ବସ୍ ଧକ୍କାରେ ବାଇକ୍ ଆରୋହୀଙ୍କ ମୃତ୍ୟୁ
ଯାତ୍ରୀବାହୀ ବସ୍ ଧକ୍କାରେ ବାଇକ୍ ଆରୋହୀଙ୍କ ମୃତ୍ୟୁ । ଗଂଜାମ ଜିଲ୍ଲା ଭଂଜନଗର ଥାନା ଅନ୍ତର୍ଗତ ବୁଦୁଲି ଗାଁ ନିକଟରେ ଘଟିଛି ଏଭଳି ଦୁର୍ଘଟଣା । ମୃତକ ଜଣକ, ନିକଟସ୍ଥ ନିଧିଆପଲ୍ଲୀ ଗାଁର ଦେବଦତ୍ତ ଦଳବେହେରା ।
ଭଂଜନଗର : ଯାତ୍ରୀବାହୀ ବସ୍ ଧକ୍କାରେ ବାଇକ୍ ଆରୋହୀଙ୍କ ମୃତ୍ୟୁ । ଗଂଜାମ ଜିଲ୍ଲା ଭଂଜନଗର ଥାନା ଅନ୍ତର୍ଗତ ବୁଦୁଲି ଗାଁ ନିକଟରେ ଘଟିଛି ଏଭଳି ଦୁର୍ଘଟଣା । ମୃତକ ଜଣକ, ନିକଟସ୍ଥ ନିଧିଆପଲ୍ଲୀ ଗାଁର ଦେବଦତ୍ତ ଦଳବେହେରା । ଘଟଣାସ୍ଥଳରେ ପୋଲିସ ପହଞ୍ଚି ମୃତ ଦେହକୁ ଜବତ କରିଛି ।
ଦୁର୍ଘଟଣା ଘଟାଇଥିବା ବସ୍ ର ଡ୍ରାଇଭରକୁ ଅଟକ ରଖିଛି, ପୋଲିସ । ଭଂଜନଗରରୁ ବାଇକ୍ ଯୋଗେ ନିଜ ଗାଁ ନିଧିଆପଲ୍ଲୀକୁ ଫେରୁଥିଲେ ଦେବଦତ୍ତ । ସେହି ସମୟରେ ଫୁଲବାଣୀରୁ ଭଂଜନଗର ଅଭିମୁଖେ ଆସୁଥିବା ଘରୋଇ ବସ୍ ଟି , ଧକ୍କା ଦେବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଏନେଇ ଭଂଜନଗର ଥାନାରେ ଏକ ମାମଲା ରୁଜୁ କରି, ଘଟଣାର ତଦନ୍ତ ତଦନ୍ତ ଚଳାଇଛି ପୋଲିସ ।