ସୁବର୍ଣ୍ଣପୁର : ପାତାଳି ଶ୍ରୀକ୍ଷେତ୍ରରେ ବାହୁଡା ଯାତ୍ରା ପାଳିତ
ସୁବର୍ଣ୍ଣପୁର (କେନ୍ୟୁଜ୍) : ପାତାଳି ଶ୍ରୀକ୍ଷେତ୍ରରେ ବାହୁଡା ଯାତ୍ରା ପାଳିତ । କୋଟସମଲାଇ ଗାଁରେ ଶ୍ରୀଜୀଉ ଆ଼ଡପ ମଣ୍ଡପରେ ନଅ ଦିନ ଧରି ବିଭିନ୍ନ ବେଶରେ ଭକ୍ତଙ୍କୁ ଦର୍ଶନ ଦେଇ ଛଳିଆ ପାହାଡ଼ ଉପରେ ଥିବା ମନ୍ଦିରକୁ ଫେରିଛନ୍ତି। ଆଗରେ ବଳଭଦ୍ର, ମଝିରେ ଦେବୀ ସୁଭଦ୍ରା ଓ ପଛରେ କାଳିଆଠାକୁରଙ୍କୁ ପହଣ୍ଡି ବିଜେ କରାଯାଇଥିଲା। ହରିବୋଲ, ହୁଳହୁଳି, ଘଣ୍ଟଘଣ୍ଟା ଓ ସଂକୀର୍ତ୍ତନରେ ଉଛୁଳି ପଡିଥିଲା ସାରା ପରିବେଶ। ପାତାଳୀ ଶ୍ରୀକ୍ଷେତ୍ର ମହୋତ୍ସବ କମିଟି ଓ ଜିଲ୍ଲା ପ୍ରଶାସନର ସହାୟତାର ପ୍ରତି ବର୍ଷ ପାଳିତ ହୋଇଆସୁଛି ଏହି ବାହୁଡ଼ା ଯାତ୍ରା। ସୁଭଦ୍ରାଙ୍କ ରଥକୁ କେବଳ ମହିଳାମାନେ ଟାଣିବାର ନିୟମ ରହିଥିବା ବେଳେ, ମାଆ ମାନେ ଛୋଟ ଶିଶୁମାନଙ୍କର ମଙ୍ଗଳ ମନାସି ଦୀର୍ଘାୟୁ କାମନା କରିଥିଲେ।
