ହାତୀ ଆକ୍ରମଣରେ ଜଣକର ମୃତ୍ୟୁ ଘଟିଛି। ଘଟଣା ଘଟିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ ବଡପୋଖରିଆ ଗୋପିନାଥପୁର ଗ୍ରାମରେ । ମୃତକ ଦାଶରଥି ମାଝିଙ୍କ ବୟସ ୫୦ବର୍ଷ । ଦାଶରଥି କାମସାରି ଘରକୁ ଫେରୁଥିବା ସମୟରେ ହାତୀ ହାବୁଡ଼ରେ ପଡିଥିଲେ ହାତୀ ଶୁଣ୍ଡରେ ତାଙ୍କୁ ଫୋପାଡ଼ି ଦେଇ ପାଦରେ ଦଳିଚକଡି ଦେଇଥିଲା। ଯାହା ଫଳରେ ଘଟଣା ସ୍ଥଳରେ ହିଁ ଦାଶରଥିଙ୍କ ମୃତ୍ୟୁ ଘଟିଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ଶବକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ଖୋର୍ଦ୍ଧା ମୁଖ୍ୟ ଡାକ୍ତରଖାନାକୁ ପଠାଇଛି।