ଯାଜପୁର ଟାଉନ: ଯାଜପୁର ଥାନା ଅଧିନସ୍ତ ବଲଭିଘାଟ ଛକ ନିକଟରେ ଦୁଇ ଗୋଷ୍ଠି ମଧ୍ୟରେ ସଂଘର୍ଷ , ଚାରି ଗୁରୁତର । ଗତକାଲି ବିଳମ୍ବିତ ରାତ୍ରିରେ ସାନବଜାର ଏବଂ ନାଉରିଆ ସାହି ମଧ୍ୟରେ ଗୋଷ୍ଠି ସଂଘର୍ଷ ଘଟିଥିଲା । ଫଳରେ କିଛି ଉତ୍ୟକ୍ତ ଲୋକେ ବଲଭିଘାଟ ନିକଟରେ ଥିବା ଦଶରୁ ଉର୍ଦ୍ଧ୍ବ ଦୋକାନକୁ ଭଙ୍ଗାରୁଜା କରିବା ସହ ପାଖରେ ଥିବା କିଛି ଘରକୁ ମଧ୍ୟ ଭଙ୍ଗାରୁଜା କରିଛନ୍ତି ।
ତେବେ ଘଟଣା ସ୍ଥଳରେ ଯାଜପୁର ପୋଲିସ ପହଞ୍ଚିବା ପରେ ଉତେକ୍ତ ଲୋକେ ସ୍ଥାନ ଛାଡି ପଳେଇଥିଲେ । ତେବେ ଘଟଣା ସ୍ଥଳରେ ୧ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛି । ଗୁରୁତର ଆହତ ହୋଇଥିବା ୪ଜଣଙ୍କୁ କଟକ ସ୍ଥାନାନ୍ତର କରାଯାଇଥିବା ବେଳେ ଦୁଇଜଣ ଯାଜପୁର ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।