ଏମାନେ ହେଉଛନ୍ତି ଚଳିତ ବିଶ୍ବ କପର ୫ ଘାତକ ବୋଲର, ନାଁ ଶୁଣିବା ମାତ୍ରେ ଶୁଖିଯାଏ ବଡ଼ ବଡ଼ ବ୍ୟାଟ୍ସମ୍ୟାନଙ୍କ ଗଳା
ଆଉ ମାତ୍ର କିଛି ଦିନ ରହିଲା ବିଶ୍ବକପ୍ । ୱେଷ୍ଟଇଣ୍ଡିଜ୍ ଏବଂ ଆଫଗାନିସ୍ତାନକୁ ଛାଡି ବାକି ସବୁଦେଶ ନିଜ ଯୋଦ୍ଧାଙ୍କ ନାଁ ଘୋଷଣା କରିସାରିଲାଣି । ତେବେ ବିଶ୍ବବିଜେତା ହେବା ପାଇଁ କେବଳ ବ୍ୟାଟ୍ସମ୍ୟାନ ନୁହଁନ୍ତି ବୋଲରଙ୍କ ମଧ୍ୟ ସମାନ ଭୂମିକା ରହିଛି । ତେଣୁ ସମସ୍ତ ଦଳ ନିଜ ଟିମରେ ସାମିଲ୍ କରିଛନ୍ତି ଜବରଦସ୍ତ ବୋଲର । ତେବେ ଆସନ୍ତୁ ଜାଣିବା ୨୦୧୯ ବିଶ୍ବକପରେ ସ୍ଥାନ ପାଇଥିବା ୫ ବେଷ୍ଟ ବୋଲରଙ୍କ ବିଷୟରେ ।
ବୁମରାହ :
ଟିମ୍ ଇଣ୍ଡିଆର ଡେଥ୍ ଓଭର୍ସ ସ୍ପେଶାଲିଷ୍ଟ ବୋଲର୍ ଜସପ୍ରିତ୍ ବୁମରାହ ବିଶ୍ବର କୌଣସି ବ୍ୟାଟ୍ସମ୍ୟାନଙ୍କ ଆକ୍ରମଣକୁ କରିପାରିବେ ବିଧ୍ବସ୍ତ । ୧୪୦ ଘଂଟା ପ୍ରତି ବେଗରେ ବୋଲିଂ କରୁଥିବା ଏହି ଚାଲାକ୍ ବୋଲର୍ ଭାରତର ବିଶ୍ବକପ୍ ବିଜୟରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିପାରନ୍ତି ।
କୁଲଦୀପ ଯାଦବ :
ଏହି ମାମଲାରେ ପଛରେ ନାହାଁନ୍ତି ଟିମ୍ ଇଣ୍ଡିଆର ଚାଇନାମ୍ୟାନ୍ କୁଲଦୀପ ଯାଦବ । ଟିମ୍ ଇଣ୍ଡିଆର ସବୁଠାରୁ ପ୍ରମୁଖ ହତିୟାର୍ ହେଉଛି କୁଲଦୀପଙ୍କ ଆକ୍ରମଣାତ୍ମକ ବୋଲିଂ । କ୍ରିକେଟର ତିନିଟି ଯାକ ଫର୍ମାଟରେ ଅନେକ ପ୍ରଭାବିତ କରପାରିଛନ୍ତି କୁଲଦୀପ । ଇଂଲଣ୍ଡ ମାଟିରେ ନିଜ ହାତର କମାଲ ଦେଖାଇସାରିଛନ୍ତି କୁଲଦୀପ ।
କାଗିସୋ ରାବଡା :
ଡେନ୍ ଷ୍ଟେନ୍ ଯିବା ପରେ ଦକ୍ଷିଣ ଆଫ୍ରିକାକୁ କାଗିସୋ ରାବଡାଙ୍କ ରୂପରେ ମିଳିଛି ଜବରଦସ୍ତ ବୋଲର୍ । ଅଳ୍ପ ସମୟ ମଧ୍ୟରେ ଟିମକୁ ବହୁତ ଉପରକୁ ନେଇଯିବାରେ ସଫଳ ହୋଇଛନ୍ତି ରାବଡା । ବିଶ୍ବ କପ୍ ପୂର୍ବରୁ ରାବଡା ଇଣ୍ଡିଆନ୍ ଟି – ୨୦ ଲିଗରେ ଦିଲ୍ଲୀ କ୍ୟାପିଟାଲ୍ସ ତରଫରୁ ବୋଲିଂର କମାଣ ସମ୍ଭାଳୁଛନ୍ତି ।
ଟ୍ରେଟ୍ ବୋଲ୍ଟ :
ନ୍ୟୁଜିଲାଣ୍ଡର ଏହି ଘାତକ ବୋଲର ଇଣ୍ଡିଆନ୍ ଟି – ୨୦ ଲିଗରେ ଯଦିଓ ବେଶି କିଛି କରିପାରିନାହାଁନ୍ତି, କିନ୍ତୁ ଆଜି ବି ତାଙ୍କର ଆକ୍ରମଣାତ୍ମକ ବୋଲିଂ ଅନ୍ଦାଜରେ ବିଶ୍ବର ବଡ଼ ବଡ଼ ବ୍ୟାଟ୍ସମ୍ୟାନ୍ ଭୟ କରନ୍ତି । ବିଶ୍ବ କପ୍ ୨୦୧୯ରେ ଇଂଲଣ୍ଡ ପିଚରେ ବ୍ୟାଟ୍ସମ୍ୟାନଙ୍କ ବଡ଼ ଚ୍ୟାଲେଞ୍ଜ ହୋଇପାରନ୍ତି ବୋଲ୍ଟ ।
ହସନ ଅଲ୍ଲୀ :
ପାକିସ୍ତାନର ଘାତକ ବୋଲରଙ୍କ ଇତିହାସ ପୁରା ବିଶ୍ବ ଦେଖିଛି । ଚଳିତ ବିଶ୍ବ କପରେ ସେହିପରି ଟିମକୁ ବିଜୟ ସ୍ବାଦ ଚଖାଇବାକୁ ମୈଦାନ ଓହ୍ଲାଇଛି ଜଣେ ବୋଲର୍ । ଏହି ବୋଲରଙ୍କ ନାଁ ହେଉଛି ହସନ ଅଲ୍ଲୀ । କୌଣସି ବି ବ୍ୟାଟ୍ସମ୍ୟାନଙ୍କୁ ଧୂଳି ଚଟାଇପାରନ୍ତି ହସନ୍ ଅଲ୍ଲୀ ।
