ଓଡିଶା ଦିବସରେ ମୁଖ୍ୟମନ୍ତ୍ରୀଙ୍କ ବାର୍ତ୍ତା: ବେକାରୀ କମ୍ କରିବାରେ ଆଜି ଓଡିଶା ସାରା ଦେଶରେ ସବୁଠୁ ଭଲ କାମ କରିଛି
କେନ୍ୟୁଜ୍(ବ୍ୟୁରୋ): ରାଜ୍ୟରୁ ଗରିବୀ କମିଛି । ବେକାରୀ କମ୍ କରିବାରେ ଆଜି ଓଡିଶା ସାରା ଦେଶରେ ସବୁଠୁ ଭଲ କାମ କରିଛି । ଶିଳ୍ପ କ୍ଷେତ୍ରରେ ଓଡିଶା ଆଗୁଆ ରାଜ୍ୟ ହୋଇପାରିଛି । ଆଜି ରାଜ୍ୟସ୍ତରୀୟ ଓଡିଶା ଦିବସ ପାଳନ ଅବସରରେ ଏହି ବାର୍ତ୍ତା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଉତ୍କଳ ଦିବସ ଅବସରରେ ଭୁବନେଶ୍ୱର ୟୁନିଟ୍-୩ ପ୍ରଦର୍ଶନୀ ପଡ଼ିଆରେ ସମୂହ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା । ଏହି ଅବସରରେ ରାଷ୍ଟ୍ରପତି, ଉପରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା ବାର୍ତ୍ତା ପଢିଥିଲେ ସଚିବ ବିଷ୍ଣୁ ପଦ ସେଠୀ ।
ସ୍ୱତନ୍ତ୍ର ଓଡିଶା ଗଠନର ପ୍ରମୁଖ ଭୂମିକା ନିଭାଇଥିବା ବରପୁତ୍ର ମାନଙ୍କ ସ୍ମୃତି ଚାରଣ କରିଥିଲେ ମୁଖ୍ୟମନ୍ତ୍ରୀ । ବାଚସ୍ପତି ସୂର୍ଯ୍ୟ ନାରାୟଣ ପାତ୍ର, ମନ୍ତ୍ରୀ ରଘୁନନ୍ଦନ ଦାସ, ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ, ଅଶୋକ ପଣ୍ଡା, ବିଧାୟକ ଅନନ୍ତ ନାରାୟଣ ଜେନା, ସୁଶାନ୍ତ ରାଉତ, ସଚିବ ବିଷ୍ଣୁପଦ ସେଠୀ ମଞ୍ଚରେ ଉପସ୍ଥିତ ଥିଲେ। ଏହିଅବସରରେ କୋଭିଡ ଯୋଦ୍ଧାଙ୍କୁ ସମ୍ବର୍ଦ୍ଧିତ କରାଯାଇଛି।
