ପୋଖରୀରେ ବୁଡି ଉଭୟ ବାପ-ଝିଅ ମୃତ
ନୂଆପଡ଼ା(କେନ୍ୟୁଜ୍) : ନୂଆପଡ଼ା ଏନଏସି ଅନ୍ତର୍ଗତ ସାଲେଭଟା ଗାଁରେ ଘଟିଛି ଏକ ଅଘଟଣ । ଆଜି ଗାଁ ପୋଖରୀକୁ ଗାଧୋଇବାକୁ ଯାଇଥିବା ବେଳେ ଉଭୟ ବାପା ଓ ୫ବର୍ଷର ଝିଅ ପାଣିରେ ବୁଡି ମୃତ୍ୟୁ ବରଣ କରିଛନ୍ତି ।
ପାଣିରେ ବୁଡିଯାଉଥିବା ଝିଅକୁ ଉଦ୍ଧାର କରିବାକୁ ଯାଇ ବାପାର ମୃତ୍ୟୁ ଘଟିଛି । ମୃତକ ହେଲେ ସାଲେଭଟା ଗାଁର ରୋହିତ ମାଝୀ ଓ ତାଙ୍କ ୫ବର୍ଷର ଝିଅ ଦେବିକା ମାଝୀ । ପୋଖରୀରୁ ଉଭୟ ବାପା ଓ ଝିଅଙ୍କ ମୃତଦେହ ଉଦ୍ଧାର କରିଛନ୍ତି ସ୍ଥାନୀୟ ଲୋକମାନେ ।
ଘଟଣା ସ୍ଥଳରେ ନୂଆପଡ଼ା ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ଗୋଟିଏ ପରିବାରର ଉଭୟ ବାପା ଓ ଝିଅଙ୍କ ପାଣିରେ ବୁଡ଼ି ମୃତ୍ୟୁ ଘଟଣାକୁ ନେଇ ସଂପୃକ୍ତ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
