ଭାରସାମ୍ୟ ହରାଇ ରାସ୍ତା କଡ଼କୁ ଓଲଟିଲା ଯାତ୍ରୀବାହୀ ବସ୍: ୧୦ ଆହତ ୨ ଗୁରୁତର
ରାଇରଙ୍ଗପୁର(କେନ୍ଯୁଜ୍) : ଓଲଟିଲା ଯାତ୍ରୀବାହୀ ବସ୍ । ଘଟଣାରେ ୧୦ ଆହତ ୨ ଗୁରୁତର । ଏଭଳି ଘଟଣା ଘଟିଛି ମୟୁରଭଞ୍ଜ ଜିଲ୍ଲା ଗୋରୁମହିଷାଣି ଥାନା ଟଲକୋରେ । କାହୁତୁକାରୁ ଜାମଦା ଅଭିମୁଖେ ଯାଉଥିବା ବେଳେ ଭୁତନାଥ ନାମକ ଏକ ଘରୋଇ ଯାତ୍ରୀବାହୀ ବସ୍ ଟଲକରେ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟିଲା।
ଦୁର୍ଘଟଣାରେ ୧୦ଜଣ ଯାତ୍ରୀ ଆହତ ହୋଇଥିବା ବେଳେ ୨ ଜଣ ଯାତ୍ରୀ ଗୁରୁତର ହୋଇଥିଲେ । ସ୍ଥାନୀୟ ଲୋକେ ଉଦ୍ଧାର କରି ଗୋରୁମହିଷାଣି ହସ୍ପିଟାଲକୁ ନେଇଥିଲେ। ଗୁରୁତର ଯାତ୍ରୀଙ୍କୁ ରାଇରଙ୍ଗପୁର ଉପଖଣ୍ଡ ଚିକିସ୍ଥାଳୟକୁ ସ୍ଥାନାନ୍ତର କରାଯାଇଥିଲା । ଖବର ପାଇ ଗୋରୁମହିଷାଣି ଥାନା ପୋଲିସ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି ।
