଆଇପିଏଲ ସିଜନ ୧୪ର ପ୍ରଥମ ମ୍ଯାଚ ମୁବାଇ ଏବଂ ବାଙ୍ଗାଲୋର ମଧ୍ୟରେ ଖେଳାଯିବ।