ଭୁବନେଶ୍ବର: ପାର୍ବଣ ସମୟରେ ଜୋରଦାର ଚାଲିଛି ‘ଦାଦାବଟିକୁ ନାଁ’ ଅଭିଯାନ। କମିଶନରେଟ ପୋଲିସ ହାତରେ ଧରାପଡିଛନ୍ତି ୫ ଦଲାଲ ସାମ୍ବାଦିକ ଓ ଜଣେ ଡ୍ରାଇଭର। ବିଭିନ୍ନ ୱେବ ପୋର୍ଟାଲରେ କାମ କରନ୍ତି ଏହି ସାମ୍ବାଦିକମାନେ। ବଟି ନ ଦେଲେ ପୋଲିସ ଡାକି ଗିରଫ ପାଇଁ ଧମକ ଦେଉଥିଲେ।
ଲୋକଙ୍କୁ ଧମକ ଦେଇ ୧ଲକ୍ଷ ୬୪ହଜାର ନେଇଥିଲେ ଏହି ଦଲାଲମାନେ । ଫୋନ୍ ପେ ଜରିଆରେ ଟଙ୍କା ନେଉଥିଲେ। ତମାଣ୍ଡୋରେ ଘିଅ କମ୍ପାନୀ ମାଲିକଙ୍କୁ ବଟି ମାଗୁଥିବାବେଳେ ଏମାନଙ୍କୁ ଗିରଫ କରିଛି ପୋଲିସ୍। ସେମାନଙ୍କ ନିକଟରୁ କ୍ୟାମେରା, ବୁମ୍, କାର୍ ସହ ୨୪ ହଜାର ଟଙ୍କା ଜବତ ହୋଇଛି।