ମମିତାଙ୍କ ବାପାଙ୍କ ଭାବପ୍ରବଣ ଭିଡ଼ିଓ, କହିଲେ ଗୋବିନ୍ଦ ସହ ଝିଅ ଯାଇ ନ ଥିଲା ରାୟପୁର
କେନ୍ଯୁଜ୍: ମହାଲିଙ୍ଗ ସନସାଇନ ପବ୍ଲିକସ୍କୁଲ ଅଧ୍ୟକ୍ଷା ମମିତା ମେହେର ହତ୍ୟା ଘଟଣାକୁ ନେଇ ମୁହଁ ଖୋଲିଲେ ମୃତକଙ୍କ ବାପା । କହିଛନ୍ତି, ଗୋବିନ୍ଦ ସହ ମମିତା ରାୟପୁର ଯାଇ ନ ଥିଲା । ଏହି ଘଟଣାକୁ ନେଇ ରାଜନୀତି ନ ହେଉ । କେହି ମମିତାର ଚରିତ୍ର ସଂହାର ନକରନ୍ତୁ । ସେ ଜଣେ ଭଲ ଝିଅ ଥିଲା । ତଦନ୍ତ ସଂପର୍କରେ ଜାଣିବା ପାଇଁ ପୋଲିସ ପାଖକୁ ଯାଇଥିଲି ଓ ପୋଲିସ ତଦନ୍ତରେ ସେ ସନ୍ତୁଷ୍ଟ ଅଛନ୍ତି । ମୁଖ୍ୟମନ୍ତ୍ରୀଙ୍କ ଉପରେ ତାଙ୍କର ଭରସା ରହିଛି, ଝିଅକୁ ନ୍ୟାୟ ମିଳିବ ବୋଲି କହିଛନ୍ତି ମମିତାଙ୍କ ବାପା ।
ଏହାସହିତ ପଡନ୍ତୁ:
ସୂଚନା ଥାଉକି, ଗତ କିଛି ଦିନ ତଳେ ଜଣାପଡିଥିଲା କି, ଅଧ୍ୟକ୍ଷା ମମିତା ମେହେରଙ୍କୁ ହତ୍ୟା ପରେ ମୃତଦେହକୁ ପୋଡ଼ିବା ପାଇଁ ଟାୟାର ବ୍ୟବହାର ହୋଇଥିଲା। ସେହି ଟାୟାର ମହାଲିଙ୍ଗର ଟାୟାର ଦୋକାନୀ ବିବେକ ଅଗ୍ରୱାଲଙ୍କ ଠାରୁ ଅଣାଯାଇଥିବା ଜଣାପଡିଛି। ଗତ ୮ ତାରିଖରେ ବିବେକଙ୍କୁ ମୁଖ୍ୟ ଅଭିଯୁକ୍ତ ଗୋବିନ୍ଦଙ୍କୁ ଫୋନ କରି ଟାୟାର ମାଗିଥିଲା । ସେଦିନ ଅପରାହ୍ନରେ ଗୋବିନ୍ଦର ଡ୍ରାଇଭର ରଧେଶ୍ୟାମ ଚଣ୍ଡୀ ତାଙ୍କଠାରୁ ଦୁଇଟି ଟାୟାର ଆଣିଥିବା ୧୬୧ ଷ୍ଟେଟମେଣ୍ଟରେ ବିବେକ ପୋଲିସକୁ କହିଥିଲା ।
ଅନ୍ଯପଟେ, ମମିତା ମର୍ଡର ମିଷ୍ଟ୍ରିର ତଦନ୍ତ ପ୍ରାୟ ସାରିଛି ପୋଲିସ । ମମିତାକୁ ଯୋଜନାବଦ୍ଧ ହତ୍ୟା ଓ ପ୍ରମାଣ ନଷ୍ଟ କରିବାକୁ ସାଙ୍ଘାତିକ ଷଡଯନ୍ତ୍ର ରଚିଥିଲା ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ । ଏବେ କଣ୍ଟାବାଞ୍ଜି ସବ୍ ଜେଲରେ ମୁଖ୍ୟ ଅଭିଯୁକ୍ତ ଗୋବିନ୍ଦ ଓ ସହଯୋଗୀ ରାଧେ ଅଛନ୍ତି । ଜେଲରେ ଦୁଇ ଜଣଙ୍କୁ ପୃଥକ ପୃଥକ କୋଠରୀରେ ରଖାଯାଇଛି । ଅନ୍ୟ ଅଭିଯୁକ୍ତ ରଧେଶ୍ୟାମ ଚଣ୍ଡୀକୁ ଆବଶ୍ୟକ ପଡ଼ିଲେ ରିମାଣ୍ଡରେ ଆଣିବ ବଲାଙ୍ଗୀର ପୋଲିସ ।
