ରାଜନୀତି କରିବେ ନାହିଁ ଯୁବରାଜ, ସୋସିଆଲ ମିଡିଆରେ ଦେଲେ ସ୍ପଷ୍ଟୀକରଣ

ରାଜନୀତି ଲଢିବାକୁ ନେଇ ଚାଲିଥିବା ଚର୍ଚ୍ଚା ଉପରେ ବିରାମ ଲଗାଇଛନ୍ତି ଭାରତୀୟ କ୍ରିକେଟର ଲୋକପ୍ରିୟ ଅଲରାଉଣ୍ଡର ଯୁବରାଜ ସିଂ । କିଛିଦିନ ପୂର୍ବରୁ ଚର୍ଚ୍ଚା ଚାଲିଥିଲା କି, ଯୁବରାଜ ପଞ୍ଜାବର ଗୁରୁଦାସପୁରରୁ ନିର୍ବାଚନ ଲଢିବା ନେଇ ଚର୍ଚ୍ଚା ହେଉଛି । ଯାହାକୁ ନେଇ ସୋସିଆଲ ମିଡିଆରେ ସ୍ପଷ୍ଟୀକରଣ ଦେଇଛନ୍ତି ଯୁବରାଜ ।

ସୋସିଆଲ ମିଡିଆ ପ୍ଲାଟଫର୍ମ Xରେ ପୂର୍ବତନ କ୍ରିକେଟର ଯୁବରାଜ ସିଂହ ଏକ ପୋଷ୍ଟ କରି ଲେଖିଛନ୍ତି, ‘ତାଙ୍କର ରାଜନୀତିରେ ପ୍ରବେଶ କରିବାର କୌଣସି ଇଚ୍ଛା ନାହିଁ । ଲୋକଙ୍କ ସେବା କରିବା ଏବଂ ସେମାନଙ୍କୁ ସହଯୋଗ କରିବା ତାଙ୍କ ପ୍ୟାସନ୍ । ସ୍ୱେଚ୍ଛାସେବୀ ସଙ୍ଗଠନ @YOUWECAN ଜରିଆରେ ସମାଜରେ ପରିବର୍ତ୍ତନ ଆଣିବା ପାଇଁ ଚେଷ୍ଟା କରିବେ ।’

Contrary to media reports, I’m not contesting elections from Gurdaspur. My passion lies in supporting and helping people in various capacities, and I will continue to do so through my foundation @YOUWECAN. Let’s continue making a difference together to the best of our abilities❤️

— Yuvraj Singh (@YUVSTRONG12) March 1, 2024

ଚର୍ଚ୍ଚା ଚାଲିଥିଲା କି, ବିଜେପି ବର୍ତ୍ତମାନ ସାଂସଦ ଥିବା ସନ୍ନି ଦେଓଲଙ୍କୁ ହଟାଇ ଗୁରୁଦାସପୁରରୁ ଯୁବରାଜ ସିଂହଙ୍କୁ ପ୍ରାର୍ଥୀ କରିବ । ନିତିନ ଗଡ଼କରୀଙ୍କ ସହ ଯୁବରାଜଙ୍କ ଏକ ବୈଠକ ପରେ ମିଡିଆରେ ଏହି ଖବର ଆସିଥିଲା । କିନ୍ତୁ ଯୁବରାଜ ଏହି ଖବର ଖଣ୍ଡନ କରିଛନ୍ତି ।

ଯୁବରାଜ ଟି୨୦ ବିଶ୍ୱକପ ସେମିଫାଇନାଲରେ ଇଂଲଣ୍ଡର ଦ୍ରୁତ ବୋଲତର ଷ୍ଟୁଆର୍ଟ ବ୍ରଡଙ୍କ ବଲକୁ ଲଗାତାର ୬ ଟି ଛକା ମାରି ବିଶ୍ୱ ରେକର୍ଡ କରିଥିଲେ । ବିଶ୍ୱକପ ୨୦୧୧ ସମୟରେ ଯୁବରାଜ କ୍ୟାନସର ଭଳି ମାରାତ୍ମକ ରୋଗ ସହିତ ଲଢୁଥିଲେ । ହେଲେ ଟୁର୍ଣ୍ଣାମେଣ୍ଟ ସମୟରେ ଏହି ବିଷୟରେ କେହି ଜାଣିନଥିଲେ ।  ସେ ଫୁସଫୁସ କ୍ୟାନସର ଭଳି ମାରାତ୍ମକ ରୋଗରେ ପଡିତ ହୋଇ ଆମେରିକାର ବୋଷ୍ଟନ ହସ୍ପିଟାଲରେ ଆଡମିଟ ହୋଇଥିଲେ ।  ସେ ୪୦୨ଟି ଆନ୍ତର୍ଜାତୀୟ ମ୍ୟାଚ୍ ଖେଳି ୩୯୧ ଇନିଂସରେ ୧୧୭୭୮ ରନ୍ ସଂଗ୍ରହ କରିଛନ୍ତି। ଆନ୍ତର୍ଜାତୀୟ କ୍ରିକେଟରେ ଯୁବରାଜଙ୍କ ନାମରେ ୧୭ଟି ଶତକ ଏବଂ ୭୧ ଅର୍ଦ୍ଧଶତକ ରହିଛି  ।

ଯୁବରାଜ ନିଜ କ୍ୟାରିଅରରେ ସାତୋଟି ଆଇସିସି ଟୁର୍ନାମେଣ୍ଟ ଫାଇନାଲ ଖେଳିଥିଲେ । ଯେଉଁଥିରେ ତିନୋଟି ଚାମ୍ପିଅନ୍ସ ଟ୍ରଫି, ଦୁଇଟି ବିଶ୍ୱକପ ଏବଂ ଦୁଇଟି ଟି – ୨୦ ବିଶ୍ୱକପ ଫାଇନାଲ ସାମିଲ ରହିଛି ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।