୪୦୪ ଜଣ ନିଖୋଜ ଶିଶୁ ଉଦ୍ଧାର,ଓଡ଼ିଶା ପୋଲିସର ସଫଳ ଅଭିଯାନ
ଭୁବନେଶ୍ୱର(କେନ୍ୟୁଜ୍) : ଓଡ଼ିଶାର ବିଭିନ୍ନ ଅଞ୍ଚଳରୁ ନିଖୋଜ ହୋଇଥିବା ୪୦୪ ଜଣ ଶିଶୁ ଉଦ୍ଧାର ହୋଇଛନ୍ତି । ଓଡ଼ିଶା ପୋଲିସ୍ ସ୍ପେଶାଲ୍ ଡ୍ରାଇଭରେ ଏହି ଶିଶୁମାନଙ୍କୁ ଉଦ୍ଧାର କରିଛି ।
ଉଦ୍ଧାର ହୋଇଥିବା ଶିଶୁଙ୍କ ମଧ୍ୟରେ ୩୨୨ ଜଣ ବାଳିକା ଓ ୮୨ ଜଣ ବାଳକ ରହିଛନ୍ତି । ଓଡ଼ିଶା ପୋଲିସର ଏହି ଅଭିଯାନ ଗତ ୨୮ ତାରିଖରୁ ଆରମ୍ଭ ହୋଇଥିଲା । ମାତ୍ର ୧୦ ଦିନ ମଧ୍ୟରେ ପୋଲିସ ଅଧିକାରୀଙ୍କ ଅକ୍ଲାନ୍ତ ପରିଶ୍ରମ ଯୋଗୁ ଏହା ସମ୍ଭବ ହୋଇ ପାରିଛି ବୋଲି ଡିଜି ଅଭୟ କହିଛନ୍ତି । ପୋଲିସ ଅଧିକାରୀଙ୍କ ଏହି ଅକ୍ଲାନ୍ତ ପରିଶ୍ରମ ପାଇଁ ଡିଜି ଅଭୟ ସମସ୍ତ ପୋଲିସ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି ।
