ଆନ୍ଧ୍ର ପ୍ରଦେଶ ଗ୍ରେହାଉଣ୍ଡ ଟିମକୁ ସଫଳତା, ଏନକାଉଣ୍ଟରରେ ନିହତ କଲା ୫ ମାଓବାଦୀଙ୍କୁ
ମାଲକାନଗିରି(କେନ୍ୟୁଜ୍): ଗଡ଼ିଲା ୫ ମାଓବାଦୀଙ୍କ ମୁଣ୍ଡ। ମାଲକାନଗିରି ସୀମାନ୍ତ ଆନ୍ଧ୍ରପ୍ରଦେଶରେ ଏନକାଉଣ୍ଟର। ବିଶାଖାପାଟଣା ମାଡିକାମାଲୁ ଜଙ୍ଗଲରେ ଆନ୍ଧ୍ର ଗ୍ରେହାଉଣ୍ଡ ଏହି ଏନକାଉଣ୍ଟର କରିଥିଲା। ଏତିକିବେଳେ ଉଭୟ ସୁରକ୍ଷାକର୍ମୀ ଓ ମାଓବାଦୀଙ୍କ ଭିତରେ ଚାଲିଥିଲା ଗୁଳି ବିନିମୟ। ସୁରକ୍ଷାକର୍ମୀଙ୍କ ଗୁଳିରେ ୫ ଜଣ ମାଓବାଦୀଙ୍କ ମୃତ୍ୟୁ ହୋଇଛି। ଆଉ କିଛି ଆହତ ହୋଇଥିବା ସୂଚନା ମିଳିଛି। ମାଡିକାମାଲୁ ଜଙ୍ଗଲରେ ମାଓ କ୍ୟାମ୍ପ ଚାଲିଥିବା ନେଇ ଖବର ମିଳିଥିଲା। ଏହାପରେ ଆରମ୍ଭ ହୋଇଥିଲା ଅପରେସନ୍। ବର୍ତ୍ତମାନ ସେଠାରେ ସର୍ଚ୍ଚ ଅପରେସନ୍ ଜାରି ରହିଛି।
