ଭୁବନେଶ୍ବର ନିୟୁ ଫରେଷ୍ଟ ପାର୍କ ଅଂଚଳରୁ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର: ହତ୍ୟା ସନ୍ଦେହ
ଭୁବନେଶ୍ବର(କେନ୍ୟୁଜ୍): ଭୁବନେଶ୍ୱରରେ ପୁଣି ଏକ ଯୁବକଙ୍କ ମୃତ ଦେହ ଉଦ୍ଧାର । ନିୟୁ ଫରେଷ୍ଟ ପାର୍କ ଅଂଚଳରୁ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର ହୋଇଛି। ମୃତ ଯୁବକଙ୍କ ନାମ ଜ୍ୟୋତି ରଂଜନ ସାହୁ ଓ ତାଙ୍କ ଘର ଖୋର୍ଦ୍ଧା ସରପାରି ଗାଁରେ। ମୃତ୍ୟର କାରଣ ଅସ୍ପଷ୍ଟ ରହିଥିବା ବେଳେ,ମୃତକଙ୍କ ହାତରେ ବନ୍ଧା ହୋଇଛି କଡ଼ି ।
ତେଣୁ କେହି ହତ୍ୟା କରିଥିବା ସନ୍ଦେହ କରୁଛି ପୋଲିସ ।ଜ୍ୟୋତି ଖୋର୍ଦ୍ଧା ମଳିପଡ଼ା କଲେଜରେ ଯୁକ୍ତ ୩ରେ ପାଠ ପଢ଼ୁଥିଲେ। ପୋଷ୍ଟ ମୋର୍ଟମ ପାଇଁ କ୍ୟାପିଟାଲ ହସ୍ପିଟାଲ ପଠାଇଲା ଏୟାରପୋର୍ଟ ଥାନା ପୋଲିସ । ସେପଟେ ପୋଲିସ ନିଜ ଆଡୁ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।