ଚାମ୍ପିଅନ ହେବା ପରେ ପଡିଆରେ ‘କାଲା ଚଷମା’ ଗୀତରେ ଡ୍ୟାନ୍ସ କଲେ ଅଣ୍ଡର-୧୯ ଟିମ୍ ଖେଳାଳି, ଦେଖନ୍ତୁ ଭିଡିଓ
ଅଣ୍ଡର-୧୯ ବିଶ୍ୱକପ ଜିତିବା ପରେ ଭାରତୀୟ ମହିଳା କ୍ରିକେଟ ଟିମ୍ ଖୁସି ନ କହିଲେ ସରେ । ଟୁର୍ଣ୍ଣାମେଣ୍ଟର ଫାଇନାଲରେ ଭାରତ ଏବଂ ଇଂଲଣ୍ଡ ମଧ୍ୟରେ ମ୍ୟାଚ୍ ଖେଳାଯାଇଥିଲା । ଯାହାକୁ ଭାରତ ୭ ଓ୍ଵିକେଟରେ ଜିତିନେଇଥିଲା । ଇଂଲଣ୍ଡ ୧୭ ଓଭରରେ ୬୮ ରନରେ ଅଲଆଉଟ୍ ହୋଇଥିଲା । ତେବେ ବିଶ୍ୱକପ ଜିତିବା ପରେ ଭାରତୀୟ କ୍ରିକେଟ ଟିମ୍ ଅଲଗା ଅନ୍ଦାଜରେ ବିଜୟ ଉତ୍ସବ ପାଳନ କରିଥିଲା ।
ବିଶ୍ୱକପ ଜିତିବା ପରେ ଟିମ୍ ‘କାଲା ଚଷମା’ ଗୀତରେ ଡ୍ୟାନ୍ସ କରୁଥିବାର ନଜର ଆସିଥିଲେ । ଭିଡିଓରେ ଖେଳାଳି କାଲା ଚଷମା ଗୀତର ବିଟ୍ରେ ଜବରଦସ୍ତ ଡ୍ୟାନ୍ସ କରୁଛନ୍ତି । ଯାହାର ଭିଡିଓ ଆଇସିସି ଦ୍ୱାରା ସୋସିଆଲ ମିଡିଆରେ ସେୟାର ହୋଇଛି । ଏହି ଭିଡିଓକୁ ବେଶ୍ ପସନ୍ଦ କରାଯାଉଛି। ଏହି ଭିଡିଓକୁ ପାଖାପାଖି ୨.୫ ଲକ୍ଷ ଲୋକ ଲାଇକ୍ କରିସାରିଲେଣି । ଏହାକୁ ନେଇ ଅନେକ କମେଣ୍ଟ ମଧ୍ୟ କରୁଛନ୍ତି ।
View this post on Instagram
ତେବେ ଫାଇନାଲ ମ୍ୟାଚରେ ଭାରତୀୟ ଟିମ୍ ଭଲ ବୋଲିଂ, ବ୍ୟାଟିଂ ଏବଂ ଫିଲିଡିଂ କରିଥିଲା । ତିତସ ଦାସ ସାଧୁ ୨ଟି ଓ୍ଵିକେଟ, ଅର୍ଚ୍ଚନା ଦେବୀ ୨ଟି, ପାର୍ଶ୍ୱୀ ଚୋପ୍ରା ୨ଟି ଓ୍ଵିକେଟ ନେଇଥିଲେ । ସେହିଭଳି ମନ୍ନତ କଶ୍ୟପ ଏବଂ ଅଧିନାୟିକା ଶେଫାଳୀ ବର୍ମା ଗୋଟିଏ ଲେଖାଏଁ ଓ୍ଵିକେଟ ନେଇଥିବା ଜଣାପଡିଛି ।
ସୂଚନାଯୋଗ୍ୟ, ଅଣ୍ଡର-୧୯ ଟିମ୍ ବିଶ୍ୱକପ ଜିତିବା ପରେ ବିସିସିଆଇ ପକ୍ଷରୁ କୋଟି କୋଟି ଟଙ୍କାର ପୁରସ୍କାର ରାଶି ଦେବାକୁ ଘୋଷଣା କରାଯାଇଛି। ଜୟ ଶାହା ଟିମର ଖେଳାଳି ଏବଂ ସପୋର୍ଟ ଷ୍ଟାଫକୁ ୫ କୋଟି ଟଙ୍କା ଦେବାକୁ ଘୋଷଣା କରିଛନ୍ତି ।
Women’s Cricket in India is on the upswing and the World Cup triumph has taken the stature of women’s cricket several notches higher. I am delighted to announce INR 5 crore for the entire team and support staff as prize money. This is surely a path-breaking year.
— Jay Shah (@JayShah) January 29, 2023
