ଖୋର୍ଦ୍ଧା: ଟାଙ୍ଗୀରେ ପୋଖରୀ ବୁଡି ୫ମ ଶ୍ରେଣୀ ଛାତ୍ର ମୃତ, ପରିବାରରେ ଶୋକର ଛାୟା
ଟାଙ୍ଗୀ(କେନ୍ୟୁଜ୍): ଖୋରଧା ଜିଲ୍ଲା ଟାଙ୍ଗୀ ଥାନା ଉଜ୍ଜଳା ଗୋପୀନାଥ ପୁର ଗ୍ରାମରେ ଘଟିଛି ଅଭାବନୀୟ ଘଟଣା । ପୋଖରୀରେ ବୁଡି ନାବାଳକର ମୃତ୍ୟୁ ହୋଇଥିବା ସୂଚନା। ନାବାଳକର ନାମ ବିଜୟ ଦାସ ଓ ସେ ସ୍ଥାନୀୟ ସରକାରୀ ବିଦ୍ୟାଳୟରେ ୫ମ ଶ୍ରେଣୀରେ ପଢୁଥିବା ଜଣାପଡିଛି। ସବୁ ଦିନ ଭଳି ଆଜି ବିଜୟ ପୋଖରୀକୁ ଗାଧୋଇବାକୁ ଯାଇଥିଲା, ମାତ୍ର ପୋଖରୀ ର ଗାଧୁଆ ତୁଠରେ ଶିଉଳି ଲାଗି ଥିବାରୁ ତାର ଗୋଡ ଖସିଯାଇଥିଲ। ଯାହାଫଳରେ ବିଜୟ ପୋଖରୀ ଭିତରେ ବୁଡି ଯାଇଥିଲା। ସ୍ଥାନୀୟ ଲୋକେ ବିଜୟ କୁ ଉଦ୍ଧାର କରି ପରିବାର ଲୋକଙ୍କୁ ଖବର ଦେଇଥିଲେ । ପରିବାର ଲୋକେ ବିଜୟକୁ ସେଠାରୁ ଗୁରୁତର ଅବସ୍ଥାରେ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲେ । ତେବେ ସେଠାରେ ଡାକ୍ତର ବିଜୟକୁ ମୃତ ଘୋଷଣା କରିଛନ୍ତି। ଟାଙ୍ଗୀ ପୋଲିସ୍ ଶବ ଜଵତ କରି ତଦନ୍ତ ଚଳାଇଛି ।
