ଭୁବନେଶ୍ବର: ସାବଧାନ ଗାଡ଼ି ଚାଳକ! ଏଣିକି ରଙ୍ଗରୁଟ୍ରେ ଗାଡି ଚଲାଇଲେ ଟାୟାର ହେବ ଲିକ୍
କେନ୍ୟୁଜ୍(ବ୍ୟୁରୋ): ସାବଧାନ ଗାଡ଼ି ଚାଳକ! ଏଣିକି ରଙ୍ଗରୁଟ୍ରେ ଗାଡି ଚଲାଇଲେ ଟାୟାର ଲିକ୍ ହେବ ! ରଙ୍ଗରୁଟ୍ ଡ୍ରାଇଭିଂ ରୋକିବାକୁ କମିଶନରେଟ ପୋଲିସ ଲଗାଇବାକୁ ଯାଉଛି ସ୍ପାଇକ୍ ବାରିଅର। କଟକ-ଭୁବନେଶ୍ୱରରେ ୨୪୨ଟି ରଙ୍ଗ୍ ରୁଟ୍ ସ୍ଥାନ ଚିହ୍ନଟ ହୋଇଛି। ଏହା ଭିତରୁ ୩୨ଟି ଅତି ସମ୍ବେଦନଶୀଳ ସ୍ଥାନ । ପ୍ରଥମ ପଯ୍ୟାର୍ୟରେ ରସୁଲଗଡ ସ୍ଥିତ ଏସପ୍ଲାନେଡ୍ ମଲ୍ ପାଖରେ ପରୀକ୍ଷାମୂଳକ ଭାବେ ଲାଗିବ ସ୍ପାଇକ୍ ବାରିଅର । ଅର୍ଥାତ ଯେଉଁ ରାସ୍ତାରେ ଏହି ବେରିଅର ଲାଗିଥିବା ସେହି ରାସ୍ତାରେ ସିଧା ଯାଇହେବ କିନ୍ତୁ ବାମପଟକୁ ଯୂଟର୍ଣ୍ଣ ମାରି ରଙ୍ଗରେ ଯାଇହେବ ନାହିଁ। ଯଦି କେହି ଯାଏ ତେବେ ତାର ଗାଡି ଚକା ଲିକ ହେବ ସୁନିଶ୍ଚିତ।
