ରାଉରକେଲା: ଉତ୍କଳ ବସ୍ତିର ଏକ ଢାବାରେ ଚଢ଼ାଉ, ୮୦ବୋତଲ ବେଆଇନ ବିଦେଶୀ ମଦ ଜବତ
ରାଉରକେଲା(କେନ୍ୟୁଜ୍): ରାଉରକେଲା ୧୫ନମ୍ବର ସେକ୍ଟର ଥାନା ପୋଲିସ ଉତ୍କଳ ବସ୍ତିର ଏକ ଢାବାରେ ଚଢ଼ାଉ କରି ୮୦ବୋତଲ ବେଆଇନ ବିଦେଶୀ ମଦ ଜବତ କରିଛି । ହୋଲି ଦିନ ମଦ ବିକ୍ରି ବନ୍ଦ ଥିବା ବେଳେ ବେଆଇନ ବିଦେଶୀ ମଦ ବିକ୍ରି କରୁଥିବା ଅଭିଯୋଗରେ ଉକ୍ତ ଅଂଚଳର ଜଣେ ବ୍ୟକ୍ତିଙ୍କୁ ଗିରଫ କରିଛି ପୋଲିସ ।
ଗିରଫ ବ୍ୟକ୍ତି ଅବତାର ସିଂ ପୂର୍ବରୁ ମଧ୍ୟ ଏପରି ଚୋରା ମଦ କାରବାରରେ ଲିପ୍ତ ଥିବା ପୋଲିସ କହିଛି । ଗିରଫ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି।
